| Library / Tipiṭaka / ਤਿਪਿਟਕ • Tipiṭaka / ਖੁਦ੍ਦਸਿਕ੍ਖਾ-ਮੂਲਸਿਕ੍ਖਾ • Khuddasikkhā-mūlasikkhā |
੨੬. ਸਮਾਨਾਸਨਿਕਨਿਦ੍ਦੇਸવਣ੍ਣਨਾ
26. Samānāsanikaniddesavaṇṇanā
੧੯੫. ਤਿવਸ੍ਸਨ੍ਤਰਮੇਕਮਾਸਨਂ ਭਿਕ੍ਖੂਨਂ ਅਨੁਞ੍ਞਾਤਨ੍ਤਿ ਸਮ੍ਬਨ੍ਧੋ। ਤਤ੍ਥ ਏਕਸ੍ਮਿਂ ਆਸਨੇ ਮਞ੍ਚਾਦਿਕੇ ਦ੍વਿਨ੍ਨਂ ਆਸਨਂ ਨਿਸੀਦਨਂ ਏਕਮਾਸਨਂ। ਮ-ਕਾਰੋ ਸਨ੍ਧਿਜੋ। ਕੀਦਿਸਨ੍ਤਿ ਆਹ ‘‘ਤਿવਸ੍ਸਨ੍ਤਰ’’ਨ੍ਤਿ। ਤਿਣ੍ਣਂ વਸ੍ਸਾਨਮਨ੍ਤਰਮੇਤਸ੍ਸਾਤਿ ਤਿવਸ੍ਸਨ੍ਤਰੋ, ਦ੍વੀਹਿ વਸ੍ਸੇਹਿ ਮਹਨ੍ਤਤਰੋ વਾ ਦਹਰਤਰੋ વਾ ਭਿਕ੍ਖੁ, ਸੋ ਅਸ੍ਸ ਅਤ੍ਥੀਤਿ ਤਿવਸ੍ਸਨ੍ਤਰਂ, ਤਿવਸ੍ਸਨ੍ਤਰવਨ੍ਤਨ੍ਤਿ ਅਤ੍ਥੋ। ਯੋ ਪਨ ਏਕੇਨ વਸ੍ਸੇਨ ਮਹਨ੍ਤਤਰੋ વਾ ਦਹਰਤਰੋ વਾ ਏਕવਸ੍ਸੋਯੇવ વਾ, ਤਬ੍ਬਨ੍ਤਤਾਯ વਤ੍ਤਬ੍ਬਮੇવ ਨਤ੍ਥਿ। ਅਥ વਾ ਤਿવਸ੍ਸਨ੍ਤਰਨ੍ਤਿ ਕਰਣਤ੍ਥੇ ਉਪਯੋਗવਚਨਂ, ਤਿવਸ੍ਸਨ੍ਤਰੇਨ ਸਦ੍ਧਿਨ੍ਤਿ ਅਤ੍ਥੋ। ਤਮੇવ ਸਮਤ੍ਥੇਤਿ ‘‘ਸਤ੍ਤવਸ੍ਸੇ’’ਚ੍ਚਾਦਿਨਾ।
195. Tivassantaramekamāsanaṃ bhikkhūnaṃ anuññātanti sambandho. Tattha ekasmiṃ āsane mañcādike dvinnaṃ āsanaṃ nisīdanaṃ ekamāsanaṃ. Ma-kāro sandhijo. Kīdisanti āha ‘‘tivassantara’’nti. Tiṇṇaṃ vassānamantarametassāti tivassantaro, dvīhi vassehi mahantataro vā daharataro vā bhikkhu, so assa atthīti tivassantaraṃ, tivassantaravantanti attho. Yo pana ekena vassena mahantataro vā daharataro vā ekavassoyeva vā, tabbantatāya vattabbameva natthi. Atha vā tivassantaranti karaṇatthe upayogavacanaṃ, tivassantarena saddhinti attho. Tameva samattheti ‘‘sattavasse’’ccādinā.
੧੯੬. ਮੁਨਿ ਅਨੁਞ੍ਞਾਸੀਤਿ ਸਮ੍ਬਨ੍ਧੋ। ਸਬ੍ਬੇਹੇવਾਤਿ ਸਮਾਨਾਸਨਿਕਅਸਮਾਨਾਸਨਿਕੇਹਿ ਸਬ੍ਬੇਹੇવ ਸਦ੍ਧਿਂ।
196. Muni anuññāsīti sambandho. Sabbehevāti samānāsanikaasamānāsanikehi sabbeheva saddhiṃ.
੧੯੭. ਦੀਘਾਸਨਂ ਦਸ੍ਸੇਤਿ ‘‘ਅਨ੍ਤ’’ਨ੍ਤਿਆਦਿਨਾ। ਯਂ ਤਿਣ੍ਣਂ ਨਿਸੀਦਿਤੁਂ ਪਹੋਤਿ, ਤਂ ਅਨ੍ਤਂ ਦੀਘਾਸਨਨ੍ਤਿ ਸਮ੍ਬਨ੍ਧੋ। ਅਨ੍ਤਨ੍ਤਿ ਪਚ੍ਛਿਮਂ। ਅਦੀਘਾਸਨੇ ਪਨ ਸਮਾਨਾਸਨਿਕਾ ਨਿਸੀਦਿਤੁਂ ਲਬ੍ਭਨ੍ਤੀਤਿ ਦਸ੍ਸੇਨ੍ਤੋ ‘‘ਮਞ੍ਚਕੇ’’ਤਿਆਦਿਮਾਹ। ਸਬ੍ਬਤ੍ਥ ਅਯਥਾਕਰਣਤੋ ਦੁਕ੍ਕਟਨ੍ਤਿ।
197. Dīghāsanaṃ dasseti ‘‘anta’’ntiādinā. Yaṃ tiṇṇaṃ nisīdituṃ pahoti, taṃ antaṃ dīghāsananti sambandho. Antanti pacchimaṃ. Adīghāsane pana samānāsanikā nisīdituṃ labbhantīti dassento ‘‘mañcake’’tiādimāha. Sabbattha ayathākaraṇato dukkaṭanti.
ਸਮਾਨਾਸਨਿਕਨਿਦ੍ਦੇਸવਣ੍ਣਨਾ ਨਿਟ੍ਠਿਤਾ।
Samānāsanikaniddesavaṇṇanā niṭṭhitā.
