| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
3. තතියපණ්‌ණාසකං
3. Tatiyapaṇṇāsakaṃ
(11) 1. සමණසඤ්‌ඤාවග්‌ගො
(11) 1. Samaṇasaññāvaggo
1-12. සමණසඤ්‌ඤාසුත්‌තාදිවණ්‌ණනා
1-12. Samaṇasaññāsuttādivaṇṇanā
101-112. තතියස්‌ස පඨමාදීනි උත්‌තානානි. ඡට්‌ඨෙ නිජ්‌ජරකාරණානීති පජහනකාරණානි. ඉමස්‌මිං මග්‌ගො කථීයතීති කත්‌වා ‘‘අයං හෙට්‌ඨා…පෙ.… පුන ගහිතා’’ති වුත්‌තං. කිඤ්‌චාපි නිජ්‌ජිණ්‌ණා මිච්‌ඡාදිට්‌ඨීති ආනෙත්‌වා සම්‌බන්‌ධිතබ්‌බං. යථා මිච්‌ඡාදිට්‌ඨි විපස්‌සනාය නිජ්‌ජිණ්‌ණාපි න සමුච්‌ඡින්‌නාති සමුච්‌ඡෙදප්‌පහානදස්‌සනත්‌ථං පුන ගහිතා, එවං මිච්‌ඡාසඞ්‌කප්‌පාදයොපි විපස්‌සනාය පහීනාපි අසමුච්‌ඡින්‌නතාය ඉධ පුන ගහිතාති අයමත්‌ථො ‘‘මිච්‌ඡාසඞ්‌කප්‌පස්‌සා’’තිආදීසු සබ්‌බපදෙසු වත්‌තබ්‌බොති දස්‌සෙති ‘‘එවං සබ්‌බපදෙසු යොජෙතබ්‌බො’’ති ඉමිනා. එත්‌ථ චාති ‘‘සම්‌මාවිමුත්‌තිපච්‌චයා ච අනෙකෙ කුසලා ධම්‌මා භාවනාපාරිපූරිං ගච්‌ඡන්‌තී’’ති එතස්‌මිං පාළිපදෙ. එත්‌ථ ච සමුච්‌ඡෙදවසෙන ච පටිප්‌පස්‌සද්‌ධිවසෙන ච පටිපක්‌ඛධම්‌මානං සම්‌මදෙව විමුච්‌චනං සම්‌මාවිමුත්‌ති. තප්‌පච්‌චයා ච මග්‌ගඵලෙසු අට්‌ඨ ඉන්‌ද්‍රියානි භාවනාපාරිපූරිං උපගච්‌ඡන්‌තීති මග්‌ගසම්‌පයුත්‌තානිපි සද්‌ධාදීනි ඉන්‌ද්‍රියානි උද්‌ධටානි. මග්‌ගවසෙන හි ඵලෙසු භාවනාපාරිපූරී නාමාති. අභිනන්‌දනට්‌ඨෙනාති අතිවිය සිනෙහනට්‌ඨෙන. ඉදඤ්‌හි සොමනස්‌සින්‌ද්‍රියං උක්‌කංසගතසාතසභාවතො සම්‌පයුත්‌තධම්‌මෙ සිනෙහන්‌තං තෙමෙන්‌තං විය පවත්‌තති. පවත්‌තසන්‌තතිආධිපතෙය්‍යට්‌ඨෙනාති විපාකසන්‌තානස්‌ස ජීවනෙ අධිපතිභාවෙන. එවන්‌තිආදි වුත්‌තස්‌සෙව අත්‌ථස්‌ස නිගමනං. සත්‌තමාදීනි උත්‌තානත්‌ථානි.
101-112. Tatiyassa paṭhamādīni uttānāni. Chaṭṭhe nijjarakāraṇānīti pajahanakāraṇāni. Imasmiṃ maggo kathīyatīti katvā ‘‘ayaṃ heṭṭhā…pe… puna gahitā’’ti vuttaṃ. Kiñcāpi nijjiṇṇā micchādiṭṭhīti ānetvā sambandhitabbaṃ. Yathā micchādiṭṭhi vipassanāya nijjiṇṇāpi na samucchinnāti samucchedappahānadassanatthaṃ puna gahitā, evaṃ micchāsaṅkappādayopi vipassanāya pahīnāpi asamucchinnatāya idha puna gahitāti ayamattho ‘‘micchāsaṅkappassā’’tiādīsu sabbapadesu vattabboti dasseti ‘‘evaṃ sabbapadesu yojetabbo’’ti iminā. Ettha cāti ‘‘sammāvimuttipaccayā ca aneke kusalā dhammā bhāvanāpāripūriṃ gacchantī’’ti etasmiṃ pāḷipade. Ettha ca samucchedavasena ca paṭippassaddhivasena ca paṭipakkhadhammānaṃ sammadeva vimuccanaṃ sammāvimutti. Tappaccayā ca maggaphalesu aṭṭha indriyāni bhāvanāpāripūriṃ upagacchantīti maggasampayuttānipi saddhādīni indriyāni uddhaṭāni. Maggavasena hi phalesu bhāvanāpāripūrī nāmāti. Abhinandanaṭṭhenāti ativiya sinehanaṭṭhena. Idañhi somanassindriyaṃ ukkaṃsagatasātasabhāvato sampayuttadhamme sinehantaṃ tementaṃ viya pavattati. Pavattasantatiādhipateyyaṭṭhenāti vipākasantānassa jīvane adhipatibhāvena. Evantiādi vuttasseva atthassa nigamanaṃ. Sattamādīni uttānatthāni.
සමණසඤ්‌ඤාසුත්‌තාදිවණ්‌ණනා නිට්‌ඨිතා.
Samaṇasaññāsuttādivaṇṇanā niṭṭhitā.
සමණසඤ්‌ඤාවග්‌ගවණ්‌ණනා නිට්‌ඨිතා.
Samaṇasaññāvaggavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya
1. සමණසඤ්‌ඤාසුත්‌තං • 1. Samaṇasaññāsuttaṃ
2. බොජ්‌ඣඞ්‌ගසුත්‌තං • 2. Bojjhaṅgasuttaṃ
3. මිච්‌ඡත්‌තසුත්‌තං • 3. Micchattasuttaṃ
4. බීජසුත්‌තං • 4. Bījasuttaṃ
5. විජ්‌ජාසුත්‌තං • 5. Vijjāsuttaṃ
6. නිජ්‌ජරසුත්‌තං • 6. Nijjarasuttaṃ
7. ධොවනසුත්‌තං • 7. Dhovanasuttaṃ
8. තිකිච්‌ඡකසුත්‌තං • 8. Tikicchakasuttaṃ
9. වමනසුත්‌තං • 9. Vamanasuttaṃ
10. නිද්‌ධමනීයසුත්‌තං • 10. Niddhamanīyasuttaṃ
11. පඨමඅසෙඛසුත්‌තං • 11. Paṭhamaasekhasuttaṃ
12. දුතියඅසෙඛසුත්‌තං • 12. Dutiyaasekhasuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā)
1. සමණසඤ්‌ඤාසුත්‌තවණ්‌ණනා • 1. Samaṇasaññāsuttavaṇṇanā
3. මිච්‌ඡත්‌තසුත්‌තවණ්‌ණනා • 3. Micchattasuttavaṇṇanā
4-5. බීජසුත්‌තාදිවණ්‌ණනා • 4-5. Bījasuttādivaṇṇanā
6. නිජ්‌ජරසුත්‌තවණ්‌ණනා • 6. Nijjarasuttavaṇṇanā
7. ධොවනාසුත්‌තවණ්‌ණනා • 7. Dhovanāsuttavaṇṇanā
8-10. තිකිච්‌ඡකසුත්‌තාදිවණ්‌ණනා • 8-10. Tikicchakasuttādivaṇṇanā
11. පඨමඅසෙඛසුත්‌තවණ්‌ණනා • 11. Paṭhamaasekhasuttavaṇṇanā
12. දුතියඅසෙඛසුත්‌තවණ්‌ණනා • 12. Dutiyaasekhasuttavaṇṇanā
