| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. વੇਦਨਾਸਂਯੁਤ੍ਤਂ
2. Vedanāsaṃyuttaṃ
੧. ਸਗਾਥਾવਗ੍ਗੋ
1. Sagāthāvaggo
੧. ਸਮਾਧਿਸੁਤ੍ਤવਣ੍ਣਨਾ
1. Samādhisuttavaṇṇanā
੨੪੯. વੇਦਨਾ ਚ ਪਜਾਨਾਤੀਤਿ ਸਚ੍ਚਾਭਿਸਮ੍ਬੋਧવਸੇਨ વੁਚ੍ਚਮਾਨવੇਦਨਾਨਂ ਪਜਾਨਨਂ ਸਾਤਿਸਯਸਮਾਧਾਨਪੁਬ੍ਬਕਨ੍ਤਿ ਭਗવਤਾ ‘‘ਸਮਾਹਿਤੋ’’ਤਿ વੁਤ੍ਤਨ੍ਤਿ ਆਹ ‘‘ਉਪਚਾਰੇਨ વਾ ਅਪ੍ਪਨਾਯ વਾ ਸਮਾਹਿਤੋ’’ਤਿ। વੇਦਨਾਤਿ ਤਿਸ੍ਸੋਪਿ વੇਦਨਾ। ਦੁਕ੍ਖਸਚ੍ਚવਸੇਨਾਤਿ ਦੁਕ੍ਖਸਚ੍ਚਭਾવੇਨ, ਪਰਿਜਾਨਨવਸੇਨਾਤਿ ਅਤ੍ਥੋ। ਸਮ੍ਭવਨ੍ਤਿ ਸਮੁਦਯਂ ਤਣ੍ਹਾવਿਜ੍ਜਾਕਮ੍ਮਫਸ੍ਸਾਦਿਪ੍ਪਭੇਦਂ ਉਪ੍ਪਤ੍ਤਿਕਾਰਣਂ। ਤੇਨਾਹ ‘‘ਸਮੁਦਯਸਚ੍ਚવਸੇਨ ਪਜਾਨਾਤੀ’’ਤਿ। ਯਤ੍ਥਾਤਿ ਯਂਨਿਮਿਤ੍ਤਂ, ਯਂ ਆਗਮ੍ਮ ਕਾਮਤਣ੍ਹਾવਿਜ੍ਜਾਦਿਨਿਰੋਧਾ વੇਦਨਾਨਿਰੋਧੋ, ਤੇਸਂ ਅਯਂ ਨਿਰੋਧੋ। ਨਿਬ੍ਬਾਨਂ ਆਰਬ੍ਭ ਅਰਿਯਮਗ੍ਗਪ੍ਪવਤ੍ਤਿਯਾ ਹਿ ਨਿਬ੍ਬਾਨਂ વੇਦਨਾਨਿਰੋਧੋਤਿ વੁਤ੍ਤੋ। ਖਯਂ ਗਮੇਤੀਤਿ ਖਯਗਾਮੀ, ਤਂ ਖਯਗਾਮਿਨਂ। ਛਾਤਂ વੁਚ੍ਚਤਿ ਤਣ੍ਹਾ ਕਾਮਾਨਂ ਪਾਤੁਕਾਮਤਾવਸੇਨ ਪવਤ੍ਤਨਤੋ, ਅਚ੍ਚਨ੍ਤਮੇવ ਸਮੁਚ੍ਛਿਨ੍ਨਤ੍ਤਾ ਨਤ੍ਥਿ ਏਤਸ੍ਮਿਂ ਛਾਤਨ੍ਤਿ ਨਿਚ੍ਛਾਤੋ। ਤੇਨਾਹ ‘‘ਨਿਤ੍ਤਣ੍ਹੋ’’ਤਿ। ਸਮ੍ਮਸਨਚਾਰવੇਦਨਾਤਿ ਸਮ੍ਮਸਨੂਪਚਾਰવੇਦਨਾ। ਦ੍વੀਹਿ ਪਦੇਹੀਤਿ ‘‘ਸਮਾਹਿਤੋ ਸਮ੍ਪਜਾਨੋ’’ਤਿ ਇਮੇਹਿ ਦ੍વੀਹਿ। ‘‘ਸਤੋ’’ਤਿ ਪਨ ਇਦਂ ਸਮ੍ਪਜਾਨਪਦਸ੍ਸੇવ ਉਪਬ੍ਰੂਹਨਨ੍ਤਿ ਅਧਿਪ੍ਪਾਯੋ। ਸੇਸੇਹਿ ਚਤੂਹਿ ਚਤੁਸਚ੍ਚਂ ਕਥਿਤਂ, ਇਤਰੇਹਿ ਪਨ ਦ੍વੀਹਿ ਚਤੁਸਚ੍ਚਬੁਜ੍ਝਨਮੇવ ਕਥਿਤਂ। ਸਬ੍ਬਸਙ੍ਗਾਹਿਕੋਤਿ ਸਬ੍ਬਸਭਾવਧਮ੍ਮਾਨਂ ਸਙ੍ਗਣ੍ਹਨਕੋ। ਤੇਨਾਹ ‘‘ਚਤੁਭੂਮਕਧਮ੍ਮਪਰਿਚ੍ਛੇਦੋ વੁਤ੍ਤੋ’’ਤਿ।
249.Vedanāca pajānātīti saccābhisambodhavasena vuccamānavedanānaṃ pajānanaṃ sātisayasamādhānapubbakanti bhagavatā ‘‘samāhito’’ti vuttanti āha ‘‘upacārena vā appanāya vā samāhito’’ti. Vedanāti tissopi vedanā. Dukkhasaccavasenāti dukkhasaccabhāvena, parijānanavasenāti attho. Sambhavanti samudayaṃ taṇhāvijjākammaphassādippabhedaṃ uppattikāraṇaṃ. Tenāha ‘‘samudayasaccavasena pajānātī’’ti. Yatthāti yaṃnimittaṃ, yaṃ āgamma kāmataṇhāvijjādinirodhā vedanānirodho, tesaṃ ayaṃ nirodho. Nibbānaṃ ārabbha ariyamaggappavattiyā hi nibbānaṃ vedanānirodhoti vutto. Khayaṃ gametīti khayagāmī, taṃ khayagāminaṃ. Chātaṃ vuccati taṇhā kāmānaṃ pātukāmatāvasena pavattanato, accantameva samucchinnattā natthi etasmiṃ chātanti nicchāto. Tenāha ‘‘nittaṇho’’ti. Sammasanacāravedanāti sammasanūpacāravedanā. Dvīhi padehīti ‘‘samāhito sampajāno’’ti imehi dvīhi. ‘‘Sato’’ti pana idaṃ sampajānapadasseva upabrūhananti adhippāyo. Sesehi catūhi catusaccaṃ kathitaṃ, itarehi pana dvīhi catusaccabujjhanameva kathitaṃ. Sabbasaṅgāhikoti sabbasabhāvadhammānaṃ saṅgaṇhanako. Tenāha ‘‘catubhūmakadhammaparicchedo vutto’’ti.
ਸਮਾਧਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Samādhisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸਮਾਧਿਸੁਤ੍ਤਂ • 1. Samādhisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਸਮਾਧਿਸੁਤ੍ਤવਣ੍ਣਨਾ • 1. Samādhisuttavaṇṇanā
