| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
7. самаад̇хисуд̇д̇аван̣н̣анаа
7. Samādhisuttavaṇṇanā
27. сад̇д̇амз аббамаан̣анд̇и бамаан̣агарад̇хаммарахид̇ам̣ логуд̇д̇арам̣. нибагаа бад̇иссад̇аад̇и нзбаггзна жа сад̇ияаа жа саманнааг̇ад̇аа худ̇ваа. бан̃жа н̃аан̣аанийд̇и бан̃жа бажжавзгкан̣ан̃аан̣аани. бажжад̇д̇ан̃н̃зва уббаж̇ж̇анд̇ийд̇и ад̇д̇аниязва уббаж̇ж̇анд̇и. аяам̣ самаад̇хи бажжуббаннасуко жзваад̇иаад̣̇ийсу арахад̇д̇апаласамаад̇хи ад̇хиббзд̇о. маг̇г̇асамаад̇хийд̇иби вад̣̇анд̇иязва. со хи аббид̇аббид̇агкан̣з сукад̇д̇аа бажжуббаннасуко, буримо буримо бажчимасса бажчимасса самаад̇хисукасса бажжаяад̇д̇аа ааяад̇им̣ сукавибааго, гилзсзхи аарагад̇д̇аа арияо, гаамаамисаваддаамисалогаамисаанам̣ абхааваа нираамисо. б̣уд̣̇д̇хаад̣̇ийхи махаабурисзхи сзвид̇ад̇д̇аа агаабурисасзвид̇о. ан̇г̇асанд̇ад̇ааяа аарамман̣асанд̇ад̇ааяа саб̣б̣агилзсад̣̇арат̇асанд̇ад̇ааяа жа санд̇о, ад̇аббанияадтзна бан̣ийд̇о. гилзсаббадиббассад̣̇д̇хияаа лад̣̇д̇хад̇д̇аа гилзсаббадиббассад̣̇д̇хибхаавам̣ ваа лад̣̇д̇хад̇д̇аа бадиббассад̣̇д̇халад̣̇д̇хо. бадиббассад̣̇д̇хам̣ бадиббассад̣̇д̇хийд̇и хи ид̣̇ам̣ ад̇т̇ад̇о згам̣. бадиббассад̣̇д̇хагилзсзна ваа арахад̇аа лад̣̇д̇хад̇д̇ааби бадиббассад̣̇д̇халад̣̇д̇хо, згод̣̇ибхаавзна ад̇хиг̇ад̇ад̇д̇аа згод̣̇ибхаавамзва ваа ад̇хиг̇ад̇ад̇д̇аа згод̣̇ибхааваад̇хиг̇ад̇о. аббаг̇ун̣асаасавасамаад̇хи вияа сасан̇каарзна саббаяог̇зна жид̇д̇зна бажжанийгад̇хаммз ниг̇г̇аяха гилзсз ваарзд̇ваа анад̇хиг̇ад̇ад̇д̇аа на сасан̇каараниг̇г̇аяхаваарид̇аг̇ад̇о. д̇ам̣ самаад̇хим̣ самаабаж̇ж̇анд̇о д̇ад̇о ваа вудтаханд̇о сад̇ивзбуллаббад̇д̇ад̇д̇аа сад̇ова самаабаж̇ж̇ад̇и, сад̇ова вудтахад̇и. яат̇аабарижчиннагаалавасзна ваа сад̇о самаабаж̇ж̇ад̇и, сад̇о вудтахад̇и. д̇асмаа яад̣̇зд̇т̇а ‘‘аяам̣ самаад̇хи бажжуббаннасуко жзва ааяад̇ин̃жа сукавибааго жаа’’д̇и звам̣ бажжавзгкамаанасса бажжад̇д̇ам̣язва абараббажжаяан̃аан̣ам̣ уббаж̇ж̇ад̇и, д̇ам̣ згам̣ н̃аан̣ам̣. зсзва наяо сзсзсу. звам̣ имаани бан̃жа н̃аан̣аани бажжад̇д̇ан̃н̃зва уббаж̇ж̇анд̇ийд̇и.
27. Sattame appamāṇanti pamāṇakaradhammarahitaṃ lokuttaraṃ. Nipakā patissatāti nepakkena ca satiyā ca samannāgatā hutvā. Pañca ñāṇānīti pañca paccavekkhaṇañāṇāni. Paccattaññeva uppajjantīti attaniyeva uppajjanti. Ayaṃ samādhi paccuppannasukho cevātiādīsu arahattaphalasamādhi adhippeto. Maggasamādhītipi vadantiyeva. So hi appitappitakkhaṇe sukhattā paccuppannasukho, purimo purimo pacchimassa pacchimassa samādhisukhassa paccayattā āyatiṃ sukhavipāko, kilesehi ārakattā ariyo, kāmāmisavaṭṭāmisalokāmisānaṃ abhāvā nirāmiso. Buddhādīhi mahāpurisehi sevitattā akāpurisasevito. Aṅgasantatāya ārammaṇasantatāya sabbakilesadarathasantatāya ca santo, atappaniyaṭṭhena paṇīto. Kilesappaṭippassaddhiyā laddhattā kilesappaṭippassaddhibhāvaṃ vā laddhattā paṭippassaddhaladdho. Paṭippassaddhaṃ paṭippassaddhīti hi idaṃ atthato ekaṃ. Paṭippassaddhakilesena vā arahatā laddhattāpi paṭippassaddhaladdho, ekodibhāvena adhigatattā ekodibhāvameva vā adhigatattā ekodibhāvādhigato. Appaguṇasāsavasamādhi viya sasaṅkhārena sappayogena cittena paccanīkadhamme niggayha kilese vāretvā anadhigatattā na sasaṅkhāraniggayhavāritagato. Taṃ samādhiṃ samāpajjanto tato vā vuṭṭhahanto sativepullappattattā satova samāpajjati, satova vuṭṭhahati. Yathāparicchinnakālavasena vā sato samāpajjati, sato vuṭṭhahati. Tasmā yadettha ‘‘ayaṃ samādhi paccuppannasukho ceva āyatiñca sukhavipāko cā’’ti evaṃ paccavekkhamānassa paccattaṃyeva aparappaccayañāṇaṃ uppajjati, taṃ ekaṃ ñāṇaṃ. Eseva nayo sesesu. Evaṃ imāni pañca ñāṇāni paccattaññeva uppajjantīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 7. самаад̇хисуд̇д̇ам̣ • 7. Samādhisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7. самаад̇хисуд̇д̇аван̣н̣анаа • 7. Samādhisuttavaṇṇanā
