| Library / Tipiṭaka / ਤਿਪਿਟਕ • Tipiṭaka / ਇਤਿવੁਤ੍ਤਕ-ਅਟ੍ਠਕਥਾ • Itivuttaka-aṭṭhakathā |
੪. ਸਮਣਬ੍ਰਾਹ੍ਮਣਸੁਤ੍ਤવਣ੍ਣਨਾ
4. Samaṇabrāhmaṇasuttavaṇṇanā
੧੦੩. ਚਤੁਤ੍ਥੇ ਯੇ ਹਿ ਕੇਚੀਤਿ ਯੇ ਕੇਚਿ। ਇਦਂ ਦੁਕ੍ਖਨ੍ਤਿ ਯਥਾਭੂਤਂ ਨਪ੍ਪਜਾਨਨ੍ਤੀਤਿ ‘‘ਇਦਂ ਦੁਕ੍ਖਂ, ਏਤ੍ਤਕਂ ਦੁਕ੍ਖਂ, ਨ ਇਤੋ ਭਿਯ੍ਯੋ’’ਤਿ ਅવਿਪਰੀਤਂ ਸਭਾવਸਰਸਲਕ੍ਖਣਤੋ વਿਪਸ੍ਸਨਾਪਞ੍ਞਾਸਹਿਤਾਯ ਮਗ੍ਗਪਞ੍ਞਾਯ ਦੁਕ੍ਖਸਚ੍ਚਂ ਨ ਜਾਨਨ੍ਤਿ ਨ ਪਟਿવਿਜ੍ਝਨ੍ਤਿ। ਸੇਸੇਸੁਪਿ ਏਸੇવ ਨਯੋ। ਨ ਮੇ ਤੇ, ਭਿਕ੍ਖવੇਤਿਆਦੀਸੁ ਅਯਂ ਸਙ੍ਖੇਪਤ੍ਥੋ – ਭਿਕ੍ਖવੇ, ਚਤੁਸਚ੍ਚਕਮ੍ਮਟ੍ਠਾਨਂ ਅਨਨੁਯੁਤ੍ਤਾ ਪਬ੍ਬਜ੍ਜਾਮਤ੍ਤਸਮਣਾ ਚੇવ ਜਾਤਿਮਤ੍ਤਬ੍ਰਾਹ੍ਮਣਾ ਚ ਨ ਮਯਾ ਤੇ ਸਮਿਤਪਾਪਸਮਣੇਸੁ ਸਮਣੋਤਿ, ਬਾਹਿਤਪਾਪਬ੍ਰਾਹ੍ਮਣੇਸੁ ਬ੍ਰਾਹ੍ਮਣੋਤਿ ਚ ਸਮ੍ਮਤਾ ਅਨੁਞ੍ਞਾਤਾ। ਕਸ੍ਮਾ? ਸਮਣਕਰਣਾਨਂ ਬ੍ਰਾਹ੍ਮਣਕਰਣਾਨਞ੍ਚ ਧਮ੍ਮਾਨਂ ਅਭਾવਤੋਤਿ। ਤੇਨੇવਾਹ ‘‘ਨ ਚ ਪਨ ਤੇ ਆਯਸ੍ਮਨ੍ਤੋ’’ਤਿਆਦਿ। ਤਤ੍ਥ ਸਾਮਞ੍ਞਤ੍ਥਨ੍ਤਿ ਸਾਮਞ੍ਞਸਙ੍ਖਾਤਂ ਅਤ੍ਥਂ, ਚਤ੍ਤਾਰਿ ਸਾਮਞ੍ਞਫਲਾਨੀਤਿ ਅਤ੍ਥੋ। ਬ੍ਰਹ੍ਮਞ੍ਞਤ੍ਥਨ੍ਤਿ ਤਸ੍ਸੇવ વੇવਚਨਂ। ਅਪਰੇ ਪਨ ‘‘ਸਾਮਞ੍ਞਤ੍ਥਨ੍ਤਿ ਚਤ੍ਤਾਰੋ ਅਰਿਯਮਗ੍ਗਾ, ਬ੍ਰਹ੍ਮਞ੍ਞਤ੍ਥਨ੍ਤਿ ਚਤ੍ਤਾਰਿ ਅਰਿਯਫਲਾਨੀ’’ਤਿ વਦਨ੍ਤਿ। ਸੇਸਂ વੁਤ੍ਤਨਯਮੇવ। ਸੁਕ੍ਕਪਕ੍ਖੋ વੁਤ੍ਤવਿਪਰਿਯਾਯੇਨ વੇਦਿਤਬ੍ਬੋ। ਗਾਥਾਸੁ ਅਪੁਬ੍ਬਂ ਨਤ੍ਥਿ।
103. Catutthe ye hi kecīti ye keci. Idaṃ dukkhanti yathābhūtaṃ nappajānantīti ‘‘idaṃ dukkhaṃ, ettakaṃ dukkhaṃ, na ito bhiyyo’’ti aviparītaṃ sabhāvasarasalakkhaṇato vipassanāpaññāsahitāya maggapaññāya dukkhasaccaṃ na jānanti na paṭivijjhanti. Sesesupi eseva nayo. Na me te, bhikkhavetiādīsu ayaṃ saṅkhepattho – bhikkhave, catusaccakammaṭṭhānaṃ ananuyuttā pabbajjāmattasamaṇā ceva jātimattabrāhmaṇā ca na mayā te samitapāpasamaṇesu samaṇoti, bāhitapāpabrāhmaṇesu brāhmaṇoti ca sammatā anuññātā. Kasmā? Samaṇakaraṇānaṃ brāhmaṇakaraṇānañca dhammānaṃ abhāvatoti. Tenevāha ‘‘na ca pana te āyasmanto’’tiādi. Tattha sāmaññatthanti sāmaññasaṅkhātaṃ atthaṃ, cattāri sāmaññaphalānīti attho. Brahmaññatthanti tasseva vevacanaṃ. Apare pana ‘‘sāmaññatthanti cattāro ariyamaggā, brahmaññatthanti cattāri ariyaphalānī’’ti vadanti. Sesaṃ vuttanayameva. Sukkapakkho vuttavipariyāyena veditabbo. Gāthāsu apubbaṃ natthi.
ਚਤੁਤ੍ਥਸੁਤ੍ਤવਣ੍ਣਨਾ ਨਿਟ੍ਠਿਤਾ।
Catutthasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਇਤਿવੁਤ੍ਤਕਪਾਲ਼ਿ • Itivuttakapāḷi / ੪. ਸਮਣਬ੍ਰਾਹ੍ਮਣਸੁਤ੍ਤਂ • 4. Samaṇabrāhmaṇasuttaṃ
