| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. саман̣аб̣раахман̣асуд̇д̇аван̣н̣анаа
3. Samaṇabrāhmaṇasuttavaṇṇanā
13. яз бажжаяасамавааяз д̇знад̇д̇абхаавзна сажжаани бадивиж̇жхид̇ум̣ самад̇т̇аа, д̇з б̣аахирагалин̇г̇з тид̇ааби д̇знзва д̇ад̇т̇а самад̇т̇ад̇ааяог̇зна бхаавинам̣ самид̇аб̣аахид̇абаабад̇ам̣ абзгкид̇ваа саман̣асаммад̇ааязва б̣раахман̣асаммад̇ааязваад̇и д̇з нивад̇д̇зд̇ум̣ ‘‘сажжаани бадивиж̇жхид̇ум̣ асамад̇т̇аа’’д̇и вуд̇д̇ам̣. д̣̇угкасажжавасзнаад̇и д̣̇угкаарияасажжавасзна. ан̃н̃ат̇аа гат̇ам̣ б̣аахирагааби ж̇араамаран̣ам̣ д̣̇угканд̇и на ж̇аананд̇и. сажжад̣̇зсанаабхаавад̇о ‘‘саха д̇ан̣хааяаа’’д̇и вуд̇д̇анд̇и гзжи. д̇ам̣ на судту. яасмаа д̇ад̇т̇а д̇ад̇т̇а бхавз батамаабхиниб̣б̣ад̇д̇и, ид̇ха ж̇аад̇ийд̇и ад̇хиббзд̇аа, саа жа д̇ан̣хаа зва санд̇аанзна, д̇ан̣хзва саа ж̇аад̇и. ж̇араамаран̣ан̃жзд̇т̇а баагадамзва ад̇хиббзд̇ам̣, на кан̣игам̣, д̇асмаа сад̇ан̣хаа зва ж̇аад̇иж̇араамаран̣асса самуд̣̇аяод̇и бхууд̇агат̇анамзд̇ам̣ д̣̇адтаб̣б̣ам̣. самуд̣̇аяасажжавасзна на ж̇аананд̇ийд̇и яож̇анаа. зса наяо сзсабад̣̇зсуби. саб̣б̣абад̣̇зсууд̇и яад̇т̇а д̇ан̣хаа висзсанабхаавзна вад̇д̇аб̣б̣аа, д̇зсу саб̣б̣абад̣̇зсу. язна саманнааг̇ад̇ад̇д̇аа буг̇г̇ало барамад̇т̇ад̇о саман̣о б̣раахман̣од̇и вужжад̇и, д̇ам̣ сааман̃н̃ам̣ б̣рахман̃н̃ан̃жаад̇и ааха ‘‘арияа…бз… б̣рахман̃н̃ан̃жаа’’д̇и. язна хи бавад̇д̇инимид̇д̇зна саман̣а-сад̣̇д̣̇о б̣раахман̣а-сад̣̇д̣̇о жа сагз ад̇т̇з нирул̣хо, д̇асса васзна абхинноби взнзяяаж̇жхаасаяад̇о д̣̇вид̇хаа гад̇ваа вад̇д̇ум̣ арахад̇ийд̇и вуд̇д̇ам̣ ‘‘убхаяад̇т̇аабий’’д̇и. згаад̣̇асасу таанзсу жад̇д̇аари сажжаани гат̇зси авиж̇ж̇аасамуд̣̇аяасса ануд̣̇д̇хадад̇д̇аа.
13. Ye paccayasamavāye tenattabhāvena saccāni paṭivijjhituṃ samatthā, te bāhirakaliṅge ṭhitāpi teneva tattha samatthatāyogena bhāvinaṃ samitabāhitapāpataṃ apekkhitvā samaṇasammatāyeva brāhmaṇasammatāyevāti te nivattetuṃ ‘‘saccāni paṭivijjhituṃ asamatthā’’ti vuttaṃ. Dukkhasaccavasenāti dukkhaariyasaccavasena. Aññathā kathaṃ bāhirakāpi jarāmaraṇaṃ dukkhanti na jānanti. Saccadesanābhāvato ‘‘saha taṇhāyā’’ti vuttanti keci. Taṃ na suṭṭhu. Yasmā tattha tattha bhave paṭhamābhinibbatti, idha jātīti adhippetā, sā ca taṇhā eva santānena, taṇheva sā jāti. Jarāmaraṇañcettha pākaṭameva adhippetaṃ, na khaṇikaṃ, tasmā sataṇhā eva jātijarāmaraṇassa samudayoti bhūtakathanametaṃ daṭṭhabbaṃ. Samudayasaccavasena na jānantīti yojanā. Esa nayo sesapadesupi. Sabbapadesūti yattha taṇhā visesanabhāvena vattabbā, tesu sabbapadesu. Yena samannāgatattā puggalo paramatthato samaṇo brāhmaṇoti vuccati, taṃ sāmaññaṃ brahmaññañcāti āha ‘‘ariya…pe… brahmaññañcā’’ti. Yena hi pavattinimittena samaṇa-saddo brāhmaṇa-saddo ca sake atthe niruḷho, tassa vasena abhinnopi veneyyajjhāsayato dvidhā katvā vattuṃ arahatīti vuttaṃ ‘‘ubhayatthāpī’’ti. Ekādasasu ṭhānesu cattāri saccāni kathesi avijjāsamudayassa anuddhaṭattā.
саман̣аб̣раахман̣асуд̇д̇аван̣н̣анаа нидтид̇аа.
Samaṇabrāhmaṇasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. саман̣аб̣раахман̣асуд̇д̇ам̣ • 3. Samaṇabrāhmaṇasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. саман̣аб̣раахман̣асуд̇д̇аван̣н̣анаа • 3. Samaṇabrāhmaṇasuttavaṇṇanā
