Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā)

๒-๕๕. สมาธิมูลกฐิติสุตฺตาทิวณฺณนา

2-55. Samādhimūlakaṭhitisuttādivaṇṇanā

๖๖๓-๗๑๖. ทุติยาทีสุ น สมาธิสฺมิํ ฐิติกุสโลติ ฌานํ ฐเปตุํ อกุสโล, สตฺตฎฺฐอจฺฉรามตฺตํ ฌานํ ฐเปตุํ น สโกฺกติฯ น สมาธิสฺมิํ วุฎฺฐานกุสโลติ ฌานโต วุฎฺฐาตุํ อกุสโล, ยถาปริเจฺฉเทน วุฎฺฐาตุํ น สโกฺกติฯ น สมาธิสฺมิํ กลฺลิตกุสโลติ จิตฺตํ หาเสตฺวา กลฺลํ กาตุํ อกุสโลฯ น สมาธิสฺมิํ อารมฺมณกุสโลติ กสิณารมฺมเณสุ อกุสโลฯ น สมาธิสฺมิํ โคจรกุสโลติ กมฺมฎฺฐานโคจเร เจว ภิกฺขาจารโคจเร จ อกุสโลฯ น สมาธิสฺมิํ อภินีหารกุสโลติ กมฺมฎฺฐานํ อภินีหริตุํ อกุสโลฯ น สมาธิสฺมิํ สกฺกจฺจการีติ ฌานํ อเปฺปตุํ สกฺกจฺจการี น โหติฯ น สมาธิสฺมิํ สาตจฺจการีติ ฌานปฺปนาย สตตการี น โหติ, กทาจิเทว กโรติฯ น สมาธิสฺมิํ สปฺปายการีติ สมาธิสฺส สปฺปาเย อุปการกธเมฺม ปูเรตุํ น สโกฺกติฯ ตโต ปรํ สมาปตฺติอาทีหิ ปเทหิ โยเชตฺวา จตุกฺกา วุตฺตาฯ เตสํ อโตฺถ วุตฺตนเยเนว เวทิตโพฺพฯ สกลํ ปเนตฺถ ฌานสํยุตฺตํ โลกิยชฺฌานวเสเนว กถิตนฺติฯ

663-716. Dutiyādīsu na samādhismiṃ ṭhitikusaloti jhānaṃ ṭhapetuṃ akusalo, sattaṭṭhaaccharāmattaṃ jhānaṃ ṭhapetuṃ na sakkoti. Na samādhismiṃ vuṭṭhānakusaloti jhānato vuṭṭhātuṃ akusalo, yathāparicchedena vuṭṭhātuṃ na sakkoti. Na samādhismiṃ kallitakusaloti cittaṃ hāsetvā kallaṃ kātuṃ akusalo. Na samādhismiṃ ārammaṇakusaloti kasiṇārammaṇesu akusalo. Na samādhismiṃ gocarakusaloti kammaṭṭhānagocare ceva bhikkhācāragocare ca akusalo. Na samādhismiṃ abhinīhārakusaloti kammaṭṭhānaṃ abhinīharituṃ akusalo. Na samādhismiṃ sakkaccakārīti jhānaṃ appetuṃ sakkaccakārī na hoti. Na samādhismiṃ sātaccakārīti jhānappanāya satatakārī na hoti, kadācideva karoti. Na samādhismiṃ sappāyakārīti samādhissa sappāye upakārakadhamme pūretuṃ na sakkoti. Tato paraṃ samāpattiādīhi padehi yojetvā catukkā vuttā. Tesaṃ attho vuttanayeneva veditabbo. Sakalaṃ panettha jhānasaṃyuttaṃ lokiyajjhānavaseneva kathitanti.

ฌานสํยุตฺตวณฺณนา นิฎฺฐิตาฯ

Jhānasaṃyuttavaṇṇanā niṭṭhitā.

อิติ สารตฺถปฺปกาสินิยา สํยุตฺตนิกาย-อฎฺฐกถาย

Iti sāratthappakāsiniyā saṃyuttanikāya-aṭṭhakathāya

ขนฺธวคฺควณฺณนา นิฎฺฐิตาฯ

Khandhavaggavaṇṇanā niṭṭhitā.

สํยุตฺตนิกาย-อฎฺฐกถาย ทุติโย ภาโคฯ

Saṃyuttanikāya-aṭṭhakathāya dutiyo bhāgo.

Next: ๑. อชฺฌตฺตานิจฺจสุตฺตวณฺณนา • 1. Ajjhattāniccasuttavaṇṇanā

ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๒-๕๕. สมาธิมูลกฐิติสุตฺตาทิวณฺณนา • 2-55. Samādhimūlakaṭhitisuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact