| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༦. སམཱདྷིསུཏྟཝཎྞནཱ
6. Samādhisuttavaṇṇanā
༦. ཚཊྛེ ནེཝ པཐཝིཡཾ པཐཝཱིསཉྙཱི ཨསྶཱཏི པཐཝིཾ ཨཱརམྨཎཾ ཀཏྭཱ པཐཝཱིཏི ཨེཝཾ ཨུཔྤནྣཱཡ སཉྙཱཡ སཉྙཱི ན བྷཝེཡྻ། ཨཱཔཱདཱིསུཔི ཨེསེཝ ནཡོ། ན ཨིདྷལོཀེཏི ཨིདྷལོཀེ ཨུཔྤཛྫནཀཙཏུཀྐཔཉྩཀཛ྄ཛྷཱནསཉྙཱཡ ན སཉྙཱི བྷཝེཡྻ། ན པརལོཀེཏི པརལོཀེ ཨུཔྤཛྫནཀཙཏུཀྐཔཉྩཀཛ྄ཛྷཱནསཉྙཱཡ ན སཉྙཱི བྷཝེཡྻ། སཉྙཱི ཙ པན ཨསྶཱཏི ཨཐ ཙ པནསྶ སམཱཔཏྟི སཝིཏཀྐསམཱཔཏྟིཡེཝ ཨསྶཱཏི ཝུཙྩཏི། ཨེཏཾ སནྟཾ ཨེཏཾ པཎཱིཏནྟི སནྟཾ སནྟནྟི ཨཔྤེཏྭཱ ནིསིནྣསྶ དིཝསམྤི ཙིཏྟུཔྤཱདོ ‘‘སནྟཾ སནྟ’’ནྟེཝ པཝཏྟཏི, པཎཱིཏཾ པཎཱིཏནྟི ཨཔྤེཏྭཱ ནིསིནྣསྶ དིཝསམྤི ཙིཏྟུཔྤཱདོ ‘‘པཎཱིཏཾ པཎཱིཏ’’ནྟེཝ པཝཏྟཏི། ཡདིདཾ སབྦསངྑཱརསམཐོཏི ནིབྦཱནཾ ནིབྦཱནནྟི ཨཔྤེཏྭཱ ནིསིནྣསྶ དིཝསམྤི ཙིཏྟུཔྤཱདོ ‘‘ནིབྦཱནཾ ནིབྦཱན’’ནྟེཝ པཝཏྟཏཱིཏི སབྦམྤེཏཾ ཕལསམཱཔཏྟིསམཱདྷིཾ སནྡྷཱཡ ཝུཏྟཾ།
6. Chaṭṭhe neva pathaviyaṃ pathavīsaññī assāti pathaviṃ ārammaṇaṃ katvā pathavīti evaṃ uppannāya saññāya saññī na bhaveyya. Āpādīsupi eseva nayo. Na idhaloketi idhaloke uppajjanakacatukkapañcakajjhānasaññāya na saññī bhaveyya. Na paraloketi paraloke uppajjanakacatukkapañcakajjhānasaññāya na saññī bhaveyya. Saññī ca pana assāti atha ca panassa samāpatti savitakkasamāpattiyeva assāti vuccati. Etaṃ santaṃ etaṃ paṇītanti santaṃ santanti appetvā nisinnassa divasampi cittuppādo ‘‘santaṃ santa’’nteva pavattati, paṇītaṃ paṇītanti appetvā nisinnassa divasampi cittuppādo ‘‘paṇītaṃ paṇīta’’nteva pavattati. Yadidaṃ sabbasaṅkhārasamathoti nibbānaṃ nibbānanti appetvā nisinnassa divasampi cittuppādo ‘‘nibbānaṃ nibbāna’’nteva pavattatīti sabbampetaṃ phalasamāpattisamādhiṃ sandhāya vuttaṃ.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༦. སམཱདྷིསུཏྟཾ • 6. Samādhisuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༧. ཨཝིཛྫཱསུཏྟཱདིཝཎྞནཱ • 1-7. Avijjāsuttādivaṇṇanā
