Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā)

੨-੫੫. ਸਮਾਧਿਮੂਲਕਠਿਤਿਸੁਤ੍ਤਾਦਿવਣ੍ਣਨਾ

2-55. Samādhimūlakaṭhitisuttādivaṇṇanā

੬੬੩-੭੧੬. ਦੁਤਿਯਾਦਿਸੁਤ੍ਤੇਸੁ ਠਿਤਿਕੁਸਲੋਤਿ ਏਤ੍ਥ ਅਨ੍ਤੋਗਧਹੇਤੁਅਤ੍ਥੋ ਠਿਤਿ-ਸਦ੍ਦੋ, ਤਸ੍ਮਿਞ੍ਚ ਪਨ ਕੁਸਲੋਤਿ ਅਤ੍ਥੋਤਿ ਆਹ – ‘‘ਝਾਨਂ ਠਪੇਤੁਂ ਅਕੁਸਲੋ’’ਤਿ। ਸਤ੍ਤਟ੍ਠਅਚ੍ਛਰਾਮਤ੍ਤਨ੍ਤਿ ਸਤ੍ਤਟ੍ਠਅਚ੍ਛਰਾਮਤ੍ਤਂ ਖਣਂ ਝਾਨਂ ਠਪੇਤੁਂ ਨ ਸਕ੍ਕੋਤਿ ਅਧਿਟ੍ਠਾਨવਸੀਭਾવਸ੍ਸ ਅਨਿਪ੍ਫਾਦਿਤਤ੍ਤਾ। ਯਥਾਪਰਿਚ੍ਛੇਦੇਨ ਕਾਲੇਨ વੁਟ੍ਠਾਤੁਂ ਨ ਸਕ੍ਕੋਤਿ વੁਟ੍ਠਾਨવਸੀਭਾવਸ੍ਸ ਅਨਿਪ੍ਫਾਦਿਤਤ੍ਤਾ। ਕਲ੍ਲਂ ਜਾਤਂ ਅਸ੍ਸਾਤਿ ਕਲ੍ਲਿਤਂ, ਤਸ੍ਮਿਂ ਕਲ੍ਲਿਤੇ ਕਲ੍ਲਿਤਭਾવੇਨ ਕਸਿਣਾਰਮ੍ਮਣੇਸੁ ‘‘ਇਦਂ ਨਾਮ ਅਸੁਕਸ੍ਸਾ’’ਤਿ વਿਸਯવਸੇਨ ਸਮਾਪਜ੍ਜਿਤੁਂ ਅਸਕ੍ਕੋਨ੍ਤੋ ਨ ਸਮਾਧਿਸ੍ਮਿਂ ਆਰਮ੍ਮਣਕੁਸਲੋ। ਨ ਸਮਾਧਿਸ੍ਮਿਂ ਗੋਚਰਕੁਸਲੋਤਿ ਸਮਾਧਿਸ੍ਮਿਂ ਨਿਪ੍ਫਾਦਿਤਬ੍ਬੇ ਤਸ੍ਸ ਗੋਚਰੇ ਕਮ੍ਮਟ੍ਠਾਨਸਞ੍ਞਿਤੇ ਪવਤ੍ਤਿਟ੍ਠਾਨੇ ਭਿਕ੍ਖਾਚਾਰਗੋਚਰੇ ਚ ਸਤਿਸਮ੍ਪਜਞ੍ਞવਿਰਹਿਤੋ ਅਕੁਸਲੋ। ਕੇਚਿ ਪਨ ‘‘ਕਮ੍ਮਟ੍ਠਾਨਗੋਚਰੋ ਪਠਮਜ੍ਝਾਨਾਦਿਕਂ, ‘ਏવਂ ਸਮਾਪਜ੍ਜਿਤਬ੍ਬਂ, ਏવਂ ਬਹੁਲੀਕਾਤਬ੍ਬ’ਨ੍ਤਿ ਅਜਾਨਨ੍ਤੋ ਤਤ੍ਥ ਅਕੁਸਲੋ ਨਾਮਾ’’ਤਿ વਦਨ੍ਤਿ। ਕਮ੍ਮਟ੍ਠਾਨਂ ਅਭਿਨੀਹਰਿਤੁਨ੍ਤਿ ਕਮ੍ਮਟ੍ਠਾਨਂ વਿਸੇਸਭਾਗਿਯਤਾਯ ਅਭਿਨੀਹਰਿਤੁਂ ਅਕੁਸਲੋ। ਸਕ੍ਕਚ੍ਚਕਾਰੀਤਿ ਚਿਤ੍ਤੀਕਾਰੀ। ਸਾਤਚ੍ਚਕਾਰੀਤਿ ਨਿਯਤਕਾਰੀ। ਸਮਾਧਿਸ੍ਸ ਉਪਕਾਰਕਧਮ੍ਮਾਤਿ ਅਪ੍ਪਨਾਕੋਸਲ੍ਲਾ। ਸਮਾਪਤ੍ਤਿਆਦੀਹੀਤਿ ਆਦਿ-ਸਦ੍ਦੇਨ ਸਕ੍ਕਚ੍ਚਕਾਰਿਪਦਾਦੀਨਂਯੇવ ਸਙ੍ਗਹੋ ਦਟ੍ਠਬ੍ਬੋ ਚਤੁਕ੍ਕਾਨਂ વੁਤ੍ਤਤ੍ਤਾ। ਤੇਨਾਹ ‘‘ਯੋਜੇਤ੍વਾ ਚਤੁਕ੍ਕਾ વੁਤ੍ਤਾ’’ਤਿ। ਲੋਕਿਯਜ੍ਝਾਨવਸੇਨੇવ ਕਥਿਤਂ ‘‘ਸਮਾਧਿਕੁਸਲੋ’’ਤਿਆਦਿਨਾ ਨਯੇਨ ਦੇਸਨਾਯ ਪવਤ੍ਤਤ੍ਤਾ। ਨ ਹਿ ਲੋਕੁਤ੍ਤਰਧਮ੍ਮੇਸੁ ਅਕੋਸਲ੍ਲਂ ਨਾਮ ਲਬ੍ਭਤਿ। ਯਦਿ ਅਕੋਸਲ੍ਲਂ, ਨ ਕੁਸਲਸਦ੍ਦੇਨ વਿਸੇਸਿਤਬ੍ਬਤਾ ਸਿਯਾਤਿ।

663-716. Dutiyādisuttesu ṭhitikusaloti ettha antogadhahetuattho ṭhiti-saddo, tasmiñca pana kusaloti atthoti āha – ‘‘jhānaṃ ṭhapetuṃ akusalo’’ti. Sattaṭṭhaaccharāmattanti sattaṭṭhaaccharāmattaṃ khaṇaṃ jhānaṃ ṭhapetuṃ na sakkoti adhiṭṭhānavasībhāvassa anipphāditattā. Yathāparicchedena kālena vuṭṭhātuṃ na sakkoti vuṭṭhānavasībhāvassa anipphāditattā. Kallaṃ jātaṃ assāti kallitaṃ, tasmiṃ kallite kallitabhāvena kasiṇārammaṇesu ‘‘idaṃ nāma asukassā’’ti visayavasena samāpajjituṃ asakkonto na samādhismiṃ ārammaṇakusalo. Na samādhismiṃ gocarakusaloti samādhismiṃ nipphāditabbe tassa gocare kammaṭṭhānasaññite pavattiṭṭhāne bhikkhācāragocare ca satisampajaññavirahito akusalo. Keci pana ‘‘kammaṭṭhānagocaro paṭhamajjhānādikaṃ, ‘evaṃ samāpajjitabbaṃ, evaṃ bahulīkātabba’nti ajānanto tattha akusalo nāmā’’ti vadanti. Kammaṭṭhānaṃ abhinīharitunti kammaṭṭhānaṃ visesabhāgiyatāya abhinīharituṃ akusalo. Sakkaccakārīti cittīkārī. Sātaccakārīti niyatakārī. Samādhissa upakārakadhammāti appanākosallā. Samāpattiādīhīti ādi-saddena sakkaccakāripadādīnaṃyeva saṅgaho daṭṭhabbo catukkānaṃ vuttattā. Tenāha ‘‘yojetvā catukkā vuttā’’ti. Lokiyajjhānavaseneva kathitaṃ ‘‘samādhikusalo’’tiādinā nayena desanāya pavattattā. Na hi lokuttaradhammesu akosallaṃ nāma labbhati. Yadi akosallaṃ, na kusalasaddena visesitabbatā siyāti.

ਸਮਾਧਿਮੂਲਕਠਿਤਿਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।

Samādhimūlakaṭhitisuttādivaṇṇanā niṭṭhitā.

ਝਾਨਸਂਯੁਤ੍ਤવਣ੍ਣਨਾ ਨਿਟ੍ਠਿਤਾ।

Jhānasaṃyuttavaṇṇanā niṭṭhitā.

ਨਿਟ੍ਠਿਤਾ ਚ ਸਾਰਤ੍ਥਪ੍ਪਕਾਸਿਨਿਯਾ

Niṭṭhitā ca sāratthappakāsiniyā

ਸਂਯੁਤ੍ਤਨਿਕਾਯ-ਅਟ੍ਠਕਥਾਯ ਖਨ੍ਧવਗ੍ਗવਣ੍ਣਨਾ।

Saṃyuttanikāya-aṭṭhakathāya khandhavaggavaṇṇanā.

Next: ੧. ਅਜ੍ਝਤ੍ਤਾਨਿਚ੍ਚਸੁਤ੍ਤવਣ੍ਣਨਾ • 1. Ajjhattāniccasuttavaṇṇanā

ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨-੫੫. ਸਮਾਧਿਮੂਲਕਠਿਤਿਸੁਤ੍ਤਾਦਿવਣ੍ਣਨਾ • 2-55. Samādhimūlakaṭhitisuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact