| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫-੬. ਸਮਜੀવੀਸੁਤ੍ਤਦ੍વਯવਣ੍ਣਨਾ
5-6. Samajīvīsuttadvayavaṇṇanā
੫੫-੫੬. ਪਞ੍ਚਮੇ ਤੇਨੁਪਸਙ੍ਕਮੀਤਿ ਕਿਮਤ੍ਥਂ ਉਪਸਙ੍ਕਮਿ? ਅਨੁਗ੍ਗਣ੍ਹਨਤ੍ਥਂ। ਤਥਾਗਤੋ ਹਿ ਤਂ ਰਟ੍ਠਂ ਪਾਪੁਣਨ੍ਤੋ ਇਮੇਸਂਯੇવ ਦ੍વਿਨ੍ਨਂ ਸਙ੍ਗਣ੍ਹਨਤ੍ਥਾਯ ਪਾਪੁਣਾਤਿ। ਨਕੁਲਪਿਤਾ ਕਿਰ ਪਞ੍ਚ ਜਾਤਿਸਤਾਨਿ ਤਥਾਗਤਸ੍ਸ ਪਿਤਾ ਅਹੋਸਿ, ਪਞ੍ਚ ਜਾਤਿਸਤਾਨਿ ਮਹਾਪਿਤਾ, ਪਞ੍ਚ ਜਾਤਿਸਤਾਨਿ ਚੂਲ਼ਪਿਤਾ। ਨਕੁਲਮਾਤਾਪਿ ਪਞ੍ਚ ਜਾਤਿਸਤਾਨਿ ਤਥਾਗਤਸ੍ਸ ਮਾਤਾ ਅਹੋਸਿ, ਪਞ੍ਚ ਜਾਤਿਸਤਾਨਿ ਮਹਾਮਾਤਾ, ਪਞ੍ਚ ਜਾਤਿਸਤਾਨਿ ਚੂਲ਼ਮਾਤਾ। ਤੇ ਸਤ੍ਥੁ ਦਿਟ੍ਠਕਾਲਤੋ ਪਟ੍ਠਾਯ ਪੁਤ੍ਤਸਿਨੇਹਂ ਪਟਿਲਭਿਤ੍વਾ ‘‘ਹਨ੍ਤਾਤ, ਹਨ੍ਤਾਤਾ’’ਤਿ વਚ੍ਛਕਂ ਦਿਸ੍વਾ વਚ੍ਛਗਿਦ੍ਧਿਨੀ ਗਾવੀ વਿਯ વਿਰવਮਾਨਾ ਉਪਸਙ੍ਕਮਿਤ੍વਾ ਪਠਮਦਸ੍ਸਨੇਨੇવ ਸੋਤਾਪਨ੍ਨਾ ਜਾਤਾ। ਨਿવੇਸਨੇ ਪਞ੍ਚਸਤਾਨਂ ਭਿਕ੍ਖੂਨਂ ਆਸਨਾਨਿ ਸਦਾ ਪਞ੍ਞਤ੍ਤਾਨੇવ ਹੋਨ੍ਤਿ। ਇਤਿ ਭਗવਾ ਤੇਸਂ ਅਨੁਗ੍ਗਣ੍ਹਨਤ੍ਥਾਯ ਉਪਸਙ੍ਕਮਿ। ਅਤਿਚਰਿਤਾਤਿ ਅਤਿਕ੍ਕਮਿਤਾ। ਅਭਿਸਮ੍ਪਰਾਯਞ੍ਚਾਤਿ ਪਰਲੋਕੇ ਚ। ਸਮਸਦ੍ਧਾਤਿ ਸਦ੍ਧਾਯ ਸਮਾ ਏਕਸਦਿਸਾ। ਸੀਲਾਦੀਸੁਪਿ ਏਸੇવ ਨਯੋ। ਛਟ੍ਠਂ ਕੇવਲਂ ਭਿਕ੍ਖੂਨਂ ਦੇਸਿਤਂ। ਸੇਸਮੇਤ੍ਥ ਤਾਦਿਸਮੇવ।
55-56. Pañcame tenupasaṅkamīti kimatthaṃ upasaṅkami? Anuggaṇhanatthaṃ. Tathāgato hi taṃ raṭṭhaṃ pāpuṇanto imesaṃyeva dvinnaṃ saṅgaṇhanatthāya pāpuṇāti. Nakulapitā kira pañca jātisatāni tathāgatassa pitā ahosi, pañca jātisatāni mahāpitā, pañca jātisatāni cūḷapitā. Nakulamātāpi pañca jātisatāni tathāgatassa mātā ahosi, pañca jātisatāni mahāmātā, pañca jātisatāni cūḷamātā. Te satthu diṭṭhakālato paṭṭhāya puttasinehaṃ paṭilabhitvā ‘‘hantāta, hantātā’’ti vacchakaṃ disvā vacchagiddhinī gāvī viya viravamānā upasaṅkamitvā paṭhamadassaneneva sotāpannā jātā. Nivesane pañcasatānaṃ bhikkhūnaṃ āsanāni sadā paññattāneva honti. Iti bhagavā tesaṃ anuggaṇhanatthāya upasaṅkami. Aticaritāti atikkamitā. Abhisamparāyañcāti paraloke ca. Samasaddhāti saddhāya samā ekasadisā. Sīlādīsupi eseva nayo. Chaṭṭhaṃ kevalaṃ bhikkhūnaṃ desitaṃ. Sesamettha tādisameva.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੫. ਪਠਮਸਮਜੀવੀਸੁਤ੍ਤਂ • 5. Paṭhamasamajīvīsuttaṃ
੬. ਦੁਤਿਯਸਮਜੀવੀਸੁਤ੍ਤਂ • 6. Dutiyasamajīvīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫-੬. ਸਮਜੀવੀਸੁਤ੍ਤਾਦਿવਣ੍ਣਨਾ • 5-6. Samajīvīsuttādivaṇṇanā
