| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
2. වෙදනාසංයුත්‌තං
2. Vedanāsaṃyuttaṃ
1. සගාථාවග්‌ගො
1. Sagāthāvaggo
1. සමාධිසුත්‌තවණ්‌ණනා
1. Samādhisuttavaṇṇanā
249. වෙදනාසංයුත්‌තෙ සගාථාවග්‌ගස්‌ස පඨමෙ සමාහිතොති උපචාරෙන වා අප්‌පනාය වා සමාහිතො. වෙදනා ච පජානාතීති වෙදනා දුක්‌ඛසච්‌චවසෙන පජානාති. වෙදනානඤ්‌ච සම්‌භවන්‌ති තාසංයෙව සම්‌භවං සමුදයසච්‌චවසෙන පජානාති. යත්‌ථ චෙතාති යත්‌ථෙතා වෙදනා නිරුජ්‌ඣන්‌ති, තං නිබ්‌බානං නිරොධසච්‌චවසෙන පජානාති. ඛයගාමිනන්‌ති තාසංයෙව වෙදනානං ඛයගාමිනං මග්‌ගං මග්‌ගසච්‌චවසෙන පජානාති. නිච්‌ඡාතො පරිනිබ්‌බුතොති නිත්‌තණ්‌හො හුත්‌වා කිලෙසපරිනිබ්‌බානෙන පරිනිබ්‌බුතො. එවමෙත්‌ථ සුත්‌තෙ සම්‌මසනචාරවෙදනා කථිතා. ගාථාසු ද්‌වීහි පදෙහි සමථවිපස්‌සනා කථිතා, සෙසෙහි චතුසච්‌චං කථිතං. එවමෙත්‌ථ සබ්‌බසඞ්‌ගාහිකො චතුභූමකධම්‌මපරිච්‌ඡෙදො වුත්‌තො.
249. Vedanāsaṃyutte sagāthāvaggassa paṭhame samāhitoti upacārena vā appanāya vā samāhito. Vedanā ca pajānātīti vedanā dukkhasaccavasena pajānāti. Vedanānañca sambhavanti tāsaṃyeva sambhavaṃ samudayasaccavasena pajānāti. Yattha cetāti yatthetā vedanā nirujjhanti, taṃ nibbānaṃ nirodhasaccavasena pajānāti. Khayagāminanti tāsaṃyeva vedanānaṃ khayagāminaṃ maggaṃ maggasaccavasena pajānāti. Nicchāto parinibbutoti nittaṇho hutvā kilesaparinibbānena parinibbuto. Evamettha sutte sammasanacāravedanā kathitā. Gāthāsu dvīhi padehi samathavipassanā kathitā, sesehi catusaccaṃ kathitaṃ. Evamettha sabbasaṅgāhiko catubhūmakadhammaparicchedo vutto.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 1. සමාධිසුත්‌තං • 1. Samādhisuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1. සමාධිසුත්‌තවණ්‌ණනා • 1. Samādhisuttavaṇṇanā
