Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā)

2-55. самаад̇химуулагатид̇исуд̇д̇аад̣̇иван̣н̣анаа

2-55. Samādhimūlakaṭhitisuttādivaṇṇanā

663-716. д̣̇уд̇ияаад̣̇исуд̇д̇зсу тид̇игусалод̇и зд̇т̇а анд̇ог̇ад̇хахзд̇уад̇т̇о тид̇и-сад̣̇д̣̇о, д̇асмин̃жа бана гусалод̇и ад̇т̇од̇и ааха – ‘‘жхаанам̣ табзд̇ум̣ агусало’’д̇и. сад̇д̇адтаажчараамад̇д̇анд̇и сад̇д̇адтаажчараамад̇д̇ам̣ кан̣ам̣ жхаанам̣ табзд̇ум̣ на саггод̇и ад̇хидтаанавасийбхаавасса анибпаад̣̇ид̇ад̇д̇аа. яат̇аабарижчзд̣̇зна гаалзна вудтаад̇ум̣ на саггод̇и вудтаанавасийбхаавасса анибпаад̣̇ид̇ад̇д̇аа. галлам̣ ж̇аад̇ам̣ ассаад̇и галлид̇ам̣, д̇асмим̣ галлид̇з галлид̇абхаавзна гасин̣аарамман̣зсу ‘‘ид̣̇ам̣ наама асугассаа’’д̇и висаяавасзна самаабаж̇ж̇ид̇ум̣ асаггонд̇о на самаад̇хисмим̣ аарамман̣агусало. на самаад̇хисмим̣ г̇ожарагусалод̇и самаад̇хисмим̣ нибпаад̣̇ид̇аб̣б̣з д̇асса г̇ожарз гаммадтаанасан̃н̃ид̇з бавад̇д̇идтаанз бхигкаажаараг̇ожарз жа сад̇исамбаж̇ан̃н̃авирахид̇о агусало. гзжи бана ‘‘гаммадтаанаг̇ожаро батамаж̇жхаанаад̣̇игам̣, ‘звам̣ самаабаж̇ж̇ид̇аб̣б̣ам̣, звам̣ б̣ахулийгаад̇аб̣б̣а’нд̇и аж̇аананд̇о д̇ад̇т̇а агусало наамаа’’д̇и вад̣̇анд̇и. гаммадтаанам̣ абхинийхарид̇унд̇и гаммадтаанам̣ висзсабхааг̇ияад̇ааяа абхинийхарид̇ум̣ агусало. саггажжагаарийд̇и жид̇д̇ийгаарий. саад̇ажжагаарийд̇и нияад̇агаарий. самаад̇хисса убагаарагад̇хаммаад̇и аббанаагосаллаа. самаабад̇д̇иаад̣̇ийхийд̇и аад̣̇и-сад̣̇д̣̇зна саггажжагаарибад̣̇аад̣̇ийнам̣язва сан̇г̇ахо д̣̇адтаб̣б̣о жад̇уггаанам̣ вуд̇д̇ад̇д̇аа. д̇знааха ‘‘яож̇зд̇ваа жад̇уггаа вуд̇д̇аа’’д̇и. логияаж̇жхаанавасзнзва гат̇ид̇ам̣ ‘‘самаад̇хигусало’’д̇иаад̣̇инаа наязна д̣̇зсанааяа бавад̇д̇ад̇д̇аа. на хи логуд̇д̇арад̇хаммзсу агосаллам̣ наама лаб̣бхад̇и. яад̣̇и агосаллам̣, на гусаласад̣̇д̣̇зна висзсид̇аб̣б̣ад̇аа сияаад̇и.

663-716. Dutiyādisuttesu ṭhitikusaloti ettha antogadhahetuattho ṭhiti-saddo, tasmiñca pana kusaloti atthoti āha – ‘‘jhānaṃ ṭhapetuṃ akusalo’’ti. Sattaṭṭhaaccharāmattanti sattaṭṭhaaccharāmattaṃ khaṇaṃ jhānaṃ ṭhapetuṃ na sakkoti adhiṭṭhānavasībhāvassa anipphāditattā. Yathāparicchedena kālena vuṭṭhātuṃ na sakkoti vuṭṭhānavasībhāvassa anipphāditattā. Kallaṃ jātaṃ assāti kallitaṃ, tasmiṃ kallite kallitabhāvena kasiṇārammaṇesu ‘‘idaṃ nāma asukassā’’ti visayavasena samāpajjituṃ asakkonto na samādhismiṃ ārammaṇakusalo. Na samādhismiṃ gocarakusaloti samādhismiṃ nipphāditabbe tassa gocare kammaṭṭhānasaññite pavattiṭṭhāne bhikkhācāragocare ca satisampajaññavirahito akusalo. Keci pana ‘‘kammaṭṭhānagocaro paṭhamajjhānādikaṃ, ‘evaṃ samāpajjitabbaṃ, evaṃ bahulīkātabba’nti ajānanto tattha akusalo nāmā’’ti vadanti. Kammaṭṭhānaṃ abhinīharitunti kammaṭṭhānaṃ visesabhāgiyatāya abhinīharituṃ akusalo. Sakkaccakārīti cittīkārī. Sātaccakārīti niyatakārī. Samādhissa upakārakadhammāti appanākosallā. Samāpattiādīhīti ādi-saddena sakkaccakāripadādīnaṃyeva saṅgaho daṭṭhabbo catukkānaṃ vuttattā. Tenāha ‘‘yojetvā catukkā vuttā’’ti. Lokiyajjhānavaseneva kathitaṃ ‘‘samādhikusalo’’tiādinā nayena desanāya pavattattā. Na hi lokuttaradhammesu akosallaṃ nāma labbhati. Yadi akosallaṃ, na kusalasaddena visesitabbatā siyāti.

самаад̇химуулагатид̇исуд̇д̇аад̣̇иван̣н̣анаа нидтид̇аа.

Samādhimūlakaṭhitisuttādivaṇṇanā niṭṭhitā.

жхаанасам̣яуд̇д̇аван̣н̣анаа нидтид̇аа.

Jhānasaṃyuttavaṇṇanā niṭṭhitā.

нидтид̇аа жа саарад̇т̇аббагаасинияаа

Niṭṭhitā ca sāratthappakāsiniyā

сам̣яуд̇д̇анигааяа-адтагат̇ааяа канд̇хаваг̇г̇аван̣н̣анаа.

Saṃyuttanikāya-aṭṭhakathāya khandhavaggavaṇṇanā.

Next: 1. аж̇жхад̇д̇аанижжасуд̇д̇аван̣н̣анаа • 1. Ajjhattāniccasuttavaṇṇanā

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2-55. самаад̇химуулагатид̇исуд̇д̇аад̣̇иван̣н̣анаа • 2-55. Samādhimūlakaṭhitisuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact