| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
12. සච්‌චසංයුත්‌තං
12. Saccasaṃyuttaṃ
1. සමාධිවග්‌ගො
1. Samādhivaggo
1. සමාධිසුත්‌තවණ්‌ණනා
1. Samādhisuttavaṇṇanā
1071. සච්‌චසංයුත්‌තස්‌ස පඨමෙ සමාධිං, භික්‌ඛවෙති තෙ කිර භික්‌ඛූ චිත්‌තෙකග්‌ගතාය පරිහායන්‌ති, අථ නෙසං සත්‌ථා – ‘‘එවමෙතෙ චිත්‌තෙකග්‌ගතං ලභිත්‌වා, කම්‌මට්‌ඨානං වඩ්‌ඪෙත්‌වා, විසෙසං පාපුණිස්‌සන්‌තී’’ති ඉමං දෙසනං ආරභි. තස්‌මාතිහ, භික්‌ඛවෙ, ‘‘ඉදං දුක්‌ඛ’’න්‌ති යොගො කරණීයොති එත්‌ථ යථාභූතාදිවසෙන කාරණච්‌ඡෙදො වෙදිතබ්‌බො. ඉදඤ්‌හි වුත්‌තං හොති – භික්‌ඛවෙ, යස්‌මා සමාහිතො භික්‌ඛු චත්‌තාරි සච්‌චානි යථාභූතං පජානාති, තස්‌මා තුම්‌හෙහි ච සමාහිතෙහි චතුන්‌නං සච්‌චානං යථාභූතං පජානනත්‌ථාය ‘‘ඉදං දුක්‌ඛ’’න්‌ති යොගො කරණීයො. තථා යස්‌මා චත්‌තාරි සච්‌චානි තථාගතස්‌සෙව පාතුභාවා පාකටානි හොන්‌ති, යස්‌මා ච තථාගතෙන සුවිභත්‌තානි, යස්‌මා ච තෙසු අපරිමාණා වණ්‌ණා අපරිමාණානි පදබ්‍යඤ්‌ජනානි, යස්‌මා ච තෙසං අප්‌පටිවිද්‌ධත්‌තා වට්‌ටං වඩ්‌ඪති, තෙසං පටිවිද්‌ධකාලතො පට්‌ඨාය න වඩ්‌ඪති, තස්‌මා ‘‘එවං නො වට්‌ටං න වඩ්‌ඪිස්‌සතී’’ති තුම්‌හෙහි ‘‘ඉදං දුක්‌ඛ’’න්‌ති යොගො කරණීයො.
1071. Saccasaṃyuttassa paṭhame samādhiṃ, bhikkhaveti te kira bhikkhū cittekaggatāya parihāyanti, atha nesaṃ satthā – ‘‘evamete cittekaggataṃ labhitvā, kammaṭṭhānaṃ vaḍḍhetvā, visesaṃ pāpuṇissantī’’ti imaṃ desanaṃ ārabhi. Tasmātiha, bhikkhave, ‘‘idaṃ dukkha’’nti yogo karaṇīyoti ettha yathābhūtādivasena kāraṇacchedo veditabbo. Idañhi vuttaṃ hoti – bhikkhave, yasmā samāhito bhikkhu cattāri saccāni yathābhūtaṃ pajānāti, tasmā tumhehi ca samāhitehi catunnaṃ saccānaṃ yathābhūtaṃ pajānanatthāya ‘‘idaṃ dukkha’’nti yogo karaṇīyo. Tathā yasmā cattāri saccāni tathāgatasseva pātubhāvā pākaṭāni honti, yasmā ca tathāgatena suvibhattāni, yasmā ca tesu aparimāṇā vaṇṇā aparimāṇāni padabyañjanāni, yasmā ca tesaṃ appaṭividdhattā vaṭṭaṃ vaḍḍhati, tesaṃ paṭividdhakālato paṭṭhāya na vaḍḍhati, tasmā ‘‘evaṃ no vaṭṭaṃ na vaḍḍhissatī’’ti tumhehi ‘‘idaṃ dukkha’’nti yogo karaṇīyo.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya / 1. සමාධිසුත්‌තං • 1. Samādhisuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1. සමාධිසුත්‌තවණ්‌ණනා • 1. Samādhisuttavaṇṇanā
