| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๓. อนุตฺตริยวโคฺค
3. Anuttariyavaggo
๑-๒. สามกสุตฺตาทิวณฺณนา
1-2. Sāmakasuttādivaṇṇanā
๒๑-๒๒. ตติยสฺส ปฐเม สามคามเกติ สามกานํ อุสฺสนฺนตฺตา เอวํลทฺธนาเม คามเกฯ โปกฺขรณิยายนฺติ โปกฺขรณิยานามเก วิหาเรฯ อภิกฺกนฺตาย รตฺติยาติ รตฺติยา ปฐมยามํ อติกฺกมฺม มชฺฌิมยาเม สมฺปเตฺตฯ อภิกฺกนฺตวณฺณาติ อภิกฺกนฺตอติมนาปวณฺณาฯ เกวลกปฺปนฺติ สกลกปฺปํฯ โปกฺขรณิยํ โอภาเสตฺวาติ โปกฺขรณิยานามกํ มหาวิหารํ อตฺตโน โอภาเสน ผริตฺวาฯ สมนุโญฺญติ สมานอนุโญฺญ สมานจิโตฺตฯ โทวจสฺสตาติ ทุพฺพจภาโวฯ ปาปมิตฺตตาติ ลามกมิตฺตตา ฯ อิมสฺมิํ สุเตฺต ปริหานิยธมฺมาว กถิตาฯ ทุติเย อปริหานิยธมฺมา โลกุตฺตรมิสฺสกา กถิตาฯ
21-22. Tatiyassa paṭhame sāmagāmaketi sāmakānaṃ ussannattā evaṃladdhanāme gāmake. Pokkharaṇiyāyanti pokkharaṇiyānāmake vihāre. Abhikkantāya rattiyāti rattiyā paṭhamayāmaṃ atikkamma majjhimayāme sampatte. Abhikkantavaṇṇāti abhikkantaatimanāpavaṇṇā. Kevalakappanti sakalakappaṃ. Pokkharaṇiyaṃ obhāsetvāti pokkharaṇiyānāmakaṃ mahāvihāraṃ attano obhāsena pharitvā. Samanuññoti samānaanuñño samānacitto. Dovacassatāti dubbacabhāvo. Pāpamittatāti lāmakamittatā . Imasmiṃ sutte parihāniyadhammāva kathitā. Dutiye aparihāniyadhammā lokuttaramissakā kathitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๑. สามกสุตฺตํ • 1. Sāmakasuttaṃ
๒. อปริหานิยสุตฺตํ • 2. Aparihāniyasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๒. สามกสุตฺตาทิวณฺณนา • 1-2. Sāmakasuttādivaṇṇanā
