| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
3. ஸமணப்³ராஹ்மணஸுத்தங்
3. Samaṇabrāhmaṇasuttaṃ
13. ஸாவத்தி²யங் விஹரதி…பே॰… ‘‘யே ஹி கேசி, பி⁴க்க²வே, ஸமணா வா ப்³ராஹ்மணா வா ஜராமரணங் நப்பஜானந்தி, ஜராமரணஸமுத³யங் நப்பஜானந்தி, ஜராமரணனிரோத⁴ங் நப்பஜானந்தி, ஜராமரணனிரோத⁴கா³மினிங் படிபத³ங் நப்பஜானந்தி; ஜாதிங்…பே॰… ப⁴வங்… உபாதா³னங்… தண்ஹங்… வேத³னங்… ப²ஸ்ஸங்… ஸளாயதனங்… நாமரூபங்… விஞ்ஞாணங்… ஸங்கா²ரே நப்பஜானந்தி, ஸங்கா²ரஸமுத³யங் நப்பஜானந்தி, ஸங்கா²ரனிரோத⁴ங் நப்பஜானந்தி, ஸங்கா²ரனிரோத⁴கா³மினிங் படிபத³ங் நப்பஜானந்தி , ந மே தே, பி⁴க்க²வே, ஸமணா வா ப்³ராஹ்மணா வா ஸமணேஸு வா ஸமணஸம்மதா ப்³ராஹ்மணேஸு வா ப்³ராஹ்மணஸம்மதா; ந ச பன தே ஆயஸ்மந்தோ ஸாமஞ்ஞத்த²ங் வா ப்³ரஹ்மஞ்ஞத்த²ங் 1 வா தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரந்தி.
13. Sāvatthiyaṃ viharati…pe… ‘‘ye hi keci, bhikkhave, samaṇā vā brāhmaṇā vā jarāmaraṇaṃ nappajānanti, jarāmaraṇasamudayaṃ nappajānanti, jarāmaraṇanirodhaṃ nappajānanti, jarāmaraṇanirodhagāminiṃ paṭipadaṃ nappajānanti; jātiṃ…pe… bhavaṃ… upādānaṃ… taṇhaṃ… vedanaṃ… phassaṃ… saḷāyatanaṃ… nāmarūpaṃ… viññāṇaṃ… saṅkhāre nappajānanti, saṅkhārasamudayaṃ nappajānanti, saṅkhāranirodhaṃ nappajānanti, saṅkhāranirodhagāminiṃ paṭipadaṃ nappajānanti , na me te, bhikkhave, samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā; na ca pana te āyasmanto sāmaññatthaṃ vā brahmaññatthaṃ 2 vā diṭṭheva dhamme sayaṃ abhiññā sacchikatvā upasampajja viharanti.
‘‘யே ச கோ² கேசி, பி⁴க்க²வே, ஸமணா வா ப்³ராஹ்மணா வா ஜராமரணங் பஜானந்தி, ஜராமரணஸமுத³யங் பஜானந்தி, ஜராமரணனிரோத⁴ங் பஜானந்தி, ஜராமரணனிரோத⁴கா³மினிங் படிபத³ங் பஜானந்தி; ஜாதிங்…பே॰… ப⁴வங்… உபாதா³னங்… தண்ஹங்… வேத³னங்… ப²ஸ்ஸங்… ஸளாயதனங்… நாமரூபங்… விஞ்ஞாணங்… ஸங்கா²ரே பஜானந்தி, ஸங்கா²ரஸமுத³யங் பஜானந்தி, ஸங்கா²ரனிரோத⁴ங் பஜானந்தி, ஸங்கா²ரனிரோத⁴கா³மினிங் படிபத³ங் பஜானந்தி, தே கோ² மே, பி⁴க்க²வே, ஸமணா வா ப்³ராஹ்மணா வா ஸமணேஸு சேவ ஸமணஸம்மதா ப்³ராஹ்மணேஸு ச ப்³ராஹ்மணஸம்மதா; தே ச பனாயஸ்மந்தோ ஸாமஞ்ஞத்த²ஞ்ச ப்³ரஹ்மஞ்ஞத்த²ஞ்ச தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரந்தீ’’தி. ததியங்.
‘‘Ye ca kho keci, bhikkhave, samaṇā vā brāhmaṇā vā jarāmaraṇaṃ pajānanti, jarāmaraṇasamudayaṃ pajānanti, jarāmaraṇanirodhaṃ pajānanti, jarāmaraṇanirodhagāminiṃ paṭipadaṃ pajānanti; jātiṃ…pe… bhavaṃ… upādānaṃ… taṇhaṃ… vedanaṃ… phassaṃ… saḷāyatanaṃ… nāmarūpaṃ… viññāṇaṃ… saṅkhāre pajānanti, saṅkhārasamudayaṃ pajānanti, saṅkhāranirodhaṃ pajānanti, saṅkhāranirodhagāminiṃ paṭipadaṃ pajānanti, te kho me, bhikkhave, samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā; te ca panāyasmanto sāmaññatthañca brahmaññatthañca diṭṭheva dhamme sayaṃ abhiññā sacchikatvā upasampajja viharantī’’ti. Tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. ஸமணப்³ராஹ்மணஸுத்தவண்ணனா • 3. Samaṇabrāhmaṇasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3. ஸமணப்³ராஹ்மணஸுத்தவண்ணனா • 3. Samaṇabrāhmaṇasuttavaṇṇanā
