| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၂. ဝေဒနာသံယုတ္တံ
2. Vedanāsaṃyuttaṃ
၁. သဂာထာဝဂ္ဂော
1. Sagāthāvaggo
၁. သမာဓိသုတ္တဝဏ္ဏနာ
1. Samādhisuttavaṇṇanā
၂၄၉. ဝေဒနာသံယုတ္တေ သဂာထာဝဂ္ဂသ္သ ပဌမေ သမာဟိတောတိ ဥပစာရေန ဝာ အပ္ပနာယ ဝာ သမာဟိတော။ ဝေဒနာ စ ပဇာနာတီတိ ဝေဒနာ ဒုက္ခသစ္စဝသေန ပဇာနာတိ။ ဝေဒနာနဉ္စ သမ္ဘဝန္တိ တာသံယေဝ သမ္ဘဝံ သမုဒယသစ္စဝသေန ပဇာနာတိ။ ယတ္ထ စေတာတိ ယတ္ထေတာ ဝေဒနာ နိရုဇ္ဈန္တိ, တံ နိဗ္ဗာနံ နိရောဓသစ္စဝသေန ပဇာနာတိ။ ခယဂာမိနန္တိ တာသံယေဝ ဝေဒနာနံ ခယဂာမိနံ မဂ္ဂံ မဂ္ဂသစ္စဝသေန ပဇာနာတိ။ နိစ္ဆာတော ပရိနိဗ္ဗုတောတိ နိတ္တဏ္ဟော ဟုတ္ဝာ ကိလေသပရိနိဗ္ဗာနေန ပရိနိဗ္ဗုတော။ ဧဝမေတ္ထ သုတ္တေ သမ္မသနစာရဝေဒနာ ကထိတာ။ ဂာထာသု ဒ္ဝီဟိ ပဒေဟိ သမထဝိပသ္သနာ ကထိတာ, သေသေဟိ စတုသစ္စံ ကထိတံ။ ဧဝမေတ္ထ သဗ္ဗသင္ဂာဟိကော စတုဘူမကဓမ္မပရိစ္ဆေဒော ဝုတ္တော။
249. Vedanāsaṃyutte sagāthāvaggassa paṭhame samāhitoti upacārena vā appanāya vā samāhito. Vedanā ca pajānātīti vedanā dukkhasaccavasena pajānāti. Vedanānañca sambhavanti tāsaṃyeva sambhavaṃ samudayasaccavasena pajānāti. Yattha cetāti yatthetā vedanā nirujjhanti, taṃ nibbānaṃ nirodhasaccavasena pajānāti. Khayagāminanti tāsaṃyeva vedanānaṃ khayagāminaṃ maggaṃ maggasaccavasena pajānāti. Nicchāto parinibbutoti nittaṇho hutvā kilesaparinibbānena parinibbuto. Evamettha sutte sammasanacāravedanā kathitā. Gāthāsu dvīhi padehi samathavipassanā kathitā, sesehi catusaccaṃ kathitaṃ. Evamettha sabbasaṅgāhiko catubhūmakadhammaparicchedo vutto.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁. သမာဓိသုတ္တံ • 1. Samādhisuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁. သမာဓိသုတ္တဝဏ္ဏနာ • 1. Samādhisuttavaṇṇanā
