౧. సమణసఞ్ఞాసుత్తం

1. Samaṇasaññāsuttaṃ

౧౦౧. ‘‘తిస్సో ఇమా, భిక్ఖవే, సమణసఞ్ఞా భావితా బహులీకతా సత్త ధమ్మే పరిపూరేన్తి. కతమా తిస్సో? వేవణ్ణియమ్హి అజ్ఝుపగతో, పరపటిబద్ధా మే జీవికా, అఞ్ఞో మే ఆకప్పో కరణీయోతి – ఇమా ఖో, భిక్ఖవే, తిస్సో సమణసఞ్ఞా భావితా బహులీకతా సత్త ధమ్మే పరిపూరేన్తి.

101. ‘‘Tisso imā, bhikkhave, samaṇasaññā bhāvitā bahulīkatā satta dhamme paripūrenti. Katamā tisso? Vevaṇṇiyamhi ajjhupagato, parapaṭibaddhā me jīvikā, añño me ākappo karaṇīyoti – imā kho, bhikkhave, tisso samaṇasaññā bhāvitā bahulīkatā satta dhamme paripūrenti.

‘‘కతమే సత్త? సన్తతకారీ ¹ హోతి సన్తతవుత్తి ² సీలేసు, అనభిజ్ఝాలు హోతి, అబ్యాపజ్జో హోతి, అనతిమానీ హోతి, సిక్ఖాకామో హోతి , ఇదమత్థంతిస్స హోతి జీవితపరిక్ఖారేసు, ఆరద్ధవీరియో చ ³ విహరతి. ఇమా ఖో, భిక్ఖవే, తిస్సో సమణసఞ్ఞా భావితా బహులీకతా ఇమే సత్త ధమ్మే పరిపూరేన్తీ’’తి. పఠమం.

‘‘Katame satta? Santatakārī ⁴ hoti santatavutti ⁵ sīlesu, anabhijjhālu hoti, abyāpajjo hoti, anatimānī hoti, sikkhākāmo hoti , idamatthaṃtissa hoti jīvitaparikkhāresu, āraddhavīriyo ca ⁶ viharati. Imā kho, bhikkhave, tisso samaṇasaññā bhāvitā bahulīkatā ime satta dhamme paripūrentī’’ti. Paṭhamaṃ.

Next: ౨. బోజ్ఝఙ్గసుత్తం • 2. Bojjhaṅgasuttaṃ

Footnotes:

1. సతతకారీ (స్యా॰ పీ॰ క॰)

2. సతతవుత్తి (స్యా॰ పీ॰)

3. ఆరద్ధవిరియో చ (సీ॰ పీ॰), ఆరద్ధవిరియో (స్యా॰)

4. satatakārī (syā. pī. ka.)

5. satatavutti (syā. pī.)

6. āraddhaviriyo ca (sī. pī.), āraddhaviriyo (syā.)

Related texts:

అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౧. సమణసఞ్ఞాసుత్తవణ్ణనా • 1. Samaṇasaññāsuttavaṇṇanā

టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౧౨. సమణసఞ్ఞాసుత్తాదివణ్ణనా • 1-12. Samaṇasaññāsuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact