| Library / Tipiṭaka / ತಿಪಿಟಕ • Tipiṭaka / ಖುದ್ದಸಿಕ್ಖಾ-ಮೂಲಸಿಕ್ಖಾ • Khuddasikkhā-mūlasikkhā |
೨೬. ಸಮಾನಾಸನಿಕನಿದ್ದೇಸವಣ್ಣನಾ
26. Samānāsanikaniddesavaṇṇanā
೧೯೫. ತಿಣ್ಣಂ ವಸ್ಸಾನಂ ಅನ್ತರಂ ತಿವಸ್ಸನ್ತರಂ। ‘‘ಅನುಜಾನಾಮಿ, ಭಿಕ್ಖವೇ, ತಿವಸ್ಸನ್ತರೇನ ಸಹ ನಿಸೀದಿತು’’ನ್ತಿ (ಚೂಳವ॰ ೩೨೦) ಹಿ ವುತ್ತಂ। ಯೋ ದ್ವೀಹಿ ವಸ್ಸೇಹಿ (ಚೂಳವ॰ ಅಟ್ಠ॰ ೩೨೦) ವುಡ್ಢೋ ವಾ ನವೋ ವಾ, ಸೋ ತಿವಸ್ಸನ್ತರೋ ನಾಮ।
195. Tiṇṇaṃ vassānaṃ antaraṃ tivassantaraṃ. ‘‘Anujānāmi, bhikkhave, tivassantarena saha nisīditu’’nti (cūḷava. 320) hi vuttaṃ. Yo dvīhi vassehi (cūḷava. aṭṭha. 320) vuḍḍho vā navo vā, so tivassantaro nāma.
೧೯೬. ಮುನೀತಿ ಬುದ್ಧಮುನಿ। ಸಬ್ಬೇಹೇವಾತಿ ಅನುಪಸಮ್ಪನ್ನೇಹಿಪಿ।
196.Munīti buddhamuni. Sabbehevāti anupasampannehipi.
೧೯೭. ಅನ್ತನ್ತಿ ಪಚ್ಛಿಮಂ। ‘‘ಅನುಜಾನಾಮಿ, ಭಿಕ್ಖವೇ, ಯಂ ತಿಣ್ಣಂ ಪಹೋತಿ, ಏತ್ತಕಂ ಪಚ್ಛಿಮಂ ದೀಘಾಸನ’’ನ್ತಿ (ಚೂಳವ॰ ೩೨೦) ವುತ್ತತ್ತಾ ಯಂ ತಿಣ್ಣಂ ಪಹೋತಿ, ಏತಂ ಸಂಹಾರಿಮಂ ವಾ ಹೋತು ಅಸಂಹಾರಿಮಂ ವಾ, ತಥಾರೂಪೇಸು ಫಲಕಖಣ್ಡೇಸುಪಿ ನಿಸೀದಿತುಂ ವಟ್ಟತಿ। ದ್ವಿನ್ನನ್ತಿ ದ್ವಿನ್ನಂ ಸಮಾನಾಸನಿಕಾನಂ। ‘‘ಅನುಜಾನಾಮಿ, ಭಿಕ್ಖವೇ, ದುವಗ್ಗಸ್ಸ ಮಞ್ಚಂ ದುವಗ್ಗಸ್ಸ ಪೀಠ’’ನ್ತಿ (ಚುಳವ॰ ೩೨೦) ವುತ್ತತ್ತಾ ದ್ವೇ ಸಮಾನಾಸನಿಕಾ ಸಹ ನಿಸೀದಿತುಂ ಲಭನ್ತಿ। ಅಞ್ಞೇಹಿ ಅಸಮಾನಾಸನಿಕೇಹಿ, ಅನುಪಸಮ್ಪನ್ನಾದೀಹಿ ವಾ ದ್ವೇ ಹುತ್ವಾಪಿ ನಿಸೀದಿತುಂ ನ ಲಭನ್ತಿ। ಸಮಾನಾಸನಿಕವಿನಿಚ್ಛಯೋ।
197.Antanti pacchimaṃ. ‘‘Anujānāmi, bhikkhave, yaṃ tiṇṇaṃ pahoti, ettakaṃ pacchimaṃ dīghāsana’’nti (cūḷava. 320) vuttattā yaṃ tiṇṇaṃ pahoti, etaṃ saṃhārimaṃ vā hotu asaṃhārimaṃ vā, tathārūpesu phalakakhaṇḍesupi nisīdituṃ vaṭṭati. Dvinnanti dvinnaṃ samānāsanikānaṃ. ‘‘Anujānāmi, bhikkhave, duvaggassa mañcaṃ duvaggassa pīṭha’’nti (cuḷava. 320) vuttattā dve samānāsanikā saha nisīdituṃ labhanti. Aññehi asamānāsanikehi, anupasampannādīhi vā dve hutvāpi nisīdituṃ na labhanti. Samānāsanikavinicchayo.
ಸಮಾನಾಸನಿಕನಿದ್ದೇಸವಣ್ಣನಾ ನಿಟ್ಠಿತಾ।
Samānāsanikaniddesavaṇṇanā niṭṭhitā.
