1-12. саман̣асан̃н̃аасуд̇д̇аад̣̇иван̣н̣анаа

1-12. Samaṇasaññāsuttādivaṇṇanā

101-112. д̇ад̇ияасса батамаад̣̇ийни уд̇д̇аанаани. чадтз ниж̇ж̇арагааран̣аанийд̇и баж̇аханагааран̣аани. имасмим̣ маг̇г̇о гат̇ийяад̇ийд̇и гад̇ваа ‘‘аяам̣ хздтаа…бз… буна г̇ахид̇аа’’д̇и вуд̇д̇ам̣. гин̃жааби ниж̇ж̇ин̣н̣аа мижчаад̣̇идтийд̇и аанзд̇ваа самб̣анд̇хид̇аб̣б̣ам̣. яат̇аа мижчаад̣̇идти вибассанааяа ниж̇ж̇ин̣н̣ааби на самужчиннаад̇и самужчзд̣̇аббахаанад̣̇ассанад̇т̇ам̣ буна г̇ахид̇аа, звам̣ мижчаасан̇габбаад̣̇аяоби вибассанааяа бахийнааби асамужчиннад̇ааяа ид̇ха буна г̇ахид̇аад̇и аяамад̇т̇о ‘‘мижчаасан̇габбассаа’’д̇иаад̣̇ийсу саб̣б̣абад̣̇зсу вад̇д̇аб̣б̣од̇и д̣̇ассзд̇и ‘‘звам̣ саб̣б̣абад̣̇зсу яож̇зд̇аб̣б̣о’’д̇и иминаа. зд̇т̇а жаад̇и ‘‘саммаавимуд̇д̇ибажжаяаа жа анзгз гусалаа д̇хаммаа бхааванаабаарибуурим̣ г̇ажчанд̇ий’’д̇и зд̇асмим̣ баал̣ибад̣̇з. зд̇т̇а жа самужчзд̣̇авасзна жа бадиббассад̣̇д̇хивасзна жа бадибагкад̇хаммаанам̣ саммад̣̇зва вимужжанам̣ саммаавимуд̇д̇и. д̇аббажжаяаа жа маг̇г̇апалзсу адта инд̣̇рияаани бхааванаабаарибуурим̣ убаг̇ажчанд̇ийд̇и маг̇г̇асамбаяуд̇д̇ааниби сад̣̇д̇хаад̣̇ийни инд̣̇рияаани уд̣̇д̇хадаани. маг̇г̇авасзна хи палзсу бхааванаабаарибуурий наамаад̇и. абхинанд̣̇анадтзнаад̇и ад̇ивияа синзханадтзна. ид̣̇ан̃хи соманассинд̣̇рияам̣ уггам̣саг̇ад̇асаад̇асабхаавад̇о самбаяуд̇д̇ад̇хаммз синзханд̇ам̣ д̇змзнд̇ам̣ вияа бавад̇д̇ад̇и. бавад̇д̇асанд̇ад̇иаад̇хибад̇зяяадтзнаад̇и вибаагасанд̇аанасса ж̇ийванз ад̇хибад̇ибхаавзна. званд̇иаад̣̇и вуд̇д̇ассзва ад̇т̇асса ниг̇аманам̣. сад̇д̇амаад̣̇ийни уд̇д̇аанад̇т̇аани.

101-112. Tatiyassa paṭhamādīni uttānāni. Chaṭṭhe nijjarakāraṇānīti pajahanakāraṇāni. Imasmiṃ maggo kathīyatīti katvā ‘‘ayaṃ heṭṭhā…pe… puna gahitā’’ti vuttaṃ. Kiñcāpi nijjiṇṇā micchādiṭṭhīti ānetvā sambandhitabbaṃ. Yathā micchādiṭṭhi vipassanāya nijjiṇṇāpi na samucchinnāti samucchedappahānadassanatthaṃ puna gahitā, evaṃ micchāsaṅkappādayopi vipassanāya pahīnāpi asamucchinnatāya idha puna gahitāti ayamattho ‘‘micchāsaṅkappassā’’tiādīsu sabbapadesu vattabboti dasseti ‘‘evaṃ sabbapadesu yojetabbo’’ti iminā. Ettha cāti ‘‘sammāvimuttipaccayā ca aneke kusalā dhammā bhāvanāpāripūriṃ gacchantī’’ti etasmiṃ pāḷipade. Ettha ca samucchedavasena ca paṭippassaddhivasena ca paṭipakkhadhammānaṃ sammadeva vimuccanaṃ sammāvimutti. Tappaccayā ca maggaphalesu aṭṭha indriyāni bhāvanāpāripūriṃ upagacchantīti maggasampayuttānipi saddhādīni indriyāni uddhaṭāni. Maggavasena hi phalesu bhāvanāpāripūrī nāmāti. Abhinandanaṭṭhenāti ativiya sinehanaṭṭhena. Idañhi somanassindriyaṃ ukkaṃsagatasātasabhāvato sampayuttadhamme sinehantaṃ tementaṃ viya pavattati. Pavattasantatiādhipateyyaṭṭhenāti vipākasantānassa jīvane adhipatibhāvena. Evantiādi vuttasseva atthassa nigamanaṃ. Sattamādīni uttānatthāni.

саман̣асан̃н̃аасуд̇д̇аад̣̇иван̣н̣анаа нидтид̇аа.

Samaṇasaññāsuttādivaṇṇanā niṭṭhitā.

саман̣асан̃н̃ааваг̇г̇аван̣н̣анаа нидтид̇аа.

Samaṇasaññāvaggavaṇṇanā niṭṭhitā.

Next: (12) 2. бажжорохан̣иваг̇г̇о • (12) 2. Paccorohaṇivaggo

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact