੧-੧੨. ਸਮਣਸਞ੍ਞਾਸੁਤ੍ਤਾਦਿવਣ੍ਣਨਾ

1-12. Samaṇasaññāsuttādivaṇṇanā

੧੦੧-੧੧੨. ਤਤਿਯਸ੍ਸ ਪਠਮਾਦੀਨਿ ਉਤ੍ਤਾਨਾਨਿ। ਛਟ੍ਠੇ ਨਿਜ੍ਜਰਕਾਰਣਾਨੀਤਿ ਪਜਹਨਕਾਰਣਾਨਿ। ਇਮਸ੍ਮਿਂ ਮਗ੍ਗੋ ਕਥੀਯਤੀਤਿ ਕਤ੍વਾ ‘‘ਅਯਂ ਹੇਟ੍ਠਾ…ਪੇ॰… ਪੁਨ ਗਹਿਤਾ’’ਤਿ વੁਤ੍ਤਂ। ਕਿਞ੍ਚਾਪਿ ਨਿਜ੍ਜਿਣ੍ਣਾ ਮਿਚ੍ਛਾਦਿਟ੍ਠੀਤਿ ਆਨੇਤ੍વਾ ਸਮ੍ਬਨ੍ਧਿਤਬ੍ਬਂ। ਯਥਾ ਮਿਚ੍ਛਾਦਿਟ੍ਠਿ વਿਪਸ੍ਸਨਾਯ ਨਿਜ੍ਜਿਣ੍ਣਾਪਿ ਨ ਸਮੁਚ੍ਛਿਨ੍ਨਾਤਿ ਸਮੁਚ੍ਛੇਦਪ੍ਪਹਾਨਦਸ੍ਸਨਤ੍ਥਂ ਪੁਨ ਗਹਿਤਾ, ਏવਂ ਮਿਚ੍ਛਾਸਙ੍ਕਪ੍ਪਾਦਯੋਪਿ વਿਪਸ੍ਸਨਾਯ ਪਹੀਨਾਪਿ ਅਸਮੁਚ੍ਛਿਨ੍ਨਤਾਯ ਇਧ ਪੁਨ ਗਹਿਤਾਤਿ ਅਯਮਤ੍ਥੋ ‘‘ਮਿਚ੍ਛਾਸਙ੍ਕਪ੍ਪਸ੍ਸਾ’’ਤਿਆਦੀਸੁ ਸਬ੍ਬਪਦੇਸੁ વਤ੍ਤਬ੍ਬੋਤਿ ਦਸ੍ਸੇਤਿ ‘‘ਏવਂ ਸਬ੍ਬਪਦੇਸੁ ਯੋਜੇਤਬ੍ਬੋ’’ਤਿ ਇਮਿਨਾ। ਏਤ੍ਥ ਚਾਤਿ ‘‘ਸਮ੍ਮਾવਿਮੁਤ੍ਤਿਪਚ੍ਚਯਾ ਚ ਅਨੇਕੇ ਕੁਸਲਾ ਧਮ੍ਮਾ ਭਾવਨਾਪਾਰਿਪੂਰਿਂ ਗਚ੍ਛਨ੍ਤੀ’’ਤਿ ਏਤਸ੍ਮਿਂ ਪਾਲ਼ਿਪਦੇ। ਏਤ੍ਥ ਚ ਸਮੁਚ੍ਛੇਦવਸੇਨ ਚ ਪਟਿਪ੍ਪਸ੍ਸਦ੍ਧਿવਸੇਨ ਚ ਪਟਿਪਕ੍ਖਧਮ੍ਮਾਨਂ ਸਮ੍ਮਦੇવ વਿਮੁਚ੍ਚਨਂ ਸਮ੍ਮਾવਿਮੁਤ੍ਤਿ। ਤਪ੍ਪਚ੍ਚਯਾ ਚ ਮਗ੍ਗਫਲੇਸੁ ਅਟ੍ਠ ਇਨ੍ਦ੍ਰਿਯਾਨਿ ਭਾવਨਾਪਾਰਿਪੂਰਿਂ ਉਪਗਚ੍ਛਨ੍ਤੀਤਿ ਮਗ੍ਗਸਮ੍ਪਯੁਤ੍ਤਾਨਿਪਿ ਸਦ੍ਧਾਦੀਨਿ ਇਨ੍ਦ੍ਰਿਯਾਨਿ ਉਦ੍ਧਟਾਨਿ। ਮਗ੍ਗવਸੇਨ ਹਿ ਫਲੇਸੁ ਭਾવਨਾਪਾਰਿਪੂਰੀ ਨਾਮਾਤਿ। ਅਭਿਨਨ੍ਦਨਟ੍ਠੇਨਾਤਿ ਅਤਿવਿਯ ਸਿਨੇਹਨਟ੍ਠੇਨ। ਇਦਞ੍ਹਿ ਸੋਮਨਸ੍ਸਿਨ੍ਦ੍ਰਿਯਂ ਉਕ੍ਕਂਸਗਤਸਾਤਸਭਾવਤੋ ਸਮ੍ਪਯੁਤ੍ਤਧਮ੍ਮੇ ਸਿਨੇਹਨ੍ਤਂ ਤੇਮੇਨ੍ਤਂ વਿਯ ਪવਤ੍ਤਤਿ। ਪવਤ੍ਤਸਨ੍ਤਤਿਆਧਿਪਤੇਯ੍ਯਟ੍ਠੇਨਾਤਿ વਿਪਾਕਸਨ੍ਤਾਨਸ੍ਸ ਜੀવਨੇ ਅਧਿਪਤਿਭਾવੇਨ। ਏવਨ੍ਤਿਆਦਿ વੁਤ੍ਤਸ੍ਸੇવ ਅਤ੍ਥਸ੍ਸ ਨਿਗਮਨਂ। ਸਤ੍ਤਮਾਦੀਨਿ ਉਤ੍ਤਾਨਤ੍ਥਾਨਿ।

101-112. Tatiyassa paṭhamādīni uttānāni. Chaṭṭhe nijjarakāraṇānīti pajahanakāraṇāni. Imasmiṃ maggo kathīyatīti katvā ‘‘ayaṃ heṭṭhā…pe… puna gahitā’’ti vuttaṃ. Kiñcāpi nijjiṇṇā micchādiṭṭhīti ānetvā sambandhitabbaṃ. Yathā micchādiṭṭhi vipassanāya nijjiṇṇāpi na samucchinnāti samucchedappahānadassanatthaṃ puna gahitā, evaṃ micchāsaṅkappādayopi vipassanāya pahīnāpi asamucchinnatāya idha puna gahitāti ayamattho ‘‘micchāsaṅkappassā’’tiādīsu sabbapadesu vattabboti dasseti ‘‘evaṃ sabbapadesu yojetabbo’’ti iminā. Ettha cāti ‘‘sammāvimuttipaccayā ca aneke kusalā dhammā bhāvanāpāripūriṃ gacchantī’’ti etasmiṃ pāḷipade. Ettha ca samucchedavasena ca paṭippassaddhivasena ca paṭipakkhadhammānaṃ sammadeva vimuccanaṃ sammāvimutti. Tappaccayā ca maggaphalesu aṭṭha indriyāni bhāvanāpāripūriṃ upagacchantīti maggasampayuttānipi saddhādīni indriyāni uddhaṭāni. Maggavasena hi phalesu bhāvanāpāripūrī nāmāti. Abhinandanaṭṭhenāti ativiya sinehanaṭṭhena. Idañhi somanassindriyaṃ ukkaṃsagatasātasabhāvato sampayuttadhamme sinehantaṃ tementaṃ viya pavattati. Pavattasantatiādhipateyyaṭṭhenāti vipākasantānassa jīvane adhipatibhāvena. Evantiādi vuttasseva atthassa nigamanaṃ. Sattamādīni uttānatthāni.

ਸਮਣਸਞ੍ਞਾਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।

Samaṇasaññāsuttādivaṇṇanā niṭṭhitā.

ਸਮਣਸਞ੍ਞਾવਗ੍ਗવਣ੍ਣਨਾ ਨਿਟ੍ਠਿਤਾ।

Samaṇasaññāvaggavaṇṇanā niṭṭhitā.

Next: (੧੨) ੨. ਪਚ੍ਚੋਰੋਹਣਿવਗ੍ਗੋ • (12) 2. Paccorohaṇivaggo

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact