| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. ஸமாதி⁴ஸுத்தங்
6. Samādhisuttaṃ
99. ‘‘ஸமாதி⁴ங், பி⁴க்க²வே, பா⁴வேத². ஸமாஹிதோ, பி⁴க்க²வே, பி⁴க்கு² யதா²பூ⁴தங் பஜானாதி. கிஞ்ச யதா²பூ⁴தங் பஜானாதி? ‘சக்கு² அனிச்ச’ந்தி யதா²பூ⁴தங் பஜானாதி; ‘ரூபா அனிச்சா’தி யதா²பூ⁴தங் பஜானாதி; ‘சக்கு²விஞ்ஞாணங் அனிச்ச’ந்தி யதா²பூ⁴தங் பஜானாதி; ‘சக்கு²ஸம்ப²ஸ்ஸோ அனிச்சோ’தி யதா²பூ⁴தங் பஜானாதி. ‘யம்பித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அனிச்ச’ந்தி யதா²பூ⁴தங் பஜானாதி…பே॰… ‘மனோ அனிச்ச’ந்தி யதா²பூ⁴தங் பஜானாதி. த⁴ம்மா… மனோவிஞ்ஞாணங்… மனோஸம்ப²ஸ்ஸோ… ‘யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி அனிச்ச’ந்தி யதா²பூ⁴தங் பஜானாதி. ஸமாதி⁴ங், பி⁴க்க²வே, பா⁴வேத². ஸமாஹிதோ, பி⁴க்க²வே, பி⁴க்கு² யதா²பூ⁴தங் பஜானாதீ’’தி. ச²ட்ட²ங்.
99. ‘‘Samādhiṃ, bhikkhave, bhāvetha. Samāhito, bhikkhave, bhikkhu yathābhūtaṃ pajānāti. Kiñca yathābhūtaṃ pajānāti? ‘Cakkhu anicca’nti yathābhūtaṃ pajānāti; ‘rūpā aniccā’ti yathābhūtaṃ pajānāti; ‘cakkhuviññāṇaṃ anicca’nti yathābhūtaṃ pajānāti; ‘cakkhusamphasso anicco’ti yathābhūtaṃ pajānāti. ‘Yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anicca’nti yathābhūtaṃ pajānāti…pe… ‘mano anicca’nti yathābhūtaṃ pajānāti. Dhammā… manoviññāṇaṃ… manosamphasso… ‘yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi anicca’nti yathābhūtaṃ pajānāti. Samādhiṃ, bhikkhave, bhāvetha. Samāhito, bhikkhave, bhikkhu yathābhūtaṃ pajānātī’’ti. Chaṭṭhaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 6. ஸமாதி⁴ஸுத்தவண்ணனா • 6. Samādhisuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 6. ஸமாதி⁴ஸுத்தவண்ணனா • 6. Samādhisuttavaṇṇanā
