| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੫. ਸਮਾਧਿਸੁਤ੍ਤવਣ੍ਣਨਾ
5. Samādhisuttavaṇṇanā
੫. ਪਞ੍ਚਮੇ ਸਮਾਧਿਨ੍ਤਿ ਇਦਂ ਭਗવਾ ਤੇ ਭਿਕ੍ਖੂ ਚਿਤ੍ਤੇਕਗ੍ਗਤਾਯ ਪਰਿਹਾਯਨ੍ਤੇ ਦਿਸ੍વਾ, ‘‘ਚਿਤ੍ਤੇਕਗ੍ਗਤਂ ਲਭਨ੍ਤਾਨਂ ਇਮੇਸਂ ਕਮ੍ਮਟ੍ਠਾਨਂ ਫਾਤਿਂ ਗਮਿਸ੍ਸਤੀ’’ਤਿ ਞਤ੍વਾ ਆਹ। ਅਭਿਨਨ੍ਦਤੀਤਿ ਪਤ੍ਥੇਤਿ। ਅਭਿવਦਤੀਤਿ ਤਾਯ ਅਭਿਨਨ੍ਦਨਾਯ ‘‘ਅਹੋ ਪਿਯਂ ਇਟ੍ਠਂ ਕਨ੍ਤਂ ਮਨਾਪ’’ਨ੍ਤਿ વਦਤਿ। વਾਚਂ ਅਭਿਨਨ੍ਦਨ੍ਤੋਪਿ ਚ ਤਂ ਆਰਮ੍ਮਣਂ ਨਿਸ੍ਸਾਯ ਏવਂ ਲੋਭਂ ਉਪ੍ਪਾਦੇਨ੍ਤੋ ਅਭਿવਦਤਿਯੇવ ਨਾਮ। ਅਜ੍ਝੋਸਾਯ ਤਿਟ੍ਠਤੀਤਿ ਗਿਲਿਤ੍વਾ ਪਰਿਨਿਟ੍ਠਪੇਤ੍વਾ ਗਣ੍ਹਾਤਿ। ਯਾ ਰੂਪੇ ਨਨ੍ਦੀਤਿ ਯਾ ਸਾ ਰੂਪੇ ਬਲવਪਤ੍ਥਨਾਸਙ੍ਖਾਤਾ ਨਨ੍ਦੀ। ਤਦੁਪਾਦਾਨਨ੍ਤਿ ਤਂ ਗਹਣਟ੍ਠੇਨ ਉਪਾਦਾਨਂ। ਨਾਭਿਨਨ੍ਦਤੀਤਿ ਨ ਪਤ੍ਥੇਤਿ। ਨਾਭਿવਦਤੀਤਿ ਪਤ੍ਥਨਾવਸੇਨ ਨ ‘‘ਇਟ੍ਠਂ ਕਨ੍ਤ’’ਨ੍ਤਿ વਦਤਿ। વਿਪਸ੍ਸਨਾਚਿਤ੍ਤੇਨ ਚੇਤਸਾ ‘‘ਅਨਿਚ੍ਚਂ ਦੁਕ੍ਖ’’ਨ੍ਤਿ વਚੀਭੇਦਂ ਕਰੋਨ੍ਤੋਪਿ ਨਾਭਿવਦਤਿਯੇવ। ਪਞ੍ਚਮਂ।
5. Pañcame samādhinti idaṃ bhagavā te bhikkhū cittekaggatāya parihāyante disvā, ‘‘cittekaggataṃ labhantānaṃ imesaṃ kammaṭṭhānaṃ phātiṃ gamissatī’’ti ñatvā āha. Abhinandatīti pattheti. Abhivadatīti tāya abhinandanāya ‘‘aho piyaṃ iṭṭhaṃ kantaṃ manāpa’’nti vadati. Vācaṃ abhinandantopi ca taṃ ārammaṇaṃ nissāya evaṃ lobhaṃ uppādento abhivadatiyeva nāma. Ajjhosāya tiṭṭhatīti gilitvā pariniṭṭhapetvā gaṇhāti. Yārūpe nandīti yā sā rūpe balavapatthanāsaṅkhātā nandī. Tadupādānanti taṃ gahaṇaṭṭhena upādānaṃ. Nābhinandatīti na pattheti. Nābhivadatīti patthanāvasena na ‘‘iṭṭhaṃ kanta’’nti vadati. Vipassanācittena cetasā ‘‘aniccaṃ dukkha’’nti vacībhedaṃ karontopi nābhivadatiyeva. Pañcamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੫. ਸਮਾਧਿਸੁਤ੍ਤਂ • 5. Samādhisuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੫. ਸਮਾਧਿਸੁਤ੍ਤવਣ੍ਣਨਾ • 5. Samādhisuttavaṇṇanā
