| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
12. ஸச்சஸங்யுத்தங்
12. Saccasaṃyuttaṃ
1. ஸமாதி⁴வக்³கோ³
1. Samādhivaggo
1. ஸமாதி⁴ஸுத்தவண்ணனா
1. Samādhisuttavaṇṇanā
1071. ஸச்சஸங்யுத்தஸ்ஸ பட²மே ஸமாதி⁴ங், பி⁴க்க²வேதி தே கிர பி⁴க்கூ² சித்தேகக்³க³தாய பரிஹாயந்தி, அத² நேஸங் ஸத்தா² – ‘‘ஏவமேதே சித்தேகக்³க³தங் லபி⁴த்வா, கம்மட்டா²னங் வட்³டெ⁴த்வா, விஸேஸங் பாபுணிஸ்ஸந்தீ’’தி இமங் தே³ஸனங் ஆரபி⁴. தஸ்மாதிஹ, பி⁴க்க²வே, ‘‘இத³ங் து³க்க²’’ந்தி யோகோ³ கரணீயோதி எத்த² யதா²பூ⁴தாதி³வஸேன காரணச்சே²தோ³ வேதி³தப்³போ³. இத³ஞ்ஹி வுத்தங் ஹோதி – பி⁴க்க²வே, யஸ்மா ஸமாஹிதோ பி⁴க்கு² சத்தாரி ஸச்சானி யதா²பூ⁴தங் பஜானாதி, தஸ்மா தும்ஹேஹி ச ஸமாஹிதேஹி சதுன்னங் ஸச்சானங் யதா²பூ⁴தங் பஜானநத்தா²ய ‘‘இத³ங் து³க்க²’’ந்தி யோகோ³ கரணீயோ. ததா² யஸ்மா சத்தாரி ஸச்சானி ததா²க³தஸ்ஸேவ பாதுபா⁴வா பாகடானி ஹொந்தி, யஸ்மா ச ததா²க³தேன ஸுவிப⁴த்தானி, யஸ்மா ச தேஸு அபரிமாணா வண்ணா அபரிமாணானி பத³ப்³யஞ்ஜனானி, யஸ்மா ச தேஸங் அப்படிவித்³த⁴த்தா வட்டங் வட்³ட⁴தி, தேஸங் படிவித்³த⁴காலதோ பட்டா²ய ந வட்³ட⁴தி, தஸ்மா ‘‘ஏவங் நோ வட்டங் ந வட்³டி⁴ஸ்ஸதீ’’தி தும்ஹேஹி ‘‘இத³ங் து³க்க²’’ந்தி யோகோ³ கரணீயோ.
1071. Saccasaṃyuttassa paṭhame samādhiṃ, bhikkhaveti te kira bhikkhū cittekaggatāya parihāyanti, atha nesaṃ satthā – ‘‘evamete cittekaggataṃ labhitvā, kammaṭṭhānaṃ vaḍḍhetvā, visesaṃ pāpuṇissantī’’ti imaṃ desanaṃ ārabhi. Tasmātiha, bhikkhave, ‘‘idaṃ dukkha’’nti yogo karaṇīyoti ettha yathābhūtādivasena kāraṇacchedo veditabbo. Idañhi vuttaṃ hoti – bhikkhave, yasmā samāhito bhikkhu cattāri saccāni yathābhūtaṃ pajānāti, tasmā tumhehi ca samāhitehi catunnaṃ saccānaṃ yathābhūtaṃ pajānanatthāya ‘‘idaṃ dukkha’’nti yogo karaṇīyo. Tathā yasmā cattāri saccāni tathāgatasseva pātubhāvā pākaṭāni honti, yasmā ca tathāgatena suvibhattāni, yasmā ca tesu aparimāṇā vaṇṇā aparimāṇāni padabyañjanāni, yasmā ca tesaṃ appaṭividdhattā vaṭṭaṃ vaḍḍhati, tesaṃ paṭividdhakālato paṭṭhāya na vaḍḍhati, tasmā ‘‘evaṃ no vaṭṭaṃ na vaḍḍhissatī’’ti tumhehi ‘‘idaṃ dukkha’’nti yogo karaṇīyo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 1. ஸமாதி⁴ஸுத்தங் • 1. Samādhisuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1. ஸமாதி⁴ஸுத்தவண்ணனா • 1. Samādhisuttavaṇṇanā
