| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੭. ਸਮਾਧਿਸੁਤ੍ਤਂ
7. Samādhisuttaṃ
੨੭. ‘‘ਸਮਾਧਿਂ, ਭਿਕ੍ਖવੇ, ਭਾવੇਥ ਅਪ੍ਪਮਾਣਂ ਨਿਪਕਾ ਪਤਿਸ੍ਸਤਾ। ਸਮਾਧਿਂ, ਭਿਕ੍ਖવੇ, ਭਾવਯਤਂ ਅਪ੍ਪਮਾਣਂ ਨਿਪਕਾਨਂ ਪਤਿਸ੍ਸਤਾਨਂ ਪਞ੍ਚ ਞਾਣਾਨਿ ਪਚ੍ਚਤ੍ਤਞ੍ਞੇવ ਉਪ੍ਪਜ੍ਜਨ੍ਤਿ। ਕਤਮਾਨਿ ਪਞ੍ਚ? ‘ਅਯਂ ਸਮਾਧਿ ਪਚ੍ਚੁਪ੍ਪਨ੍ਨਸੁਖੋ ਚੇવ ਆਯਤਿਞ੍ਚ ਸੁਖવਿਪਾਕੋ’ਤਿ ਪਚ੍ਚਤ੍ਤਞ੍ਞੇવ ਞਾਣਂ ਉਪ੍ਪਜ੍ਜਤਿ, ‘ਅਯਂ ਸਮਾਧਿ ਅਰਿਯੋ ਨਿਰਾਮਿਸੋ’ਤਿ ਪਚ੍ਚਤ੍ਤਞ੍ਞੇવ ਞਾਣਂ ਉਪ੍ਪਜ੍ਜਤਿ, ‘ਅਯਂ ਸਮਾਧਿ ਅਕਾਪੁਰਿਸਸੇવਿਤੋ’ਤਿ 1 ਪਚ੍ਚਤ੍ਤਞ੍ਞੇવ ਞਾਣਂ ਉਪ੍ਪਜ੍ਜਤਿ, ‘ਅਯਂ ਸਮਾਧਿ ਸਨ੍ਤੋ ਪਣੀਤੋ ਪਟਿਪ੍ਪਸ੍ਸਦ੍ਧਲਦ੍ਧੋ ਏਕੋਦਿਭਾવਾਧਿਗਤੋ, ਨ ਸਙ੍ਖਾਰਨਿਗ੍ਗਯ੍ਹવਾਰਿਤਗਤੋ’ਤਿ 2 ਪਚ੍ਚਤ੍ਤਞ੍ਞੇવ ਞਾਣਂ ਉਪ੍ਪਜ੍ਜਤਿ, ‘ਸਤੋ ਖੋ ਪਨਾਹਂ ਇਮਂ ਸਮਾਪਜ੍ਜਾਮਿ ਸਤੋ વੁਟ੍ਠਹਾਮੀ’ਤਿ 3 ਪਚ੍ਚਤ੍ਤਞ੍ਞੇવ ਞਾਣਂ ਉਪ੍ਪਜ੍ਜਤਿ।
27. ‘‘Samādhiṃ, bhikkhave, bhāvetha appamāṇaṃ nipakā patissatā. Samādhiṃ, bhikkhave, bhāvayataṃ appamāṇaṃ nipakānaṃ patissatānaṃ pañca ñāṇāni paccattaññeva uppajjanti. Katamāni pañca? ‘Ayaṃ samādhi paccuppannasukho ceva āyatiñca sukhavipāko’ti paccattaññeva ñāṇaṃ uppajjati, ‘ayaṃ samādhi ariyo nirāmiso’ti paccattaññeva ñāṇaṃ uppajjati, ‘ayaṃ samādhi akāpurisasevito’ti 4 paccattaññeva ñāṇaṃ uppajjati, ‘ayaṃ samādhi santo paṇīto paṭippassaddhaladdho ekodibhāvādhigato, na saṅkhāraniggayhavāritagato’ti 5 paccattaññeva ñāṇaṃ uppajjati, ‘sato kho panāhaṃ imaṃ samāpajjāmi sato vuṭṭhahāmī’ti 6 paccattaññeva ñāṇaṃ uppajjati.
‘‘ਸਮਾਧਿਂ, ਭਿਕ੍ਖવੇ, ਭਾવੇਥ ਅਪ੍ਪਮਾਣਂ ਨਿਪਕਾ ਪਤਿਸ੍ਸਤਾ। ਸਮਾਧਿਂ, ਭਿਕ੍ਖવੇ, ਭਾવਯਤਂ ਅਪ੍ਪਮਾਣਂ ਨਿਪਕਾਨਂ ਪਤਿਸ੍ਸਤਾਨਂ ਇਮਾਨਿ ਪਞ੍ਚ ਞਾਣਾਨਿ ਪਚ੍ਚਤ੍ਤਞ੍ਞੇવ ਉਪ੍ਪਜ੍ਜਨ੍ਤੀ’’ਤਿ। ਸਤ੍ਤਮਂ।
‘‘Samādhiṃ, bhikkhave, bhāvetha appamāṇaṃ nipakā patissatā. Samādhiṃ, bhikkhave, bhāvayataṃ appamāṇaṃ nipakānaṃ patissatānaṃ imāni pañca ñāṇāni paccattaññeva uppajjantī’’ti. Sattamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੭. ਸਮਾਧਿਸੁਤ੍ਤવਣ੍ਣਨਾ • 7. Samādhisuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੭. ਸਮਾਧਿਸੁਤ੍ਤવਣ੍ਣਨਾ • 7. Samādhisuttavaṇṇanā
