| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๑๐. สมาธิมูลกสปฺปายการีสุตฺตํ
10. Samādhimūlakasappāyakārīsuttaṃ
๖๗๑. สาวตฺถินิทานํ ฯ ‘‘จตฺตาโรเม, ภิกฺขเว, ฌายีฯ กตเม จตฺตาโร? อิธ, ภิกฺขเว, เอกโจฺจ ฌายี สมาธิสฺมิํ สมาธิกุสโล โหติ, น สมาธิสฺมิํ สปฺปายการีฯ อิธ ปน, ภิกฺขเว, เอกโจฺจ ฌายี สมาธิสฺมิํ สปฺปายการี โหติ, น สมาธิสฺมิํ สมาธิกุสโลฯ อิธ ปน, ภิกฺขเว, เอกโจฺจ ฌายี เนว สมาธิสฺมิํ สมาธิกุสโล โหติ, น จ สมาธิสฺมิํ สปฺปายการีฯ อิธ ปน, ภิกฺขเว, เอกโจฺจ ฌายี สมาธิสฺมิํ สมาธิกุสโล จ โหติ, สมาธิสฺมิํ สปฺปายการี จฯ ตตฺร, ภิกฺขเว, ยฺวายํ ฌายี สมาธิสฺมิํ สมาธิกุสโล จ โหติ สมาธิสฺมิํ สปฺปายการี จ อยํ อิเมสํ จตุนฺนํ ฌายีนํ อโคฺค จ เสโฎฺฐ จ โมโกฺข จ อุตฺตโม จ ปวโร จฯ เสยฺยถาปิ, ภิกฺขเว, ควา ขีรํ…เป.… ปวโร จา’’ติฯ ทสมํฯ (สมาธิมูลกํฯ)
671. Sāvatthinidānaṃ . ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samādhikusalo hoti, na samādhismiṃ sappāyakārī. Idha pana, bhikkhave, ekacco jhāyī samādhismiṃ sappāyakārī hoti, na samādhismiṃ samādhikusalo. Idha pana, bhikkhave, ekacco jhāyī neva samādhismiṃ samādhikusalo hoti, na ca samādhismiṃ sappāyakārī. Idha pana, bhikkhave, ekacco jhāyī samādhismiṃ samādhikusalo ca hoti, samādhismiṃ sappāyakārī ca. Tatra, bhikkhave, yvāyaṃ jhāyī samādhismiṃ samādhikusalo ca hoti samādhismiṃ sappāyakārī ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ…pe… pavaro cā’’ti. Dasamaṃ. (Samādhimūlakaṃ.)
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๒-๕๕. สมาธิมูลกฐิติสุตฺตาทิวณฺณนา • 2-55. Samādhimūlakaṭhitisuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๒-๕๕. สมาธิมูลกฐิติสุตฺตาทิวณฺณนา • 2-55. Samādhimūlakaṭhitisuttādivaṇṇanā
