| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
4. саман̣аб̣раахман̣асуд̇д̇аван̣н̣анаа
4. Samaṇabrāhmaṇasuttavaṇṇanā
103. жад̇уд̇т̇з яз хи гзжийд̇и яз гзжи. ид̣̇ам̣ д̣̇угканд̇и яат̇аабхууд̇ам̣ наббаж̇аананд̇ийд̇и ‘‘ид̣̇ам̣ д̣̇угкам̣, зд̇д̇агам̣ д̣̇угкам̣, на ид̇о бхияяо’’д̇и авибарийд̇ам̣ сабхаавасарасалагкан̣ад̇о вибассанаабан̃н̃аасахид̇ааяа маг̇г̇абан̃н̃ааяа д̣̇угкасажжам̣ на ж̇аананд̇и на бадивиж̇жханд̇и. сзсзсуби зсзва наяо. на мз д̇з, бхигкавзд̇иаад̣̇ийсу аяам̣ сан̇кзбад̇т̇о – бхигкавз, жад̇усажжагаммадтаанам̣ анануяуд̇д̇аа баб̣б̣аж̇ж̇аамад̇д̇асаман̣аа жзва ж̇аад̇имад̇д̇аб̣раахман̣аа жа на маяаа д̇з самид̇абаабасаман̣зсу саман̣од̇и, б̣аахид̇абаабаб̣раахман̣зсу б̣раахман̣од̇и жа саммад̇аа анун̃н̃аад̇аа. гасмаа? саман̣агаран̣аанам̣ б̣раахман̣агаран̣аанан̃жа д̇хаммаанам̣ абхаавад̇од̇и. д̇знзвааха ‘‘на жа бана д̇з ааяасманд̇о’’д̇иаад̣̇и. д̇ад̇т̇а сааман̃н̃ад̇т̇анд̇и сааман̃н̃асан̇каад̇ам̣ ад̇т̇ам̣, жад̇д̇аари сааман̃н̃апалаанийд̇и ад̇т̇о. б̣рахман̃н̃ад̇т̇анд̇и д̇ассзва взважанам̣. абарз бана ‘‘сааман̃н̃ад̇т̇анд̇и жад̇д̇ааро арияамаг̇г̇аа, б̣рахман̃н̃ад̇т̇анд̇и жад̇д̇аари арияапалааний’’д̇и вад̣̇анд̇и. сзсам̣ вуд̇д̇анаяамзва. суггабагко вуд̇д̇авибарияааязна взд̣̇ид̇аб̣б̣о. г̇аат̇аасу абуб̣б̣ам̣ над̇т̇и.
103. Catutthe ye hi kecīti ye keci. Idaṃ dukkhanti yathābhūtaṃ nappajānantīti ‘‘idaṃ dukkhaṃ, ettakaṃ dukkhaṃ, na ito bhiyyo’’ti aviparītaṃ sabhāvasarasalakkhaṇato vipassanāpaññāsahitāya maggapaññāya dukkhasaccaṃ na jānanti na paṭivijjhanti. Sesesupi eseva nayo. Na me te, bhikkhavetiādīsu ayaṃ saṅkhepattho – bhikkhave, catusaccakammaṭṭhānaṃ ananuyuttā pabbajjāmattasamaṇā ceva jātimattabrāhmaṇā ca na mayā te samitapāpasamaṇesu samaṇoti, bāhitapāpabrāhmaṇesu brāhmaṇoti ca sammatā anuññātā. Kasmā? Samaṇakaraṇānaṃ brāhmaṇakaraṇānañca dhammānaṃ abhāvatoti. Tenevāha ‘‘na ca pana te āyasmanto’’tiādi. Tattha sāmaññatthanti sāmaññasaṅkhātaṃ atthaṃ, cattāri sāmaññaphalānīti attho. Brahmaññatthanti tasseva vevacanaṃ. Apare pana ‘‘sāmaññatthanti cattāro ariyamaggā, brahmaññatthanti cattāri ariyaphalānī’’ti vadanti. Sesaṃ vuttanayameva. Sukkapakkho vuttavipariyāyena veditabbo. Gāthāsu apubbaṃ natthi.
жад̇уд̇т̇асуд̇д̇аван̣н̣анаа нидтид̇аа.
Catutthasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 4. саман̣аб̣раахман̣асуд̇д̇ам̣ • 4. Samaṇabrāhmaṇasuttaṃ
