| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৭. সমাধিসুত্তং
7. Samādhisuttaṃ
২৭. ‘‘সমাধিং, ভিক্খৰে, ভাৰেথ অপ্পমাণং নিপকা পতিস্সতা। সমাধিং, ভিক্খৰে, ভাৰযতং অপ্পমাণং নিপকানং পতিস্সতানং পঞ্চ ঞাণানি পচ্চত্তঞ্ঞেৰ উপ্পজ্জন্তি। কতমানি পঞ্চ? ‘অযং সমাধি পচ্চুপ্পন্নসুখো চেৰ আযতিঞ্চ সুখৰিপাকো’তি পচ্চত্তঞ্ঞেৰ ঞাণং উপ্পজ্জতি, ‘অযং সমাধি অরিযো নিরামিসো’তি পচ্চত্তঞ্ঞেৰ ঞাণং উপ্পজ্জতি, ‘অযং সমাধি অকাপুরিসসেৰিতো’তি 1 পচ্চত্তঞ্ঞেৰ ঞাণং উপ্পজ্জতি, ‘অযং সমাধি সন্তো পণীতো পটিপ্পস্সদ্ধলদ্ধো একোদিভাৰাধিগতো, ন সঙ্খারনিগ্গয্হৰারিতগতো’তি 2 পচ্চত্তঞ্ঞেৰ ঞাণং উপ্পজ্জতি, ‘সতো খো পনাহং ইমং সমাপজ্জামি সতো ৰুট্ঠহামী’তি 3 পচ্চত্তঞ্ঞেৰ ঞাণং উপ্পজ্জতি।
27. ‘‘Samādhiṃ, bhikkhave, bhāvetha appamāṇaṃ nipakā patissatā. Samādhiṃ, bhikkhave, bhāvayataṃ appamāṇaṃ nipakānaṃ patissatānaṃ pañca ñāṇāni paccattaññeva uppajjanti. Katamāni pañca? ‘Ayaṃ samādhi paccuppannasukho ceva āyatiñca sukhavipāko’ti paccattaññeva ñāṇaṃ uppajjati, ‘ayaṃ samādhi ariyo nirāmiso’ti paccattaññeva ñāṇaṃ uppajjati, ‘ayaṃ samādhi akāpurisasevito’ti 4 paccattaññeva ñāṇaṃ uppajjati, ‘ayaṃ samādhi santo paṇīto paṭippassaddhaladdho ekodibhāvādhigato, na saṅkhāraniggayhavāritagato’ti 5 paccattaññeva ñāṇaṃ uppajjati, ‘sato kho panāhaṃ imaṃ samāpajjāmi sato vuṭṭhahāmī’ti 6 paccattaññeva ñāṇaṃ uppajjati.
‘‘সমাধিং, ভিক্খৰে, ভাৰেথ অপ্পমাণং নিপকা পতিস্সতা। সমাধিং, ভিক্খৰে, ভাৰযতং অপ্পমাণং নিপকানং পতিস্সতানং ইমানি পঞ্চ ঞাণানি পচ্চত্তঞ্ঞেৰ উপ্পজ্জন্তী’’তি। সত্তমং।
‘‘Samādhiṃ, bhikkhave, bhāvetha appamāṇaṃ nipakā patissatā. Samādhiṃ, bhikkhave, bhāvayataṃ appamāṇaṃ nipakānaṃ patissatānaṃ imāni pañca ñāṇāni paccattaññeva uppajjantī’’ti. Sattamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ৭. সমাধিসুত্তৰণ্ণনা • 7. Samādhisuttavaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৭. সমাধিসুত্তৰণ্ণনা • 7. Samādhisuttavaṇṇanā
