| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
3. සමාධිමූලකවුට්‌ඨානසුත්‌තං
3. Samādhimūlakavuṭṭhānasuttaṃ
664. සාවත්‌ථිනිදානං. ‘‘චත්‌තාරොමෙ, භික්‌ඛවෙ, ඣායී. කතමෙ චත්‌තාරො? ඉධ, භික්‌ඛවෙ, එකච්‌චො ඣායී සමාධිස්‌මිං සමාධිකුසලො හොති, න සමාධිස්‌මිං වුට්‌ඨානකුසලො. ඉධ පන, භික්‌ඛවෙ, එකච්‌චො ඣායී සමාධිස්‌මිං වුට්‌ඨානකුසලො හොති, න සමාධිස්‌මිං සමාධිකුසලො. ඉධ පන, භික්‌ඛවෙ, එකච්‌චො ඣායී නෙව සමාධිස්‌මිං සමාධිකුසලො හොති, න ච සමාධිස්‌මිං වුට්‌ඨානකුසලො. ඉධ පන, භික්‌ඛවෙ, එකච්‌චො ඣායී සමාධිස්‌මිං සමාධිකුසලො ච හොති, සමාධිස්‌මිං වුට්‌ඨානකුසලො ච. තත්‍ර, භික්‌ඛවෙ, ය්‌වායං ඣායී සමාධිස්‌මිං සමාධිකුසලො ච හොති සමාධිස්‌මිං වුට්‌ඨානකුසලො ච අයං ඉමෙසං චතුන්‌නං ඣායීනං අග්‌ගො ච සෙට්‌ඨො ච මොක්‌ඛො ච උත්‌තමො ච පවරො ච. සෙය්‍යථාපි, භික්‌ඛවෙ, ගවා ඛීරං…පෙ.… පවරො චා’’ති. තතියං.
664. Sāvatthinidānaṃ. ‘‘Cattārome, bhikkhave, jhāyī. Katame cattāro? Idha, bhikkhave, ekacco jhāyī samādhismiṃ samādhikusalo hoti, na samādhismiṃ vuṭṭhānakusalo. Idha pana, bhikkhave, ekacco jhāyī samādhismiṃ vuṭṭhānakusalo hoti, na samādhismiṃ samādhikusalo. Idha pana, bhikkhave, ekacco jhāyī neva samādhismiṃ samādhikusalo hoti, na ca samādhismiṃ vuṭṭhānakusalo. Idha pana, bhikkhave, ekacco jhāyī samādhismiṃ samādhikusalo ca hoti, samādhismiṃ vuṭṭhānakusalo ca. Tatra, bhikkhave, yvāyaṃ jhāyī samādhismiṃ samādhikusalo ca hoti samādhismiṃ vuṭṭhānakusalo ca ayaṃ imesaṃ catunnaṃ jhāyīnaṃ aggo ca seṭṭho ca mokkho ca uttamo ca pavaro ca. Seyyathāpi, bhikkhave, gavā khīraṃ…pe… pavaro cā’’ti. Tatiyaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 2-55. සමාධිමූලකඨිතිසුත්‌තාදිවණ්‌ණනා • 2-55. Samādhimūlakaṭhitisuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 2-55. සමාධිමූලකඨිතිසුත්‌තාදිවණ්‌ණනා • 2-55. Samādhimūlakaṭhitisuttādivaṇṇanā
