| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਸਮਾਧਿਸੁਤ੍ਤવਣ੍ਣਨਾ
6. Samādhisuttavaṇṇanā
੬. ਛਟ੍ਠੇ ਨੇવ ਪਥવਿਯਂ ਪਥવੀਸਞ੍ਞੀ ਅਸ੍ਸਾਤਿ ਪਥવਿਂ ਆਰਮ੍ਮਣਂ ਕਤ੍વਾ ਪਥવੀਤਿ ਏવਂ ਉਪ੍ਪਨ੍ਨਾਯ ਸਞ੍ਞਾਯ ਸਞ੍ਞੀ ਨ ਭવੇਯ੍ਯ। ਆਪਾਦੀਸੁਪਿ ਏਸੇવ ਨਯੋ। ਨ ਇਧਲੋਕੇਤਿ ਇਧਲੋਕੇ ਉਪ੍ਪਜ੍ਜਨਕਚਤੁਕ੍ਕਪਞ੍ਚਕਜ੍ਝਾਨਸਞ੍ਞਾਯ ਨ ਸਞ੍ਞੀ ਭવੇਯ੍ਯ। ਨ ਪਰਲੋਕੇਤਿ ਪਰਲੋਕੇ ਉਪ੍ਪਜ੍ਜਨਕਚਤੁਕ੍ਕਪਞ੍ਚਕਜ੍ਝਾਨਸਞ੍ਞਾਯ ਨ ਸਞ੍ਞੀ ਭવੇਯ੍ਯ। ਸਞ੍ਞੀ ਚ ਪਨ ਅਸ੍ਸਾਤਿ ਅਥ ਚ ਪਨਸ੍ਸ ਸਮਾਪਤ੍ਤਿ ਸવਿਤਕ੍ਕਸਮਾਪਤ੍ਤਿਯੇવ ਅਸ੍ਸਾਤਿ વੁਚ੍ਚਤਿ। ਏਤਂ ਸਨ੍ਤਂ ਏਤਂ ਪਣੀਤਨ੍ਤਿ ਸਨ੍ਤਂ ਸਨ੍ਤਨ੍ਤਿ ਅਪ੍ਪੇਤ੍વਾ ਨਿਸਿਨ੍ਨਸ੍ਸ ਦਿવਸਮ੍ਪਿ ਚਿਤ੍ਤੁਪ੍ਪਾਦੋ ‘‘ਸਨ੍ਤਂ ਸਨ੍ਤ’’ਨ੍ਤੇવ ਪવਤ੍ਤਤਿ, ਪਣੀਤਂ ਪਣੀਤਨ੍ਤਿ ਅਪ੍ਪੇਤ੍વਾ ਨਿਸਿਨ੍ਨਸ੍ਸ ਦਿવਸਮ੍ਪਿ ਚਿਤ੍ਤੁਪ੍ਪਾਦੋ ‘‘ਪਣੀਤਂ ਪਣੀਤ’’ਨ੍ਤੇવ ਪવਤ੍ਤਤਿ। ਯਦਿਦਂ ਸਬ੍ਬਸਙ੍ਖਾਰਸਮਥੋਤਿ ਨਿਬ੍ਬਾਨਂ ਨਿਬ੍ਬਾਨਨ੍ਤਿ ਅਪ੍ਪੇਤ੍વਾ ਨਿਸਿਨ੍ਨਸ੍ਸ ਦਿવਸਮ੍ਪਿ ਚਿਤ੍ਤੁਪ੍ਪਾਦੋ ‘‘ਨਿਬ੍ਬਾਨਂ ਨਿਬ੍ਬਾਨ’’ਨ੍ਤੇવ ਪવਤ੍ਤਤੀਤਿ ਸਬ੍ਬਮ੍ਪੇਤਂ ਫਲਸਮਾਪਤ੍ਤਿਸਮਾਧਿਂ ਸਨ੍ਧਾਯ વੁਤ੍ਤਂ।
6. Chaṭṭhe neva pathaviyaṃ pathavīsaññī assāti pathaviṃ ārammaṇaṃ katvā pathavīti evaṃ uppannāya saññāya saññī na bhaveyya. Āpādīsupi eseva nayo. Na idhaloketi idhaloke uppajjanakacatukkapañcakajjhānasaññāya na saññī bhaveyya. Na paraloketi paraloke uppajjanakacatukkapañcakajjhānasaññāya na saññī bhaveyya. Saññī ca pana assāti atha ca panassa samāpatti savitakkasamāpattiyeva assāti vuccati. Etaṃ santaṃ etaṃ paṇītanti santaṃ santanti appetvā nisinnassa divasampi cittuppādo ‘‘santaṃ santa’’nteva pavattati, paṇītaṃ paṇītanti appetvā nisinnassa divasampi cittuppādo ‘‘paṇītaṃ paṇīta’’nteva pavattati. Yadidaṃ sabbasaṅkhārasamathoti nibbānaṃ nibbānanti appetvā nisinnassa divasampi cittuppādo ‘‘nibbānaṃ nibbāna’’nteva pavattatīti sabbampetaṃ phalasamāpattisamādhiṃ sandhāya vuttaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਸਮਾਧਿਸੁਤ੍ਤਂ • 6. Samādhisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੭. ਅવਿਜ੍ਜਾਸੁਤ੍ਤਾਦਿવਣ੍ਣਨਾ • 1-7. Avijjāsuttādivaṇṇanā
