| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
3. අනුත්‌තරියවග්‌ගො
3. Anuttariyavaggo
1-2. සාමකසුත්‌තාදිවණ්‌ණනා
1-2. Sāmakasuttādivaṇṇanā
21-22. තතියස්‌ස පඨමෙ සාමගාමකෙති සාමකානං උස්‌සන්‌නත්‌තා එවංලද්‌ධනාමෙ ගාමකෙ. පොක්‌ඛරණියායන්‌ති පොක්‌ඛරණියානාමකෙ විහාරෙ. අභික්‌කන්‌තාය රත්‌තියාති රත්‌තියා පඨමයාමං අතික්‌කම්‌ම මජ්‌ඣිමයාමෙ සම්‌පත්‌තෙ. අභික්‌කන්‌තවණ්‌ණාති අභික්‌කන්‌තඅතිමනාපවණ්‌ණා. කෙවලකප්‌පන්‌ති සකලකප්‌පං. පොක්‌ඛරණියං ඔභාසෙත්‌වාති පොක්‌ඛරණියානාමකං මහාවිහාරං අත්‌තනො ඔභාසෙන ඵරිත්‌වා. සමනුඤ්‌ඤොති සමානඅනුඤ්‌ඤො සමානචිත්‌තො. දොවචස්‌සතාති දුබ්‌බචභාවො. පාපමිත්‌තතාති ලාමකමිත්‌තතා . ඉමස්‌මිං සුත්‌තෙ පරිහානියධම්‌මාව කථිතා. දුතියෙ අපරිහානියධම්‌මා ලොකුත්‌තරමිස්‌සකා කථිතා.
21-22. Tatiyassa paṭhame sāmagāmaketi sāmakānaṃ ussannattā evaṃladdhanāme gāmake. Pokkharaṇiyāyanti pokkharaṇiyānāmake vihāre. Abhikkantāya rattiyāti rattiyā paṭhamayāmaṃ atikkamma majjhimayāme sampatte. Abhikkantavaṇṇāti abhikkantaatimanāpavaṇṇā. Kevalakappanti sakalakappaṃ. Pokkharaṇiyaṃ obhāsetvāti pokkharaṇiyānāmakaṃ mahāvihāraṃ attano obhāsena pharitvā. Samanuññoti samānaanuñño samānacitto. Dovacassatāti dubbacabhāvo. Pāpamittatāti lāmakamittatā . Imasmiṃ sutte parihāniyadhammāva kathitā. Dutiye aparihāniyadhammā lokuttaramissakā kathitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
1. සාමකසුත්‌තං • 1. Sāmakasuttaṃ
2. අපරිහානියසුත්‌තං • 2. Aparihāniyasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-2. සාමකසුත්‌තාදිවණ්‌ණනා • 1-2. Sāmakasuttādivaṇṇanā
