| Library / Tipiṭaka / తిపిటక • Tipiṭaka / సంయుత్తనికాయ (అట్ఠకథా) • Saṃyuttanikāya (aṭṭhakathā) |
౨. వేదనాసంయుత్తం
2. Vedanāsaṃyuttaṃ
౧. సగాథావగ్గో
1. Sagāthāvaggo
౧. సమాధిసుత్తవణ్ణనా
1. Samādhisuttavaṇṇanā
౨౪౯. వేదనాసంయుత్తే సగాథావగ్గస్స పఠమే సమాహితోతి ఉపచారేన వా అప్పనాయ వా సమాహితో. వేదనా చ పజానాతీతి వేదనా దుక్ఖసచ్చవసేన పజానాతి. వేదనానఞ్చ సమ్భవన్తి తాసంయేవ సమ్భవం సముదయసచ్చవసేన పజానాతి. యత్థ చేతాతి యత్థేతా వేదనా నిరుజ్ఝన్తి, తం నిబ్బానం నిరోధసచ్చవసేన పజానాతి. ఖయగామినన్తి తాసంయేవ వేదనానం ఖయగామినం మగ్గం మగ్గసచ్చవసేన పజానాతి. నిచ్ఛాతో పరినిబ్బుతోతి నిత్తణ్హో హుత్వా కిలేసపరినిబ్బానేన పరినిబ్బుతో. ఏవమేత్థ సుత్తే సమ్మసనచారవేదనా కథితా. గాథాసు ద్వీహి పదేహి సమథవిపస్సనా కథితా, సేసేహి చతుసచ్చం కథితం. ఏవమేత్థ సబ్బసఙ్గాహికో చతుభూమకధమ్మపరిచ్ఛేదో వుత్తో.
249. Vedanāsaṃyutte sagāthāvaggassa paṭhame samāhitoti upacārena vā appanāya vā samāhito. Vedanā ca pajānātīti vedanā dukkhasaccavasena pajānāti. Vedanānañca sambhavanti tāsaṃyeva sambhavaṃ samudayasaccavasena pajānāti. Yattha cetāti yatthetā vedanā nirujjhanti, taṃ nibbānaṃ nirodhasaccavasena pajānāti. Khayagāminanti tāsaṃyeva vedanānaṃ khayagāminaṃ maggaṃ maggasaccavasena pajānāti. Nicchāto parinibbutoti nittaṇho hutvā kilesaparinibbānena parinibbuto. Evamettha sutte sammasanacāravedanā kathitā. Gāthāsu dvīhi padehi samathavipassanā kathitā, sesehi catusaccaṃ kathitaṃ. Evamettha sabbasaṅgāhiko catubhūmakadhammaparicchedo vutto.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౧. సమాధిసుత్తం • 1. Samādhisuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧. సమాధిసుత్తవణ్ణనా • 1. Samādhisuttavaṇṇanā
