| Library / Tipiṭaka / ཏིཔིཊཀ • Tipiṭaka / ཁུདྡསིཀྑཱ-མཱུལསིཀྑཱ • Khuddasikkhā-mūlasikkhā |
༢༦. སམཱནཱསནིཀནིདྡེསཝཎྞནཱ
26. Samānāsanikaniddesavaṇṇanā
༡༩༥. ཏིཎྞཾ ཝསྶཱནཾ ཨནྟརཾ ཏིཝསྶནྟརཾ། ‘‘ཨནུཛཱནཱམི, བྷིཀྑཝེ, ཏིཝསྶནྟརེན སཧ ནིསཱིདིཏུ’’ནྟི (ཙཱུལ༹ཝ॰ ༣༢༠) ཧི ཝུཏྟཾ། ཡོ དྭཱིཧི ཝསྶེཧི (ཙཱུལ༹ཝ॰ ཨཊྛ॰ ༣༢༠) ཝུཌྜྷོ ཝཱ ནཝོ ཝཱ, སོ ཏིཝསྶནྟརོ ནཱམ།
195. Tiṇṇaṃ vassānaṃ antaraṃ tivassantaraṃ. ‘‘Anujānāmi, bhikkhave, tivassantarena saha nisīditu’’nti (cūḷava. 320) hi vuttaṃ. Yo dvīhi vassehi (cūḷava. aṭṭha. 320) vuḍḍho vā navo vā, so tivassantaro nāma.
༡༩༦. མུནཱིཏི བུདྡྷམུནི། སབྦེཧེཝཱཏི ཨནུཔསམྤནྣེཧིཔི།
196.Munīti buddhamuni. Sabbehevāti anupasampannehipi.
༡༩༧. ཨནྟནྟི པཙྪིམཾ། ‘‘ཨནུཛཱནཱམི, བྷིཀྑཝེ, ཡཾ ཏིཎྞཾ པཧོཏི, ཨེཏྟཀཾ པཙྪིམཾ དཱིགྷཱསན’’ནྟི (ཙཱུལ༹ཝ॰ ༣༢༠) ཝུཏྟཏྟཱ ཡཾ ཏིཎྞཾ པཧོཏི, ཨེཏཾ སཾཧཱརིམཾ ཝཱ ཧོཏུ ཨསཾཧཱརིམཾ ཝཱ, ཏཐཱརཱུཔེསུ ཕལཀཁཎྜེསུཔི ནིསཱིདིཏུཾ ཝཊྚཏི། དྭིནྣནྟི དྭིནྣཾ སམཱནཱསནིཀཱནཾ། ‘‘ཨནུཛཱནཱམི, བྷིཀྑཝེ, དུཝགྒསྶ མཉྩཾ དུཝགྒསྶ པཱིཋ’’ནྟི (ཙུལ༹ཝ॰ ༣༢༠) ཝུཏྟཏྟཱ དྭེ སམཱནཱསནིཀཱ སཧ ནིསཱིདིཏུཾ ལབྷནྟི། ཨཉྙེཧི ཨསམཱནཱསནིཀེཧི, ཨནུཔསམྤནྣཱདཱིཧི ཝཱ དྭེ ཧུཏྭཱཔི ནིསཱིདིཏུཾ ན ལབྷནྟི། སམཱནཱསནིཀཝིནིཙྪཡོ།
197.Antanti pacchimaṃ. ‘‘Anujānāmi, bhikkhave, yaṃ tiṇṇaṃ pahoti, ettakaṃ pacchimaṃ dīghāsana’’nti (cūḷava. 320) vuttattā yaṃ tiṇṇaṃ pahoti, etaṃ saṃhārimaṃ vā hotu asaṃhārimaṃ vā, tathārūpesu phalakakhaṇḍesupi nisīdituṃ vaṭṭati. Dvinnanti dvinnaṃ samānāsanikānaṃ. ‘‘Anujānāmi, bhikkhave, duvaggassa mañcaṃ duvaggassa pīṭha’’nti (cuḷava. 320) vuttattā dve samānāsanikā saha nisīdituṃ labhanti. Aññehi asamānāsanikehi, anupasampannādīhi vā dve hutvāpi nisīdituṃ na labhanti. Samānāsanikavinicchayo.
སམཱནཱསནིཀནིདྡེསཝཎྞནཱ ནིཊྛིཏཱ།
Samānāsanikaniddesavaṇṇanā niṭṭhitā.
