| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൨. വേദനാസംയുത്തം
2. Vedanāsaṃyuttaṃ
൧. സഗാഥാവഗ്ഗോ
1. Sagāthāvaggo
൧. സമാധിസുത്തവണ്ണനാ
1. Samādhisuttavaṇṇanā
൨൪൯. വേദനാസംയുത്തേ സഗാഥാവഗ്ഗസ്സ പഠമേ സമാഹിതോതി ഉപചാരേന വാ അപ്പനായ വാ സമാഹിതോ. വേദനാ ച പജാനാതീതി വേദനാ ദുക്ഖസച്ചവസേന പജാനാതി. വേദനാനഞ്ച സമ്ഭവന്തി താസംയേവ സമ്ഭവം സമുദയസച്ചവസേന പജാനാതി. യത്ഥ ചേതാതി യത്ഥേതാ വേദനാ നിരുജ്ഝന്തി, തം നിബ്ബാനം നിരോധസച്ചവസേന പജാനാതി. ഖയഗാമിനന്തി താസംയേവ വേദനാനം ഖയഗാമിനം മഗ്ഗം മഗ്ഗസച്ചവസേന പജാനാതി. നിച്ഛാതോ പരിനിബ്ബുതോതി നിത്തണ്ഹോ ഹുത്വാ കിലേസപരിനിബ്ബാനേന പരിനിബ്ബുതോ. ഏവമേത്ഥ സുത്തേ സമ്മസനചാരവേദനാ കഥിതാ. ഗാഥാസു ദ്വീഹി പദേഹി സമഥവിപസ്സനാ കഥിതാ, സേസേഹി ചതുസച്ചം കഥിതം. ഏവമേത്ഥ സബ്ബസങ്ഗാഹികോ ചതുഭൂമകധമ്മപരിച്ഛേദോ വുത്തോ.
249. Vedanāsaṃyutte sagāthāvaggassa paṭhame samāhitoti upacārena vā appanāya vā samāhito. Vedanā ca pajānātīti vedanā dukkhasaccavasena pajānāti. Vedanānañca sambhavanti tāsaṃyeva sambhavaṃ samudayasaccavasena pajānāti. Yattha cetāti yatthetā vedanā nirujjhanti, taṃ nibbānaṃ nirodhasaccavasena pajānāti. Khayagāminanti tāsaṃyeva vedanānaṃ khayagāminaṃ maggaṃ maggasaccavasena pajānāti. Nicchāto parinibbutoti nittaṇho hutvā kilesaparinibbānena parinibbuto. Evamettha sutte sammasanacāravedanā kathitā. Gāthāsu dvīhi padehi samathavipassanā kathitā, sesehi catusaccaṃ kathitaṃ. Evamettha sabbasaṅgāhiko catubhūmakadhammaparicchedo vutto.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൧. സമാധിസുത്തം • 1. Samādhisuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧. സമാധിസുത്തവണ്ണനാ • 1. Samādhisuttavaṇṇanā
