| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੯. ਸਮਾਧਿਮੂਲਕਸਾਤਚ੍ਚਕਾਰੀਸੁਤ੍ਤਂ
9. Samādhimūlakasātaccakārīsuttaṃ
੬੭੦. ਸਾવਤ੍ਥਿਨਿਦਾਨਂ। ‘‘ਚਤ੍ਤਾਰੋਮੇ, ਭਿਕ੍ਖવੇ, ਝਾਯੀ। ਕਤਮੇ ਚਤ੍ਤਾਰੋ? ਇਧ, ਭਿਕ੍ਖવੇ, ਏਕਚ੍ਚੋ ਝਾਯੀ ਸਮਾਧਿਸ੍ਮਿਂ ਸਮਾਧਿਕੁਸਲੋ ਹੋਤਿ, ਨ ਸਮਾਧਿਸ੍ਮਿਂ ਸਾਤਚ੍ਚਕਾਰੀ। ਇਧ ਪਨ, ਭਿਕ੍ਖવੇ, ਏਕਚ੍ਚੋ ਝਾਯੀ ਸਮਾਧਿਸ੍ਮਿਂ ਸਾਤਚ੍ਚਕਾਰੀ ਹੋਤਿ, ਨ ਸਮਾਧਿਸ੍ਮਿਂ ਸਮਾਧਿਕੁਸਲੋ। ਇਧ ਪਨ , ਭਿਕ੍ਖવੇ, ਏਕਚ੍ਚੋ ਝਾਯੀ ਨੇવ ਸਮਾਧਿਸ੍ਮਿਂ ਸਮਾਧਿਕੁਸਲੋ ਹੋਤਿ, ਨ ਚ ਸਮਾਧਿਸ੍ਮਿਂ ਸਾਤਚ੍ਚਕਾਰੀ। ਇਧ ਪਨ, ਭਿਕ੍ਖવੇ, ਏਕਚ੍ਚੋ ਝਾਯੀ ਸਮਾਧਿਸ੍ਮਿਂ ਸਮਾਧਿਕੁਸਲੋ ਚ ਹੋਤਿ, ਸਮਾਧਿਸ੍ਮਿਂ ਸਾਤਚ੍ਚਕਾਰੀ ਚ। ਤਤ੍ਰ, ਭਿਕ੍ਖવੇ, ਯ੍વਾਯਂ ਝਾਯੀ ਸਮਾਧਿਸ੍ਮਿਂ ਸਮਾਧਿਕੁਸਲੋ ਚ ਹੋਤਿ, ਸਮਾਧਿਸ੍ਮਿਂ ਸਾਤਚ੍ਚਕਾਰੀ ਚ ਅਯਂ ਇਮੇਸਂ ਚਤੁਨ੍ਨਂ ਝਾਯੀਨਂ ਅਗ੍ਗੋ ਚ ਸੇਟ੍ਠੋ ਚ ਮੋਕ੍ਖੋ ਚ ਉਤ੍ਤਮੋ ਚ ਪવਰੋ ਚ। ਸੇਯ੍ਯਥਾਪਿ, ਭਿਕ੍ਖવੇ, ਗવਾ ਖੀਰਂ…ਪੇ॰… ਪવਰੋ ਚਾ’’ਤਿ। ਨવਮਂ।
670. Sāvatthinidānaṃ. ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samādhikusalo hoti, na samādhismiṃ sātaccakārī. Idha pana, bhikkhave, ekacco jhāyī samādhismiṃ sātaccakārī hoti, na samādhismiṃ samādhikusalo. Idha pana , bhikkhave, ekacco jhāyī neva samādhismiṃ samādhikusalo hoti, na ca samādhismiṃ sātaccakārī. Idha pana, bhikkhave, ekacco jhāyī samādhismiṃ samādhikusalo ca hoti, samādhismiṃ sātaccakārī ca. Tatra, bhikkhave, yvāyaṃ jhāyī samādhismiṃ samādhikusalo ca hoti, samādhismiṃ sātaccakārī ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ…pe… pavaro cā’’ti. Navamaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨-੫੫. ਸਮਾਧਿਮੂਲਕਠਿਤਿਸੁਤ੍ਤਾਦਿવਣ੍ਣਨਾ • 2-55. Samādhimūlakaṭhitisuttādivaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨-੫੫. ਸਮਾਧਿਮੂਲਕਠਿਤਿਸੁਤ੍ਤਾਦਿવਣ੍ਣਨਾ • 2-55. Samādhimūlakaṭhitisuttādivaṇṇanā
