| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
3. ануд̇д̇арияаваг̇г̇о
3. Anuttariyavaggo
1. саамагасуд̇д̇ам̣
1. Sāmakasuttaṃ
21. згам̣ самаяам̣ бхаг̇аваа саггзсу вихарад̇и саамаг̇аамагз богкаран̣ияааяам̣. ат̇а ко ан̃н̃ад̇араа д̣̇звад̇аа абхигганд̇ааяа рад̇д̇ияаа абхигганд̇аван̣н̣аа гзвалагаббам̣ богкаран̣ияам̣ обхаасзд̇ваа язна бхаг̇аваа д̇знубасан̇гами ; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко саа д̣̇звад̇аа бхаг̇аванд̇ам̣ зд̇ад̣̇авожа –
21. Ekaṃ samayaṃ bhagavā sakkesu viharati sāmagāmake pokkharaṇiyāyaṃ. Atha kho aññatarā devatā abhikkantāya rattiyā abhikkantavaṇṇā kevalakappaṃ pokkharaṇiyaṃ obhāsetvā yena bhagavā tenupasaṅkami ; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitā kho sā devatā bhagavantaṃ etadavoca –
‘‘д̇аяомз, бханд̇з, д̇хаммаа бхигкуно барихаанааяа сам̣вад̇д̇анд̇и. гад̇амз д̇аяо? гаммаараамад̇аа, бхассаараамад̇аа , нид̣̇д̣̇аараамад̇аа – имз ко, бханд̇з, д̇аяо д̇хаммаа бхигкуно барихаанааяа сам̣вад̇д̇анд̇ий’’д̇и. ид̣̇амавожа саа д̣̇звад̇аа. саманун̃н̃о сад̇т̇аа ахоси. ат̇а ко саа д̣̇звад̇аа ‘‘саманун̃н̃о мз сад̇т̇аа’’д̇и бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяи.
‘‘Tayome, bhante, dhammā bhikkhuno parihānāya saṃvattanti. Katame tayo? Kammārāmatā, bhassārāmatā , niddārāmatā – ime kho, bhante, tayo dhammā bhikkhuno parihānāya saṃvattantī’’ti. Idamavoca sā devatā. Samanuñño satthā ahosi. Atha kho sā devatā ‘‘samanuñño me satthā’’ti bhagavantaṃ abhivādetvā padakkhiṇaṃ katvā tatthevantaradhāyi.
ат̇а ко бхаг̇аваа д̇ассаа рад̇д̇ияаа ажжаязна бхигкуу ааманд̇зси – ‘‘имам̣, бхигкавз, рад̇д̇им̣ ан̃н̃ад̇араа д̣̇звад̇аа абхигганд̇ааяа рад̇д̇ияаа абхигганд̇аван̣н̣аа гзвалагаббам̣ богкаран̣ияам̣ обхаасзд̇ваа язнаахам̣ д̇знубасан̇гами; убасан̇гамид̇ваа мам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇аа ко, бхигкавз, саа д̣̇звад̇аа мам̣ зд̇ад̣̇авожа – ‘д̇аяомз, бханд̇з, д̇хаммаа бхигкуно барихаанааяа сам̣вад̇д̇анд̇и. гад̇амз д̇аяо? гаммаараамад̇аа, бхассаараамад̇аа, нид̣̇д̣̇аараамад̇аа – имз ко, бханд̇з, д̇аяо д̇хаммаа бхигкуно барихаанааяа сам̣вад̇д̇анд̇ий’д̇и. ид̣̇амавожа, бхигкавз, саа д̣̇звад̇аа. ид̣̇ам̣ вад̇ваа мам̣ абхиваад̣̇зд̇ваа бад̣̇агкин̣ам̣ гад̇ваа д̇ад̇т̇званд̇арад̇хааяи. д̇зсам̣ во 1, бхигкавз, алаабхаа д̇зсам̣ д̣̇уллад̣̇д̇хам̣, яз во д̣̇звад̇ааби ж̇аананд̇и гусалзхи д̇хаммзхи барихааяамаанз’’.
Atha kho bhagavā tassā rattiyā accayena bhikkhū āmantesi – ‘‘imaṃ, bhikkhave, rattiṃ aññatarā devatā abhikkantāya rattiyā abhikkantavaṇṇā kevalakappaṃ pokkharaṇiyaṃ obhāsetvā yenāhaṃ tenupasaṅkami; upasaṅkamitvā maṃ abhivādetvā ekamantaṃ aṭṭhāsi. Ekamantaṃ ṭhitā kho, bhikkhave, sā devatā maṃ etadavoca – ‘tayome, bhante, dhammā bhikkhuno parihānāya saṃvattanti. Katame tayo? Kammārāmatā, bhassārāmatā, niddārāmatā – ime kho, bhante, tayo dhammā bhikkhuno parihānāya saṃvattantī’ti. Idamavoca, bhikkhave, sā devatā. Idaṃ vatvā maṃ abhivādetvā padakkhiṇaṃ katvā tatthevantaradhāyi. Tesaṃ vo 2, bhikkhave, alābhā tesaṃ dulladdhaṃ, ye vo devatāpi jānanti kusalehi dhammehi parihāyamāne’’.
‘‘абарзби, бхигкавз, д̇аяо барихаанияз д̇хаммз д̣̇зсзссаами. д̇ам̣ сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘гад̇амз жа, бхигкавз, д̇аяо барихаанияаа д̇хаммаа? сан̇г̇ан̣игаараамад̇аа, д̣̇оважассад̇аа, баабамид̇д̇ад̇аа – имз ко, бхигкавз, д̇аяо барихаанияаа д̇хаммаа’’.
‘‘Aparepi, bhikkhave, tayo parihāniye dhamme desessāmi. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca – ‘‘katame ca, bhikkhave, tayo parihāniyā dhammā? Saṅgaṇikārāmatā, dovacassatā, pāpamittatā – ime kho, bhikkhave, tayo parihāniyā dhammā’’.
‘‘яз хи гзжи, бхигкавз, ад̇ийд̇амад̣̇д̇хаанам̣ барихааяим̣су гусалзхи д̇хаммзхи, саб̣б̣зд̇з имзхзва чахи д̇хаммзхи барихааяим̣су гусалзхи д̇хаммзхи. язби хи гзжи, бхигкавз, анааг̇ад̇амад̣̇д̇хаанам̣ барихааяиссанд̇и гусалзхи д̇хаммзхи, саб̣б̣зд̇з имзхзва чахи д̇хаммзхи барихааяиссанд̇и гусалзхи д̇хаммзхи. язби хи гзжи, бхигкавз, зд̇арахи барихааяанд̇и гусалзхи д̇хаммзхи, саб̣б̣зд̇з имзхзва чахи д̇хаммзхи барихааяанд̇и гусалзхи д̇хаммзхий’’д̇и. батамам̣.
‘‘Ye hi keci, bhikkhave, atītamaddhānaṃ parihāyiṃsu kusalehi dhammehi, sabbete imeheva chahi dhammehi parihāyiṃsu kusalehi dhammehi. Yepi hi keci, bhikkhave, anāgatamaddhānaṃ parihāyissanti kusalehi dhammehi, sabbete imeheva chahi dhammehi parihāyissanti kusalehi dhammehi. Yepi hi keci, bhikkhave, etarahi parihāyanti kusalehi dhammehi, sabbete imeheva chahi dhammehi parihāyanti kusalehi dhammehī’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1-2. саамагасуд̇д̇аад̣̇иван̣н̣анаа • 1-2. Sāmakasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-2. саамагасуд̇д̇аад̣̇иван̣н̣анаа • 1-2. Sāmakasuttādivaṇṇanā
