| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
౩. అనుత్తరియవగ్గో
3. Anuttariyavaggo
౧-౨. సామకసుత్తాదివణ్ణనా
1-2. Sāmakasuttādivaṇṇanā
౨౧-౨౨. తతియస్స పఠమే సామగామకేతి సామకానం ఉస్సన్నత్తా ఏవంలద్ధనామే గామకే. పోక్ఖరణియాయన్తి పోక్ఖరణియానామకే విహారే. అభిక్కన్తాయ రత్తియాతి రత్తియా పఠమయామం అతిక్కమ్మ మజ్ఝిమయామే సమ్పత్తే. అభిక్కన్తవణ్ణాతి అభిక్కన్తఅతిమనాపవణ్ణా. కేవలకప్పన్తి సకలకప్పం. పోక్ఖరణియం ఓభాసేత్వాతి పోక్ఖరణియానామకం మహావిహారం అత్తనో ఓభాసేన ఫరిత్వా. సమనుఞ్ఞోతి సమానఅనుఞ్ఞో సమానచిత్తో. దోవచస్సతాతి దుబ్బచభావో. పాపమిత్తతాతి లామకమిత్తతా . ఇమస్మిం సుత్తే పరిహానియధమ్మావ కథితా. దుతియే అపరిహానియధమ్మా లోకుత్తరమిస్సకా కథితా.
21-22. Tatiyassa paṭhame sāmagāmaketi sāmakānaṃ ussannattā evaṃladdhanāme gāmake. Pokkharaṇiyāyanti pokkharaṇiyānāmake vihāre. Abhikkantāya rattiyāti rattiyā paṭhamayāmaṃ atikkamma majjhimayāme sampatte. Abhikkantavaṇṇāti abhikkantaatimanāpavaṇṇā. Kevalakappanti sakalakappaṃ. Pokkharaṇiyaṃ obhāsetvāti pokkharaṇiyānāmakaṃ mahāvihāraṃ attano obhāsena pharitvā. Samanuññoti samānaanuñño samānacitto. Dovacassatāti dubbacabhāvo. Pāpamittatāti lāmakamittatā . Imasmiṃ sutte parihāniyadhammāva kathitā. Dutiye aparihāniyadhammā lokuttaramissakā kathitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya
౧. సామకసుత్తం • 1. Sāmakasuttaṃ
౨. అపరిహానియసుత్తం • 2. Aparihāniyasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౨. సామకసుత్తాదివణ్ణనా • 1-2. Sāmakasuttādivaṇṇanā
