| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
5-6. самаж̇ийвийсуд̇д̇ад̣̇ваяаван̣н̣анаа
5-6. Samajīvīsuttadvayavaṇṇanā
55-56. бан̃жамз д̇знубасан̇гамийд̇и гимад̇т̇ам̣ убасан̇гами? ануг̇г̇ан̣ханад̇т̇ам̣. д̇ат̇ааг̇ад̇о хи д̇ам̣ радтам̣ баабун̣анд̇о имзсам̣язва д̣̇виннам̣ сан̇г̇ан̣ханад̇т̇ааяа баабун̣аад̇и. нагулабид̇аа гира бан̃жа ж̇аад̇исад̇аани д̇ат̇ааг̇ад̇асса бид̇аа ахоси, бан̃жа ж̇аад̇исад̇аани махаабид̇аа, бан̃жа ж̇аад̇исад̇аани жуул̣абид̇аа. нагуламаад̇ааби бан̃жа ж̇аад̇исад̇аани д̇ат̇ааг̇ад̇асса маад̇аа ахоси, бан̃жа ж̇аад̇исад̇аани махаамаад̇аа, бан̃жа ж̇аад̇исад̇аани жуул̣амаад̇аа. д̇з сад̇т̇у д̣̇идтагаалад̇о бадтааяа буд̇д̇асинзхам̣ бадилабхид̇ваа ‘‘ханд̇аад̇а, ханд̇аад̇аа’’д̇и важчагам̣ д̣̇исваа важчаг̇ид̣̇д̇хиний г̇аавий вияа виравамаанаа убасан̇гамид̇ваа батамад̣̇ассанзнзва сод̇аабаннаа ж̇аад̇аа. нивзсанз бан̃жасад̇аанам̣ бхигкуунам̣ аасанаани сад̣̇аа бан̃н̃ад̇д̇аанзва хонд̇и. ид̇и бхаг̇аваа д̇зсам̣ ануг̇г̇ан̣ханад̇т̇ааяа убасан̇гами. ад̇ижарид̇аад̇и ад̇иггамид̇аа. абхисамбарааяан̃жаад̇и баралогз жа. самасад̣̇д̇хаад̇и сад̣̇д̇хааяа самаа згасад̣̇исаа. сийлаад̣̇ийсуби зсзва наяо. чадтам̣ гзвалам̣ бхигкуунам̣ д̣̇зсид̇ам̣. сзсамзд̇т̇а д̇аад̣̇исамзва.
55-56. Pañcame tenupasaṅkamīti kimatthaṃ upasaṅkami? Anuggaṇhanatthaṃ. Tathāgato hi taṃ raṭṭhaṃ pāpuṇanto imesaṃyeva dvinnaṃ saṅgaṇhanatthāya pāpuṇāti. Nakulapitā kira pañca jātisatāni tathāgatassa pitā ahosi, pañca jātisatāni mahāpitā, pañca jātisatāni cūḷapitā. Nakulamātāpi pañca jātisatāni tathāgatassa mātā ahosi, pañca jātisatāni mahāmātā, pañca jātisatāni cūḷamātā. Te satthu diṭṭhakālato paṭṭhāya puttasinehaṃ paṭilabhitvā ‘‘hantāta, hantātā’’ti vacchakaṃ disvā vacchagiddhinī gāvī viya viravamānā upasaṅkamitvā paṭhamadassaneneva sotāpannā jātā. Nivesane pañcasatānaṃ bhikkhūnaṃ āsanāni sadā paññattāneva honti. Iti bhagavā tesaṃ anuggaṇhanatthāya upasaṅkami. Aticaritāti atikkamitā. Abhisamparāyañcāti paraloke ca. Samasaddhāti saddhāya samā ekasadisā. Sīlādīsupi eseva nayo. Chaṭṭhaṃ kevalaṃ bhikkhūnaṃ desitaṃ. Sesamettha tādisameva.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
5. батамасамаж̇ийвийсуд̇д̇ам̣ • 5. Paṭhamasamajīvīsuttaṃ
6. д̣̇уд̇ияасамаж̇ийвийсуд̇д̇ам̣ • 6. Dutiyasamajīvīsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 5-6. самаж̇ийвийсуд̇д̇аад̣̇иван̣н̣анаа • 5-6. Samajīvīsuttādivaṇṇanā
