๑. สมณสญฺญาสุตฺตํ

1. Samaṇasaññāsuttaṃ

๑๐๑. ‘‘ติโสฺส อิมา, ภิกฺขเว, สมณสญฺญา ภาวิตา พหุลีกตา สตฺต ธเมฺม ปริปูเรนฺติฯ กตมา ติโสฺส? เววณฺณิยมฺหิ อชฺฌุปคโต, ปรปฎิพทฺธา เม ชีวิกา, อโญฺญ เม อากโปฺป กรณีโยติ – อิมา โข, ภิกฺขเว, ติโสฺส สมณสญฺญา ภาวิตา พหุลีกตา สตฺต ธเมฺม ปริปูเรนฺติฯ

101. ‘‘Tisso imā, bhikkhave, samaṇasaññā bhāvitā bahulīkatā satta dhamme paripūrenti. Katamā tisso? Vevaṇṇiyamhi ajjhupagato, parapaṭibaddhā me jīvikā, añño me ākappo karaṇīyoti – imā kho, bhikkhave, tisso samaṇasaññā bhāvitā bahulīkatā satta dhamme paripūrenti.

‘‘กตเม สตฺต? สนฺตตการี ¹ โหติ สนฺตตวุตฺติ ² สีเลสุ, อนภิชฺฌาลุ โหติ, อพฺยาปโชฺช โหติ, อนติมานี โหติ, สิกฺขากาโม โหติ , อิทมตฺถํติสฺส โหติ ชีวิตปริกฺขาเรสุ, อารทฺธวีริโย จ ³ วิหรติฯ อิมา โข, ภิกฺขเว, ติโสฺส สมณสญฺญา ภาวิตา พหุลีกตา อิเม สตฺต ธเมฺม ปริปูเรนฺตี’’ติฯ ปฐมํฯ

‘‘Katame satta? Santatakārī ⁴ hoti santatavutti ⁵ sīlesu, anabhijjhālu hoti, abyāpajjo hoti, anatimānī hoti, sikkhākāmo hoti , idamatthaṃtissa hoti jīvitaparikkhāresu, āraddhavīriyo ca ⁶ viharati. Imā kho, bhikkhave, tisso samaṇasaññā bhāvitā bahulīkatā ime satta dhamme paripūrentī’’ti. Paṭhamaṃ.

Next: ๒. โพชฺฌงฺคสุตฺตํ • 2. Bojjhaṅgasuttaṃ

Footnotes:

1. สตตการี (สฺยา. ปี. ก.)

2. สตตวุตฺติ (สฺยา. ปี.)

3. อารทฺธวิริโย จ (สี. ปี.), อารทฺธวิริโย (สฺยา.)

4. satatakārī (syā. pī. ka.)

5. satatavutti (syā. pī.)

6. āraddhaviriyo ca (sī. pī.), āraddhaviriyo (syā.)

Related texts:

อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑. สมณสญฺญาสุตฺตวณฺณนา • 1. Samaṇasaññāsuttavaṇṇanā

ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๑๒. สมณสญฺญาสุตฺตาทิวณฺณนา • 1-12. Samaṇasaññāsuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact