| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5. ஸமாதி⁴ஸுத்தவண்ணனா
5. Samādhisuttavaṇṇanā
5. பஞ்சமே ஸமாதி⁴ந்தி இத³ங் ப⁴க³வா தே பி⁴க்கூ² சித்தேகக்³க³தாய பரிஹாயந்தே தி³ஸ்வா, ‘‘சித்தேகக்³க³தங் லப⁴ந்தானங் இமேஸங் கம்மட்டா²னங் பா²திங் க³மிஸ்ஸதீ’’தி ஞத்வா ஆஹ. அபி⁴னந்த³தீதி பத்தே²தி. அபி⁴வத³தீதி தாய அபி⁴னந்த³னாய ‘‘அஹோ பியங் இட்ட²ங் கந்தங் மனாப’’ந்தி வத³தி. வாசங் அபி⁴னந்த³ந்தோபி ச தங் ஆரம்மணங் நிஸ்ஸாய ஏவங் லோப⁴ங் உப்பாதெ³ந்தோ அபி⁴வத³தியேவ நாம. அஜ்ஜோ²ஸாய திட்ட²தீதி கி³லித்வா பரினிட்ட²பெத்வா க³ண்ஹாதி. யா ரூபே நந்தீ³தி யா ஸா ரூபே ப³லவபத்த²னாஸங்கா²தா நந்தீ³. தது³பாதா³னந்தி தங் க³ஹணட்டே²ன உபாதா³னங். நாபி⁴னந்த³தீதி ந பத்தே²தி. நாபி⁴வத³தீதி பத்த²னாவஸேன ந ‘‘இட்ட²ங் கந்த’’ந்தி வத³தி. விபஸ்ஸனாசித்தேன சேதஸா ‘‘அனிச்சங் து³க்க²’’ந்தி வசீபே⁴த³ங் கரொந்தோபி நாபி⁴வத³தியேவ. பஞ்சமங்.
5. Pañcame samādhinti idaṃ bhagavā te bhikkhū cittekaggatāya parihāyante disvā, ‘‘cittekaggataṃ labhantānaṃ imesaṃ kammaṭṭhānaṃ phātiṃ gamissatī’’ti ñatvā āha. Abhinandatīti pattheti. Abhivadatīti tāya abhinandanāya ‘‘aho piyaṃ iṭṭhaṃ kantaṃ manāpa’’nti vadati. Vācaṃ abhinandantopi ca taṃ ārammaṇaṃ nissāya evaṃ lobhaṃ uppādento abhivadatiyeva nāma. Ajjhosāya tiṭṭhatīti gilitvā pariniṭṭhapetvā gaṇhāti. Yārūpe nandīti yā sā rūpe balavapatthanāsaṅkhātā nandī. Tadupādānanti taṃ gahaṇaṭṭhena upādānaṃ. Nābhinandatīti na pattheti. Nābhivadatīti patthanāvasena na ‘‘iṭṭhaṃ kanta’’nti vadati. Vipassanācittena cetasā ‘‘aniccaṃ dukkha’’nti vacībhedaṃ karontopi nābhivadatiyeva. Pañcamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. ஸமாதி⁴ஸுத்தங் • 5. Samādhisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. ஸமாதி⁴ஸுத்தவண்ணனா • 5. Samādhisuttavaṇṇanā
