| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
8. саман̣амун̣д̣игаабуд̇д̇асуд̇д̇аван̣н̣анаа
8. Samaṇamuṇḍikāputtasuttavaṇṇanā
260. уг̇г̇ахид̇унд̇и сигкид̇ум̣. уг̇г̇аахзд̇унд̇и сигкаабзд̇ум̣, баатад̇о ад̇д̇анаа яат̇аауг̇г̇ахид̇амад̇т̇ам̣ д̇аб̣б̣ибхааванад̇т̇ааяа ужжааран̣авасзна барзсам̣ г̇аахзд̇унд̇и ад̇т̇о. самаяанд̇и д̣̇идтим̣. саа хи сам̣яож̇анабхаавад̇о самзд̇и самб̣анд̇хаа зд̇и бавад̇д̇ад̇и, д̣̇ал̣хаг̇г̇ахан̣абхаавад̇о ваа сам̣яуд̇д̇аа аяанд̇и бавад̇д̇анд̇и сад̇д̇аа яат̇аабхинивзсам̣ зд̇знаад̇и самаяод̇и вужжад̇и. д̣̇идтисам̣яож̇анзна хи сад̇д̇аа ад̇ивияа б̣аж̇жханд̇ийд̇и. суурияасса уг̇г̇аманад̇о ад̇т̇ан̇г̇амаа аяам̣ зд̇д̇аго гаало рад̇д̇анд̇хагааравид̇хаманад̇о д̣̇иваа наама, д̇асса бана маж̇жхимабахаарасан̃н̃ид̇о гаало самуж̇ж̇алид̇абабхаад̇зж̇ад̣̇аханабхаавзна д̣̇иваа наама. д̇знааха ‘‘д̣̇ивасассаби д̣̇иваабхууд̇з’’д̇и. бадисам̣харид̇ваад̇и нивад̇д̇зд̇ваа. звам̣ жид̇д̇асса бадисам̣харан̣ам̣ наама г̇ожарагкзд̇д̇з табананд̇и ааха ‘‘жхаанарад̇исзванавасзна згийбхаавам̣ г̇ад̇о’’д̇и. зд̇зна гааяавивзгабуб̣б̣агам̣ жид̇д̇авивзгамааха. сийлаад̣̇иг̇ун̣ависзсаяог̇ад̇о манасаа самбхааванийяаа, д̇з бана яасмаа ад̇д̇ано сийлаад̣̇иг̇ун̣зхи вин̃н̃уунам̣ манаабаа хонд̇и (гилзсааниг̇г̇ахасса бан̃жабасаад̣̇ааяад̇д̇ад̇д̇аа,) д̇асмаа ааха ‘‘манавад̣дханагаана’’нд̇иаад̣̇и. д̇ад̇т̇а уннамад̇ийд̇и уд̣̇аг̇г̇ам̣ ход̇и. вад̣дхад̇ийд̇и сад̣̇д̇хаавасзна вад̣дхад̇и. д̇знааха бхаг̇аваа – ‘‘ануссаран̣амбахам̣, бхигкавз, д̇зсам̣ бхигкуунам̣ б̣ахуубагаарам̣ вад̣̇аамий’’д̇и (ид̇иву. 104; сам̣. ни. 5.184).
260.Uggahitunti sikkhituṃ. Uggāhetunti sikkhāpetuṃ, pāṭhato attanā yathāuggahitamatthaṃ tabbibhāvanatthāya uccāraṇavasena paresaṃ gāhetunti attho. Samayanti diṭṭhiṃ. Sā hi saṃyojanabhāvato sameti sambandhā eti pavattati, daḷhaggahaṇabhāvato vā saṃyuttā ayanti pavattanti sattā yathābhinivesaṃ etenāti samayoti vuccati. Diṭṭhisaṃyojanena hi sattā ativiya bajjhantīti. Sūriyassa uggamanato atthaṅgamā ayaṃ ettako kālo rattandhakāravidhamanato divā nāma, tassa pana majjhimapahārasaññito kālo samujjalitapabhātejadahanabhāvena divā nāma. Tenāha ‘‘divasassapi divābhūte’’ti. Paṭisaṃharitvāti nivattetvā. Evaṃ cittassa paṭisaṃharaṇaṃ nāma gocarakkhette ṭhapananti āha ‘‘jhānaratisevanavasena ekībhāvaṃ gato’’ti. Etena kāyavivekapubbakaṃ cittavivekamāha. Sīlādiguṇavisesayogato manasā sambhāvanīyā, te pana yasmā attano sīlādiguṇehi viññūnaṃ manāpā honti (kilesaaniggahassa pañcapasādāyattattā,) tasmā āha ‘‘manavaḍḍhanakāna’’ntiādi. Tattha unnamatīti udaggaṃ hoti. Vaḍḍhatīti saddhāvasena vaḍḍhati. Tenāha bhagavā – ‘‘anussaraṇampahaṃ, bhikkhave, tesaṃ bhikkhūnaṃ bahūpakāraṃ vadāmī’’ti (itivu. 104; saṃ. ni. 5.184).
261. бан̃н̃абзмийд̇и баж̇аананабхаавзна н̃аабзми д̇ат̇аа вавад̇т̇абзми. д̇знааха ‘‘д̣̇ассзми табзмий’’д̇и. барибун̣н̣агусаланд̇и саб̣б̣асо бун̣н̣агусалад̇хаммам̣, уд̇д̇амагусаланд̇и уд̇д̇амабхаавам̣ сздтабхаавам̣ бад̇д̇агусалад̇хаммам̣. аяож̇жханд̇и ваад̣̇аяуд̣̇д̇хзна аяод̇ханийяам̣, ваад̣̇аяуд̣̇д̇хам̣ ход̇у, д̇зна барааж̇аяо на ход̇ийд̇и д̣̇ассзд̇и, д̇знааха ‘‘ваад̣̇аяуд̣̇д̇хзнаа’’д̇иаад̣̇и. сам̣вараббахаананд̇и бан̃жасу сам̣варзсу язна гзнажи сам̣варзна сам̣варалагкан̣ам̣ бахаанам̣. бадисзванаббахаанам̣ ваад̇и ваа-сад̣̇д̣̇зна бариваж̇ж̇анаббахаанаад̣̇им̣ сан̇г̇ан̣хаад̇и. сзсабад̣̇зсууд̇и ‘‘на бхаасад̇ий’’д̇иаад̣̇ийсу бад̣̇зсу. зсзва наяод̇и иминаа ‘‘абхаасанамад̇д̇амзва вад̣̇ад̇ий’’д̇и звамаад̣̇им̣ ад̇ид̣̇исад̇и.
261.Paññapemīti pajānanabhāvena ñāpemi tathā vavatthapemi. Tenāha ‘‘dassemi ṭhapemī’’ti. Paripuṇṇakusalanti sabbaso puṇṇakusaladhammaṃ, uttamakusalanti uttamabhāvaṃ seṭṭhabhāvaṃ pattakusaladhammaṃ. Ayojjhanti vādayuddhena ayodhanīyaṃ, vādayuddhaṃ hotu, tena parājayo na hotīti dasseti, tenāha ‘‘vādayuddhenā’’tiādi. Saṃvarappahānanti pañcasu saṃvaresu yena kenaci saṃvarena saṃvaralakkhaṇaṃ pahānaṃ. Paṭisevanappahānaṃ vāti vā-saddena parivajjanappahānādiṃ saṅgaṇhāti. Sesapadesūti ‘‘na bhāsatī’’tiādīsu padesu. Eseva nayoti iminā ‘‘abhāsanamattameva vadatī’’ti evamādiṃ atidisati.
наабхинанд̣̇ийд̇и на самбадижчи. саасанз д̇ин̣н̣ам̣ д̣̇ужжарид̇аанам̣ мижчааж̇ийвасса виваж̇ж̇анам̣ ван̣н̣ийяад̇и, аяан̃жа звам̣ гат̇зд̇и, д̇асмаа саасанасса ануломам̣ вияа вад̣̇ад̇и, вад̣̇анд̇о жа саммаасамб̣уд̣̇д̇хз д̇хаммз жасса аббасаад̣̇ам̣ на д̣̇ассзд̇и, д̇асмаа басаннагаарамби вад̣̇ад̇ийд̇и ман̃н̃амаано д̇асса ваад̣̇ам̣ на бадисзд̇хзд̇и.
Nābhinandīti na sampaṭicchi. Sāsane tiṇṇaṃ duccaritānaṃ micchājīvassa vivajjanaṃ vaṇṇīyati, ayañca evaṃ katheti, tasmā sāsanassa anulomaṃ viya vadati, vadanto ca sammāsambuddhe dhamme cassa appasādaṃ na dasseti, tasmā pasannakārampi vadatīti maññamāno tassa vādaṃ na paṭisedheti.
262. яат̇аа д̇асса важанам̣, звам̣ санд̇зд̇и яат̇аа д̇асса бариб̣б̣ааж̇агасса важанам̣, звам̣ саман̣абхаавз санд̇з лаб̣бхамаанз. маяам̣ бана звам̣ на вад̣̇аамаад̇и зд̇зна саман̣абхааво наама звам̣ на ход̇ийд̇и д̣̇ассзд̇и. яо хи д̇хаммо яаад̣̇исо, д̇ат̇зва д̇ам̣ б̣уд̣̇д̇хаа д̣̇ийбзнд̇и. висзсан̃аан̣ам̣ на ход̇ийд̇и гааяависзсависаяан̃аан̣ам̣ д̇асса д̇ад̣̇аа над̇т̇и, яад̇о барагааяз убаггамам̣ гарзяяаад̇и д̣̇ассзд̇и, д̇асса бана д̇ад̇т̇а висзсан̃аан̣амби над̇т̇зваад̇и. яасмаа гааяабадиб̣ад̣̇д̇хам̣ гааяагаммам̣, д̇асмаа д̇ам̣ нивад̇д̇знд̇о ааха ‘‘ан̃н̃ад̇ра панд̣̇ид̇амад̇д̇аа’’д̇и. гилзсасахаг̇ад̇ажид̇д̇знзваад̇и д̣̇угкасампассасса асахананимид̇д̇зна д̣̇оманассасахаг̇ад̇ажид̇д̇знзва. д̣̇уд̇ияаваарзби зсзва наяо. ж̇игхажчаабибаасад̣̇угкасса асахананимид̇д̇зна д̣̇оманассзнзва. вигууж̇ид̇амад̇д̇аад̇и зд̇т̇а вируубам̣ гууж̇ид̇ам̣ вигууж̇ид̇ам̣ буб̣б̣зниваасасанниссаяам̣ убаяам̣, д̇ам̣ банзд̇т̇а род̣̇анахасанасамудтаабагажид̇д̇асахаг̇ад̇анд̇и д̣̇осасахаг̇ад̇ам̣ лобхасахаг̇ад̇ан̃жаад̇и д̣̇адтаб̣б̣ам̣. жид̇д̇анд̇и гусалажид̇д̇ам̣. агусалажид̇д̇ам̣ бана ад̇ийд̇аарамман̣ам̣ бавад̇д̇ад̇ийд̇и вад̇д̇аб̣б̣амзва над̇т̇и. сарид̇ваад̇и яаава на сад̇исан̣таабанаа д̇хаммаа уббаж̇ж̇анд̇и, д̇аава субинанд̇з анубхууд̇ам̣ вияа д̣̇угкам̣ сарид̇ваа род̣̇анд̇и. хасанд̇ийд̇и зд̇т̇ааби зсзва наяо. аяан̃жа наяо яз лад̣̇д̇хасукаарамман̣аа худ̇ваа г̇ахид̇абадисанд̇хигаа маад̇угужчид̇оби сукзнзва нигкаманд̇и, д̇зсам̣ васзна вуд̇д̇од̇и д̣̇адтаб̣б̣о. бааяанд̇ияаад̇и ад̇д̇ано ж̇анабад̣̇ад̣̇зсаруубзна бааяанд̇ияаа. аяамбийд̇и ааж̇ийвоби маад̇у ан̃н̃авихид̇агаалз жа логассаад̣̇авасзна гилзсасахаг̇ад̇ажид̇д̇знзва ход̇и.
262.Yathātassa vacanaṃ, evaṃ santeti yathā tassa paribbājakassa vacanaṃ, evaṃ samaṇabhāve sante labbhamāne. Mayaṃ pana evaṃ na vadāmāti etena samaṇabhāvo nāma evaṃ na hotīti dasseti. Yo hi dhammo yādiso, tatheva taṃ buddhā dīpenti. Visesañāṇaṃ na hotīti kāyavisesavisayañāṇaṃ tassa tadā natthi, yato parakāye upakkamaṃ kareyyāti dasseti, tassa pana tattha visesañāṇampi natthevāti. Yasmā kāyapaṭibaddhaṃ kāyakammaṃ, tasmā taṃ nivattento āha ‘‘aññatra phanditamattā’’ti. Kilesasahagatacittenevāti dukkhasamphassassa asahananimittena domanassasahagatacitteneva. Dutiyavārepi eseva nayo. Jighacchāpipāsadukkhassa asahananimittena domanasseneva. Vikūjitamattāti ettha virūpaṃ kūjitaṃ vikūjitaṃ pubbenivāsasannissayaṃ upayaṃ, taṃ panettha rodanahasanasamuṭṭhāpakacittasahagatanti dosasahagataṃ lobhasahagatañcāti daṭṭhabbaṃ. Cittanti kusalacittaṃ. Akusalacittaṃ pana atītārammaṇaṃ pavattatīti vattabbameva natthi. Saritvāti yāva na satisaṇṭhāpanā dhammā uppajjanti, tāva supinante anubhūtaṃ viya dukkhaṃ saritvā rodanti. Hasantīti etthāpi eseva nayo. Ayañca nayo ye laddhasukhārammaṇā hutvā gahitapaṭisandhikā mātukucchitopi sukheneva nikkhamanti, tesaṃ vasena vuttoti daṭṭhabbo. Pāyantiyāti attano janapadadesarūpena pāyantiyā. Ayampīti ājīvopi mātu aññavihitakāle ca lokassādavasena kilesasahagatacitteneva hoti.
263. самад̇хиг̇аяхаад̇и саммаа ад̇хиг̇ад̇абхаавзна г̇ахзд̇ваа абхибхавид̇ваа висзсзд̇ваа висидто худ̇ваа. кийн̣аасавам̣ санд̇хааяаад̇и б̣яад̇ирзгавасзна кийн̣аасавам̣ санд̇хааяа. аяан̃хзд̇т̇а ад̇т̇о – кийн̣аасавамби сод̇аабаннагусалам̣ бан̃н̃абзд̇и сзгкабхуумияам̣ тид̇ад̇д̇аа. сзсабад̣̇зсуби зсзва наяо.
263.Samadhigayhāti sammā adhigatabhāvena gahetvā abhibhavitvā visesetvā visiṭṭho hutvā. Khīṇāsavaṃ sandhāyāti byatirekavasena khīṇāsavaṃ sandhāya. Ayañhettha attho – khīṇāsavampi sotāpannakusalaṃ paññapeti sekkhabhūmiyaṃ ṭhitattā. Sesapadesupi eseva nayo.
д̇ийн̣и бад̣̇аани ниссааяаад̇и на гааязна баабагам̣ гаммам̣ гарод̇и, на баабагам̣ ваажам̣ бхаасад̇и, на баабагам̣ ааж̇ийвам̣ ааж̇ийвад̇ийд̇и имаани д̇ийн̣и бад̣̇аани ниссааяа гусаласийламуулагаа жа агусаласийламуулагаа жаад̇и д̣̇вз батамажад̇уггаа табид̇аа. згам̣ бад̣̇ам̣ ниссааяаад̇и на баабагам̣ сан̇габбам̣ сан̇габбзд̇ийд̇и имам̣ згабад̣̇ам̣ ниссааяа гусаласан̇габбамуулагаа агусаласан̇габбамуулагаа жаад̇и имз д̣̇вз бажчимажад̇уггаа табид̇аа.
Tīṇi padāni nissāyāti na kāyena pāpakaṃ kammaṃ karoti, na pāpakaṃ vācaṃ bhāsati, na pāpakaṃ ājīvaṃ ājīvatīti imāni tīṇi padāni nissāya kusalasīlamūlakā ca akusalasīlamūlakā cāti dve paṭhamacatukkā ṭhapitā. Ekaṃ padaṃ nissāyāti na pāpakaṃ saṅkappaṃ saṅkappetīti imaṃ ekapadaṃ nissāya kusalasaṅkappamūlakā akusalasaṅkappamūlakā cāti ime dve pacchimacatukkā ṭhapitā.
264. вижигижчуд̣̇д̇хажжасахаг̇ад̇ажид̇д̇ад̣̇ваяамби ваддад̇и б̣алавад̇аа мохзна саманнааг̇ад̇ад̇д̇аа. д̇ат̇аа хи д̇аани ‘‘момуухажид̇д̇ааний’’д̇и вужжанд̇и.
264.Vicikicchuddhaccasahagatacittadvayampi vaṭṭati balavatā mohena samannāgatattā. Tathā hi tāni ‘‘momūhacittānī’’ti vuccanti.
гухинд̇и гим̣нимид̇д̇ам̣. гад̇арам̣таанам̣ баабун̣ид̇ваад̇и гим̣ гааран̣ам̣ ааг̇амма. зд̇т̇зд̇зд̇и зд̇т̇аад̇и гааяаважийманосужарид̇абхааванаасааж̇ийванибпад̇д̇ияам̣ . саа бана хздтимагодияаа сод̇аабад̇д̇ипалзна д̣̇ийбзд̇аб̣б̣аад̇и ааха ‘‘сод̇аабад̇д̇ипалз бхумма’’нд̇и. яасмаа ааж̇ийвадтамагам̣ авасидтан̃жа сийлам̣ баад̇имогкасам̣варасийласса жа баарисуд̣̇д̇хибаад̇имогкаад̇хиг̇амзна сод̇аабад̇д̇ипалаббад̇д̇ияаа сид̣̇д̇хо ход̇ийд̇и ааха – ‘‘баад̇имогка…бз… нируж̇жхад̇ий’’д̇и. ‘‘сукасийло д̣̇угкасийло’’д̇иаад̣̇ийсу вияа багад̇иад̇т̇асийласад̣̇д̣̇ам̣ г̇ахзд̇ваа вуд̇д̇ам̣ ‘‘агусаласийла’’нд̇иаад̣̇и.
Kuhinti kiṃnimittaṃ. Kataraṃṭhānaṃ pāpuṇitvāti kiṃ kāraṇaṃ āgamma. Ettheteti etthāti kāyavacīmanosucaritabhāvanāsājīvanipphattiyaṃ . Sā pana heṭṭhimakoṭiyā sotāpattiphalena dīpetabbāti āha ‘‘sotāpattiphale bhumma’’nti. Yasmā ājīvaṭṭhamakaṃ avasiṭṭhañca sīlaṃ pātimokkhasaṃvarasīlassa ca pārisuddhipātimokkhādhigamena sotāpattiphalappattiyā siddho hotīti āha – ‘‘pātimokkha…pe… nirujjhatī’’ti. ‘‘Sukhasīlo dukkhasīlo’’tiādīsu viya pakatiatthasīlasaddaṃ gahetvā vuttaṃ ‘‘akusalasīla’’ntiādi.
265. гаамааважарагусалажид̇д̇амзва вуд̇д̇ам̣ самбад̇д̇асамаад̣̇аанавирад̇ибуб̣б̣агасса сийласса ад̇хиббзд̇ад̇д̇аа. д̇знааха – ‘‘зд̇зна хи гусаласийлам̣ самудтаад̇ий’’д̇и.
265.Kāmāvacarakusalacittameva vuttaṃ sampattasamādānaviratipubbakassa sīlassa adhippetattā. Tenāha – ‘‘etena hi kusalasīlaṃ samuṭṭhātī’’ti.
сийлаваад̇и зд̇т̇а ваа-сад̣̇д̣̇о баасам̣сад̇т̇ова взд̣̇ид̇аб̣б̣од̇и ааха ‘‘сийласамбанно ход̇ий’’д̇и. яо сийламад̇д̇з бад̇идтид̇о, на самаад̇хибан̃н̃аасу, со сийламаяад̇хаммабуурид̇ад̇ааяа сийламаяо. д̇знааха ‘‘аламзд̇д̇аавад̇аа’’д̇иаад̣̇и. яад̇т̇аад̇и яассам̣ жзд̇овимуд̇д̇ияам̣ бан̃н̃аавимуд̇д̇ияан̃жа. д̇ад̣̇убхаяан̃жа яасмаа арахад̇д̇апалз сан̇г̇ахид̇ам̣, д̇асмаа вуд̇д̇ам̣ ‘‘арахад̇д̇апалз бхумма’’нд̇и. асзсам̣ нируж̇жхад̇и сукавибаагабхаавасса саб̣б̣асо бадиббассамбханад̇о.
Sīlavāti ettha vā-saddo pāsaṃsatthova veditabboti āha ‘‘sīlasampanno hotī’’ti. Yo sīlamatte patiṭṭhito, na samādhipaññāsu, so sīlamayadhammapūritatāya sīlamayo. Tenāha ‘‘alamettāvatā’’tiādi. Yatthāti yassaṃ cetovimuttiyaṃ paññāvimuttiyañca. Tadubhayañca yasmā arahattaphale saṅgahitaṃ, tasmā vuttaṃ ‘‘arahattaphale bhumma’’nti. Asesaṃ nirujjhati sukhavipākabhāvassa sabbaso paṭippassambhanato.
266. гаамабадисам̣яуд̇д̇аа сан̃н̃аа гаамасан̃н̃аа. сзсзсуби зсзва наяо. ид̇араа д̣̇взд̇и б̣яаабаад̣̇авихим̣саасан̃н̃аа.
266. Kāmapaṭisaṃyuttā saññā kāmasaññā. Sesesupi eseva nayo. Itarā dveti byāpādavihiṃsāsaññā.
анааг̇аамипалабатамаж̇жхаананд̇и анааг̇аамипаласахаг̇ад̇ам̣ батамаж̇жхаанам̣. зд̇т̇аад̇и яат̇аавуд̇д̇з батамаж̇жхаанз. зд̇т̇а жа уж̇увибажжанийгзна бадибагкаббахаанам̣ саад̇исаяанд̇и батамаж̇жхаанаг̇г̇ахан̣ам̣. д̇знааха ‘‘абарисзсаа нируж̇жханд̇ий’’д̇и. нзгкаммасан̃н̃аанам̣ гаамааважаражид̇д̇асахаг̇ад̇ад̇аа д̇асса сийласса самудтаанад̇аа жа самбаяуд̇д̇анаязна взд̣̇ид̇аб̣б̣аа.
Anāgāmiphalapaṭhamajjhānanti anāgāmiphalasahagataṃ paṭhamajjhānaṃ. Etthāti yathāvutte paṭhamajjhāne. Ettha ca ujuvipaccanīkena paṭipakkhappahānaṃ sātisayanti paṭhamajjhānaggahaṇaṃ. Tenāha ‘‘aparisesā nirujjhantī’’ti. Nekkhammasaññānaṃ kāmāvacaracittasahagatatā tassa sīlassa samuṭṭhānatā ca sampayuttanayena veditabbā.
267. гусаласан̇габбанирод̇хад̣̇уд̇ияаж̇жхаанигаарахад̇д̇апалаагусаласан̇габбанирод̇ха- батамаж̇жхаанигаанааг̇аамипалаг̇г̇ахан̣зна саман̣о д̣̇ассид̇о. сзсам̣ сувин̃н̃зяяамзва.
267. Kusalasaṅkappanirodhadutiyajjhānikaarahattaphalaakusalasaṅkappanirodha- paṭhamajjhānikaanāgāmiphalaggahaṇena samaṇo dassito. Sesaṃ suviññeyyameva.
саман̣амун̣д̣игаабуд̇д̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Samaṇamuṇḍikāputtasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 8. саман̣амун̣д̣игасуд̇д̇ам̣ • 8. Samaṇamuṇḍikasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 8. саман̣амун̣д̣игасуд̇д̇аван̣н̣анаа • 8. Samaṇamuṇḍikasuttavaṇṇanā
