Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā)

੨-੫੫. ਸਮਾਧਿਮੂਲਕਠਿਤਿਸੁਤ੍ਤਾਦਿવਣ੍ਣਨਾ

2-55. Samādhimūlakaṭhitisuttādivaṇṇanā

੬੬੩-੭੧੬. ਦੁਤਿਯਾਦੀਸੁ ਨ ਸਮਾਧਿਸ੍ਮਿਂ ਠਿਤਿਕੁਸਲੋਤਿ ਝਾਨਂ ਠਪੇਤੁਂ ਅਕੁਸਲੋ, ਸਤ੍ਤਟ੍ਠਅਚ੍ਛਰਾਮਤ੍ਤਂ ਝਾਨਂ ਠਪੇਤੁਂ ਨ ਸਕ੍ਕੋਤਿ। ਨ ਸਮਾਧਿਸ੍ਮਿਂ વੁਟ੍ਠਾਨਕੁਸਲੋਤਿ ਝਾਨਤੋ વੁਟ੍ਠਾਤੁਂ ਅਕੁਸਲੋ, ਯਥਾਪਰਿਚ੍ਛੇਦੇਨ વੁਟ੍ਠਾਤੁਂ ਨ ਸਕ੍ਕੋਤਿ। ਨ ਸਮਾਧਿਸ੍ਮਿਂ ਕਲ੍ਲਿਤਕੁਸਲੋਤਿ ਚਿਤ੍ਤਂ ਹਾਸੇਤ੍વਾ ਕਲ੍ਲਂ ਕਾਤੁਂ ਅਕੁਸਲੋ। ਨ ਸਮਾਧਿਸ੍ਮਿਂ ਆਰਮ੍ਮਣਕੁਸਲੋਤਿ ਕਸਿਣਾਰਮ੍ਮਣੇਸੁ ਅਕੁਸਲੋ। ਨ ਸਮਾਧਿਸ੍ਮਿਂ ਗੋਚਰਕੁਸਲੋਤਿ ਕਮ੍ਮਟ੍ਠਾਨਗੋਚਰੇ ਚੇવ ਭਿਕ੍ਖਾਚਾਰਗੋਚਰੇ ਚ ਅਕੁਸਲੋ। ਨ ਸਮਾਧਿਸ੍ਮਿਂ ਅਭਿਨੀਹਾਰਕੁਸਲੋਤਿ ਕਮ੍ਮਟ੍ਠਾਨਂ ਅਭਿਨੀਹਰਿਤੁਂ ਅਕੁਸਲੋ। ਨ ਸਮਾਧਿਸ੍ਮਿਂ ਸਕ੍ਕਚ੍ਚਕਾਰੀਤਿ ਝਾਨਂ ਅਪ੍ਪੇਤੁਂ ਸਕ੍ਕਚ੍ਚਕਾਰੀ ਨ ਹੋਤਿ। ਨ ਸਮਾਧਿਸ੍ਮਿਂ ਸਾਤਚ੍ਚਕਾਰੀਤਿ ਝਾਨਪ੍ਪਨਾਯ ਸਤਤਕਾਰੀ ਨ ਹੋਤਿ, ਕਦਾਚਿਦੇવ ਕਰੋਤਿ। ਨ ਸਮਾਧਿਸ੍ਮਿਂ ਸਪ੍ਪਾਯਕਾਰੀਤਿ ਸਮਾਧਿਸ੍ਸ ਸਪ੍ਪਾਯੇ ਉਪਕਾਰਕਧਮ੍ਮੇ ਪੂਰੇਤੁਂ ਨ ਸਕ੍ਕੋਤਿ। ਤਤੋ ਪਰਂ ਸਮਾਪਤ੍ਤਿਆਦੀਹਿ ਪਦੇਹਿ ਯੋਜੇਤ੍વਾ ਚਤੁਕ੍ਕਾ વੁਤ੍ਤਾ। ਤੇਸਂ ਅਤ੍ਥੋ વੁਤ੍ਤਨਯੇਨੇવ વੇਦਿਤਬ੍ਬੋ। ਸਕਲਂ ਪਨੇਤ੍ਥ ਝਾਨਸਂਯੁਤ੍ਤਂ ਲੋਕਿਯਜ੍ਝਾਨવਸੇਨੇવ ਕਥਿਤਨ੍ਤਿ।

663-716. Dutiyādīsu na samādhismiṃ ṭhitikusaloti jhānaṃ ṭhapetuṃ akusalo, sattaṭṭhaaccharāmattaṃ jhānaṃ ṭhapetuṃ na sakkoti. Na samādhismiṃ vuṭṭhānakusaloti jhānato vuṭṭhātuṃ akusalo, yathāparicchedena vuṭṭhātuṃ na sakkoti. Na samādhismiṃ kallitakusaloti cittaṃ hāsetvā kallaṃ kātuṃ akusalo. Na samādhismiṃ ārammaṇakusaloti kasiṇārammaṇesu akusalo. Na samādhismiṃ gocarakusaloti kammaṭṭhānagocare ceva bhikkhācāragocare ca akusalo. Na samādhismiṃ abhinīhārakusaloti kammaṭṭhānaṃ abhinīharituṃ akusalo. Na samādhismiṃ sakkaccakārīti jhānaṃ appetuṃ sakkaccakārī na hoti. Na samādhismiṃ sātaccakārīti jhānappanāya satatakārī na hoti, kadācideva karoti. Na samādhismiṃ sappāyakārīti samādhissa sappāye upakārakadhamme pūretuṃ na sakkoti. Tato paraṃ samāpattiādīhi padehi yojetvā catukkā vuttā. Tesaṃ attho vuttanayeneva veditabbo. Sakalaṃ panettha jhānasaṃyuttaṃ lokiyajjhānavaseneva kathitanti.

ਝਾਨਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।

Jhānasaṃyuttavaṇṇanā niṭṭhitā.

ਇਤਿ ਸਾਰਤ੍ਥਪ੍ਪਕਾਸਿਨਿਯਾ ਸਂਯੁਤ੍ਤਨਿਕਾਯ-ਅਟ੍ਠਕਥਾਯ

Iti sāratthappakāsiniyā saṃyuttanikāya-aṭṭhakathāya

ਖਨ੍ਧવਗ੍ਗવਣ੍ਣਨਾ ਨਿਟ੍ਠਿਤਾ।

Khandhavaggavaṇṇanā niṭṭhitā.

ਸਂਯੁਤ੍ਤਨਿਕਾਯ-ਅਟ੍ਠਕਥਾਯ ਦੁਤਿਯੋ ਭਾਗੋ।

Saṃyuttanikāya-aṭṭhakathāya dutiyo bhāgo.

Next: ੧. ਅਜ੍ਝਤ੍ਤਾਨਿਚ੍ਚਸੁਤ੍ਤવਣ੍ਣਨਾ • 1. Ajjhattāniccasuttavaṇṇanā

ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨-੫੫. ਸਮਾਧਿਮੂਲਕਠਿਤਿਸੁਤ੍ਤਾਦਿવਣ੍ਣਨਾ • 2-55. Samādhimūlakaṭhitisuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact