| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৩. ততিযপণ্ণাসকং
3. Tatiyapaṇṇāsakaṃ
(১১) ১. সমণসঞ্ঞাৰগ্গো
(11) 1. Samaṇasaññāvaggo
১-১২. সমণসঞ্ঞাসুত্তাদিৰণ্ণনা
1-12. Samaṇasaññāsuttādivaṇṇanā
১০১-১১২. ততিযস্স পঠমাদীনি উত্তানানি। ছট্ঠে নিজ্জরকারণানীতি পজহনকারণানি। ইমস্মিং মগ্গো কথীযতীতি কত্ৰা ‘‘অযং হেট্ঠা…পে॰… পুন গহিতা’’তি ৰুত্তং। কিঞ্চাপি নিজ্জিণ্ণা মিচ্ছাদিট্ঠীতি আনেত্ৰা সম্বন্ধিতব্বং। যথা মিচ্ছাদিট্ঠি ৰিপস্সনায নিজ্জিণ্ণাপি ন সমুচ্ছিন্নাতি সমুচ্ছেদপ্পহানদস্সনত্থং পুন গহিতা, এৰং মিচ্ছাসঙ্কপ্পাদযোপি ৰিপস্সনায পহীনাপি অসমুচ্ছিন্নতায ইধ পুন গহিতাতি অযমত্থো ‘‘মিচ্ছাসঙ্কপ্পস্সা’’তিআদীসু সব্বপদেসু ৰত্তব্বোতি দস্সেতি ‘‘এৰং সব্বপদেসু যোজেতব্বো’’তি ইমিনা। এত্থ চাতি ‘‘সম্মাৰিমুত্তিপচ্চযা চ অনেকে কুসলা ধম্মা ভাৰনাপারিপূরিং গচ্ছন্তী’’তি এতস্মিং পাল়িপদে। এত্থ চ সমুচ্ছেদৰসেন চ পটিপ্পস্সদ্ধিৰসেন চ পটিপক্খধম্মানং সম্মদেৰ ৰিমুচ্চনং সম্মাৰিমুত্তি। তপ্পচ্চযা চ মগ্গফলেসু অট্ঠ ইন্দ্রিযানি ভাৰনাপারিপূরিং উপগচ্ছন্তীতি মগ্গসম্পযুত্তানিপি সদ্ধাদীনি ইন্দ্রিযানি উদ্ধটানি। মগ্গৰসেন হি ফলেসু ভাৰনাপারিপূরী নামাতি। অভিনন্দনট্ঠেনাতি অতিৰিয সিনেহনট্ঠেন। ইদঞ্হি সোমনস্সিন্দ্রিযং উক্কংসগতসাতসভাৰতো সম্পযুত্তধম্মে সিনেহন্তং তেমেন্তং ৰিয পৰত্ততি। পৰত্তসন্ততিআধিপতেয্যট্ঠেনাতি ৰিপাকসন্তানস্স জীৰনে অধিপতিভাৰেন। এৰন্তিআদি ৰুত্তস্সেৰ অত্থস্স নিগমনং। সত্তমাদীনি উত্তানত্থানি।
101-112. Tatiyassa paṭhamādīni uttānāni. Chaṭṭhe nijjarakāraṇānīti pajahanakāraṇāni. Imasmiṃ maggo kathīyatīti katvā ‘‘ayaṃ heṭṭhā…pe… puna gahitā’’ti vuttaṃ. Kiñcāpi nijjiṇṇā micchādiṭṭhīti ānetvā sambandhitabbaṃ. Yathā micchādiṭṭhi vipassanāya nijjiṇṇāpi na samucchinnāti samucchedappahānadassanatthaṃ puna gahitā, evaṃ micchāsaṅkappādayopi vipassanāya pahīnāpi asamucchinnatāya idha puna gahitāti ayamattho ‘‘micchāsaṅkappassā’’tiādīsu sabbapadesu vattabboti dasseti ‘‘evaṃ sabbapadesu yojetabbo’’ti iminā. Ettha cāti ‘‘sammāvimuttipaccayā ca aneke kusalā dhammā bhāvanāpāripūriṃ gacchantī’’ti etasmiṃ pāḷipade. Ettha ca samucchedavasena ca paṭippassaddhivasena ca paṭipakkhadhammānaṃ sammadeva vimuccanaṃ sammāvimutti. Tappaccayā ca maggaphalesu aṭṭha indriyāni bhāvanāpāripūriṃ upagacchantīti maggasampayuttānipi saddhādīni indriyāni uddhaṭāni. Maggavasena hi phalesu bhāvanāpāripūrī nāmāti. Abhinandanaṭṭhenāti ativiya sinehanaṭṭhena. Idañhi somanassindriyaṃ ukkaṃsagatasātasabhāvato sampayuttadhamme sinehantaṃ tementaṃ viya pavattati. Pavattasantatiādhipateyyaṭṭhenāti vipākasantānassa jīvane adhipatibhāvena. Evantiādi vuttasseva atthassa nigamanaṃ. Sattamādīni uttānatthāni.
সমণসঞ্ঞাসুত্তাদিৰণ্ণনা নিট্ঠিতা।
Samaṇasaññāsuttādivaṇṇanā niṭṭhitā.
সমণসঞ্ঞাৰগ্গৰণ্ণনা নিট্ঠিতা।
Samaṇasaññāvaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
১. সমণসঞ্ঞাসুত্তং • 1. Samaṇasaññāsuttaṃ
২. বোজ্ঝঙ্গসুত্তং • 2. Bojjhaṅgasuttaṃ
৩. মিচ্ছত্তসুত্তং • 3. Micchattasuttaṃ
৪. বীজসুত্তং • 4. Bījasuttaṃ
৫. ৰিজ্জাসুত্তং • 5. Vijjāsuttaṃ
৬. নিজ্জরসুত্তং • 6. Nijjarasuttaṃ
৭. ধোৰনসুত্তং • 7. Dhovanasuttaṃ
৮. তিকিচ্ছকসুত্তং • 8. Tikicchakasuttaṃ
৯. ৰমনসুত্তং • 9. Vamanasuttaṃ
১০. নিদ্ধমনীযসুত্তং • 10. Niddhamanīyasuttaṃ
১১. পঠমঅসেখসুত্তং • 11. Paṭhamaasekhasuttaṃ
১২. দুতিযঅসেখসুত্তং • 12. Dutiyaasekhasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
১. সমণসঞ্ঞাসুত্তৰণ্ণনা • 1. Samaṇasaññāsuttavaṇṇanā
৩. মিচ্ছত্তসুত্তৰণ্ণনা • 3. Micchattasuttavaṇṇanā
৪-৫. বীজসুত্তাদিৰণ্ণনা • 4-5. Bījasuttādivaṇṇanā
৬. নিজ্জরসুত্তৰণ্ণনা • 6. Nijjarasuttavaṇṇanā
৭. ধোৰনাসুত্তৰণ্ণনা • 7. Dhovanāsuttavaṇṇanā
৮-১০. তিকিচ্ছকসুত্তাদিৰণ্ণনা • 8-10. Tikicchakasuttādivaṇṇanā
১১. পঠমঅসেখসুত্তৰণ্ণনা • 11. Paṭhamaasekhasuttavaṇṇanā
১২. দুতিযঅসেখসুত্তৰণ্ণনা • 12. Dutiyaasekhasuttavaṇṇanā
