| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. саман̣аб̣раахман̣асуд̇д̇ам̣
3. Samaṇabrāhmaṇasuttaṃ
13. саавад̇т̇ияам̣ вихарад̇и…бз… ‘‘яз хи гзжи, бхигкавз, саман̣аа ваа б̣раахман̣аа ваа ж̇араамаран̣ам̣ наббаж̇аананд̇и, ж̇араамаран̣асамуд̣̇аяам̣ наббаж̇аананд̇и, ж̇араамаран̣анирод̇хам̣ наббаж̇аананд̇и, ж̇араамаран̣анирод̇хаг̇ааминим̣ бадибад̣̇ам̣ наббаж̇аананд̇и; ж̇аад̇им̣…бз… бхавам̣… убаад̣̇аанам̣… д̇ан̣хам̣… взд̣̇анам̣… пассам̣… сал̣ааяад̇анам̣… наамаруубам̣… вин̃н̃аан̣ам̣… сан̇каарз наббаж̇аананд̇и, сан̇каарасамуд̣̇аяам̣ наббаж̇аананд̇и, сан̇кааранирод̇хам̣ наббаж̇аананд̇и, сан̇кааранирод̇хаг̇ааминим̣ бадибад̣̇ам̣ наббаж̇аананд̇и , на мз д̇з, бхигкавз, саман̣аа ваа б̣раахман̣аа ваа саман̣зсу ваа саман̣асаммад̇аа б̣раахман̣зсу ваа б̣раахман̣асаммад̇аа; на жа бана д̇з ааяасманд̇о сааман̃н̃ад̇т̇ам̣ ваа б̣рахман̃н̃ад̇т̇ам̣ 1 ваа д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇и.
13. Sāvatthiyaṃ viharati…pe… ‘‘ye hi keci, bhikkhave, samaṇā vā brāhmaṇā vā jarāmaraṇaṃ nappajānanti, jarāmaraṇasamudayaṃ nappajānanti, jarāmaraṇanirodhaṃ nappajānanti, jarāmaraṇanirodhagāminiṃ paṭipadaṃ nappajānanti; jātiṃ…pe… bhavaṃ… upādānaṃ… taṇhaṃ… vedanaṃ… phassaṃ… saḷāyatanaṃ… nāmarūpaṃ… viññāṇaṃ… saṅkhāre nappajānanti, saṅkhārasamudayaṃ nappajānanti, saṅkhāranirodhaṃ nappajānanti, saṅkhāranirodhagāminiṃ paṭipadaṃ nappajānanti , na me te, bhikkhave, samaṇā vā brāhmaṇā vā samaṇesu vā samaṇasammatā brāhmaṇesu vā brāhmaṇasammatā; na ca pana te āyasmanto sāmaññatthaṃ vā brahmaññatthaṃ 2 vā diṭṭheva dhamme sayaṃ abhiññā sacchikatvā upasampajja viharanti.
‘‘яз жа ко гзжи, бхигкавз, саман̣аа ваа б̣раахман̣аа ваа ж̇араамаран̣ам̣ баж̇аананд̇и, ж̇араамаран̣асамуд̣̇аяам̣ баж̇аананд̇и, ж̇араамаран̣анирод̇хам̣ баж̇аананд̇и, ж̇араамаран̣анирод̇хаг̇ааминим̣ бадибад̣̇ам̣ баж̇аананд̇и; ж̇аад̇им̣…бз… бхавам̣… убаад̣̇аанам̣… д̇ан̣хам̣… взд̣̇анам̣… пассам̣… сал̣ааяад̇анам̣… наамаруубам̣… вин̃н̃аан̣ам̣… сан̇каарз баж̇аананд̇и, сан̇каарасамуд̣̇аяам̣ баж̇аананд̇и, сан̇кааранирод̇хам̣ баж̇аананд̇и, сан̇кааранирод̇хаг̇ааминим̣ бадибад̣̇ам̣ баж̇аананд̇и, д̇з ко мз, бхигкавз, саман̣аа ваа б̣раахман̣аа ваа саман̣зсу жзва саман̣асаммад̇аа б̣раахман̣зсу жа б̣раахман̣асаммад̇аа; д̇з жа банааяасманд̇о сааман̃н̃ад̇т̇ан̃жа б̣рахман̃н̃ад̇т̇ан̃жа д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇ий’’д̇и. д̇ад̇ияам̣.
‘‘Ye ca kho keci, bhikkhave, samaṇā vā brāhmaṇā vā jarāmaraṇaṃ pajānanti, jarāmaraṇasamudayaṃ pajānanti, jarāmaraṇanirodhaṃ pajānanti, jarāmaraṇanirodhagāminiṃ paṭipadaṃ pajānanti; jātiṃ…pe… bhavaṃ… upādānaṃ… taṇhaṃ… vedanaṃ… phassaṃ… saḷāyatanaṃ… nāmarūpaṃ… viññāṇaṃ… saṅkhāre pajānanti, saṅkhārasamudayaṃ pajānanti, saṅkhāranirodhaṃ pajānanti, saṅkhāranirodhagāminiṃ paṭipadaṃ pajānanti, te kho me, bhikkhave, samaṇā vā brāhmaṇā vā samaṇesu ceva samaṇasammatā brāhmaṇesu ca brāhmaṇasammatā; te ca panāyasmanto sāmaññatthañca brahmaññatthañca diṭṭheva dhamme sayaṃ abhiññā sacchikatvā upasampajja viharantī’’ti. Tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. саман̣аб̣раахман̣асуд̇д̇аван̣н̣анаа • 3. Samaṇabrāhmaṇasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. саман̣аб̣раахман̣асуд̇д̇аван̣н̣анаа • 3. Samaṇabrāhmaṇasuttavaṇṇanā
