| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೩. ಸಮಣಬ್ರಾಹ್ಮಣಸುತ್ತವಣ್ಣನಾ
3. Samaṇabrāhmaṇasuttavaṇṇanā
೧೩. ತತಿಯೇ ಸಮಣಾ ವಾ ಬ್ರಾಹ್ಮಣಾ ವಾತಿ ಸಚ್ಚಾನಿ ಪಟಿವಿಜ್ಝಿತುಂ ಅಸಮತ್ಥಾ ಬಾಹಿರಕಸಮಣಬ್ರಾಹ್ಮಣಾ। ಜರಾಮರಣಂ ನಪ್ಪಜಾನನ್ತೀತಿಆದೀಸು ಜರಾಮರಣಂ ನ ಜಾನನ್ತಿ ದುಕ್ಖಸಚ್ಚವಸೇನ , ಜರಾಮರಣಸಮುದಯಂ ನ ಜಾನನ್ತಿ ಸಹ ತಣ್ಹಾಯ ಜಾತಿ ಜರಾಮರಣಸ್ಸ ಸಮುದಯೋತಿ ಸಮುದಯಸಚ್ಚವಸೇನ, ಜರಾಮರಣನಿರೋಧಂ ನ ಜಾನನ್ತಿ ನಿರೋಧಸಚ್ಚವಸೇನ, ಪಟಿಪದಂ ನ ಜಾನನ್ತಿ ಮಗ್ಗಸಚ್ಚವಸೇನ। ಜಾತಿಂ ನ ಜಾನನ್ತಿ ದುಕ್ಖಸಚ್ಚವಸೇನ, ಜಾತಿಸಮುದಯಂ ನ ಜಾನನ್ತಿ ಸಹ ತಣ್ಹಾಯ ಭವೋ ಜಾತಿಸಮುದಯೋತಿ ಸಮುದಯಸಚ್ಚವಸೇನ। ಏವಂ ಸಹ ತಣ್ಹಾಯ ಸಮುದಯಂ ಯೋಜೇತ್ವಾ ಸಬ್ಬಪದೇಸು ಚತುಸಚ್ಚವಸೇನ ಅತ್ಥೋ ವೇದಿತಬ್ಬೋ। ಸಾಮಞ್ಞತ್ಥಂ ವಾ ಬ್ರಹ್ಮಞ್ಞತ್ಥಂ ವಾತಿ ಏತ್ಥ ಅರಿಯಮಗ್ಗೋ ಸಾಮಞ್ಞಞ್ಚೇವ ಬ್ರಹ್ಮಞ್ಞಞ್ಚ। ಉಭಯತ್ಥಾಪಿ ಪನ ಅತ್ಥೋ ನಾಮ ಅರಿಯಫಲಂ ವೇದಿತಬ್ಬಂ। ಇತಿ ಭಗವಾ ಇಮಸ್ಮಿಂ ಸುತ್ತೇ ಏಕಾದಸಸು ಠಾನೇಸು ಚತ್ತಾರಿ ಸಚ್ಚಾನಿ ಕಥೇಸೀತಿ। ತತಿಯಂ।
13. Tatiye samaṇā vā brāhmaṇā vāti saccāni paṭivijjhituṃ asamatthā bāhirakasamaṇabrāhmaṇā. Jarāmaraṇaṃ nappajānantītiādīsu jarāmaraṇaṃ na jānanti dukkhasaccavasena , jarāmaraṇasamudayaṃ na jānanti saha taṇhāya jāti jarāmaraṇassa samudayoti samudayasaccavasena, jarāmaraṇanirodhaṃ na jānanti nirodhasaccavasena, paṭipadaṃ na jānanti maggasaccavasena. Jātiṃ na jānanti dukkhasaccavasena, jātisamudayaṃ na jānanti saha taṇhāya bhavo jātisamudayoti samudayasaccavasena. Evaṃ saha taṇhāya samudayaṃ yojetvā sabbapadesu catusaccavasena attho veditabbo. Sāmaññatthaṃ vā brahmaññatthaṃ vāti ettha ariyamaggo sāmaññañceva brahmaññañca. Ubhayatthāpi pana attho nāma ariyaphalaṃ veditabbaṃ. Iti bhagavā imasmiṃ sutte ekādasasu ṭhānesu cattāri saccāni kathesīti. Tatiyaṃ.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೩. ಸಮಣಬ್ರಾಹ್ಮಣಸುತ್ತಂ • 3. Samaṇabrāhmaṇasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೩. ಸಮಣಬ್ರಾಹ್ಮಣಸುತ್ತವಣ್ಣನಾ • 3. Samaṇabrāhmaṇasuttavaṇṇanā
