| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
9. ஸமணப்³ராஹ்மணஸுத்தங்
9. Samaṇabrāhmaṇasuttaṃ
29. ஸாவத்தி²யங் விஹரதி…பே॰… ‘‘தத்ர கோ²…பே॰… யே ஹி கேசி, பி⁴க்க²வே, ஸமணா வா ப்³ராஹ்மணா வா ஜராமரணங் ந பரிஜானந்தி, ஜராமரணஸமுத³யங் ந பரிஜானந்தி, ஜராமரணனிரோத⁴ங் ந பரிஜானந்தி, ஜராமரணனிரோத⁴கா³மினிங் படிபத³ங் ந பரிஜானந்தி, ஜாதிங் ந பரிஜானந்தி…பே॰… ப⁴வங்… உபாதா³னங்… தண்ஹங்… வேத³னங்… ப²ஸ்ஸங்… ஸளாயதனங்… நாமரூபங்… விஞ்ஞாணங்… ஸங்கா²ரே… ஸங்கா²ரஸமுத³யங்… ஸங்கா²ரனிரோத⁴ங்… ஸங்கா²ரனிரோத⁴கா³மினிங் படிபத³ங் ந பரிஜானந்தி. ந மேதே, பி⁴க்க²வே, ஸமணா வா ப்³ராஹ்மணா வா ஸமணேஸு வா ஸமணஸம்மதா ப்³ராஹ்மணேஸு வா ப்³ராஹ்மணஸம்மதா. ந ச பனேதே ஆயஸ்மந்தோ ஸாமஞ்ஞத்த²ங் வா ப்³ரஹ்மஞ்ஞத்த²ங் வா தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரந்தி’’.
29. Sāvatthiyaṃ viharati…pe… ‘‘tatra kho…pe… ye hi keci, bhikkhave, samaṇā vā brāhmaṇā vā jarāmaraṇaṃ na parijānanti, jarāmaraṇasamudayaṃ na parijānanti, jarāmaraṇanirodhaṃ na parijānanti, jarāmaraṇanirodhagāminiṃ paṭipadaṃ na parijānanti, jātiṃ na parijānanti…pe… bhavaṃ… upādānaṃ… taṇhaṃ… vedanaṃ… phassaṃ… saḷāyatanaṃ… nāmarūpaṃ… viññāṇaṃ… saṅkhāre… saṅkhārasamudayaṃ… saṅkhāranirodhaṃ… saṅkhāranirodhagāminiṃ paṭipadaṃ na parijānanti. Na mete, bhikkhave, samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā. Na ca panete āyasmanto sāmaññatthaṃ vā brahmaññatthaṃ vā diṭṭheva dhamme sayaṃ abhiññā sacchikatvā upasampajja viharanti’’.
‘‘யே ச கோ² கேசி, பி⁴க்க²வே, ஸமணா வா ப்³ராஹ்மணா வா ஜராமரணங் பரிஜானந்தி, ஜராமரணஸமுத³யங் பரிஜானந்தி, ஜராமரணனிரோத⁴ங் பரிஜானந்தி, ஜராமரணனிரோத⁴கா³மினிங் படிபத³ங் பரிஜானந்தி, ஜாதிங் பரிஜானந்தி…பே॰… ப⁴வங்… உபாதா³னங்… தண்ஹங்… வேத³னங்… ப²ஸ்ஸங்… ஸளாயதனங்… நாமரூபங்… விஞ்ஞாணங்… ஸங்கா²ரே பரிஜானந்தி , ஸங்கா²ரஸமுத³யங் பரிஜானந்தி, ஸங்கா²ரனிரோத⁴ங் பரிஜானந்தி, ஸங்கா²ரனிரோத⁴கா³மினிங் படிபத³ங் பரிஜானந்தி. தே கோ² மே, பி⁴க்க²வே, ஸமணா வா ப்³ராஹ்மணா வா ஸமணேஸு சேவ ஸமணஸம்மதா ப்³ராஹ்மணேஸு ச ப்³ராஹ்மணஸம்மதா. தே ச பனாயஸ்மந்தோ ஸாமஞ்ஞத்த²ஞ்ச ப்³ரஹ்மஞ்ஞத்த²ஞ்ச தி³ட்டே²வ த⁴ம்மே ஸயங் அபி⁴ஞ்ஞா ஸச்சி²கத்வா உபஸம்பஜ்ஜ விஹரந்தீ’’தி. நவமங்.
‘‘Ye ca kho keci, bhikkhave, samaṇā vā brāhmaṇā vā jarāmaraṇaṃ parijānanti, jarāmaraṇasamudayaṃ parijānanti, jarāmaraṇanirodhaṃ parijānanti, jarāmaraṇanirodhagāminiṃ paṭipadaṃ parijānanti, jātiṃ parijānanti…pe… bhavaṃ… upādānaṃ… taṇhaṃ… vedanaṃ… phassaṃ… saḷāyatanaṃ… nāmarūpaṃ… viññāṇaṃ… saṅkhāre parijānanti , saṅkhārasamudayaṃ parijānanti, saṅkhāranirodhaṃ parijānanti, saṅkhāranirodhagāminiṃ paṭipadaṃ parijānanti. Te kho me, bhikkhave, samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā. Te ca panāyasmanto sāmaññatthañca brahmaññatthañca diṭṭheva dhamme sayaṃ abhiññā sacchikatvā upasampajja viharantī’’ti. Navamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 9. ஸமணப்³ராஹ்மணஸுத்தவண்ணனா • 9. Samaṇabrāhmaṇasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 9. ஸமணப்³ராஹ்மணஸுத்தவண்ணனா • 9. Samaṇabrāhmaṇasuttavaṇṇanā
