១. សមណសញ្ញាសុត្តំ

1. Samaṇasaññāsuttaṃ

១០១. ‘‘តិស្សោ ឥមា, ភិក្ខវេ, សមណសញ្ញា ភាវិតា ពហុលីកតា សត្ត ធម្មេ បរិបូរេន្តិ។ កតមា តិស្សោ? វេវណ្ណិយម្ហិ អជ្ឈុបគតោ, បរបដិពទ្ធា មេ ជីវិកា, អញ្ញោ មេ អាកប្បោ ករណីយោតិ – ឥមា ខោ, ភិក្ខវេ, តិស្សោ សមណសញ្ញា ភាវិតា ពហុលីកតា សត្ត ធម្មេ បរិបូរេន្តិ។

101. ‘‘Tisso imā, bhikkhave, samaṇasaññā bhāvitā bahulīkatā satta dhamme paripūrenti. Katamā tisso? Vevaṇṇiyamhi ajjhupagato, parapaṭibaddhā me jīvikā, añño me ākappo karaṇīyoti – imā kho, bhikkhave, tisso samaṇasaññā bhāvitā bahulīkatā satta dhamme paripūrenti.

‘‘កតមេ សត្ត? សន្តតការី ¹ ហោតិ សន្តតវុត្តិ ² សីលេសុ, អនភិជ្ឈាលុ ហោតិ, អព្យាបជ្ជោ ហោតិ, អនតិមានី ហោតិ, សិក្ខាកាមោ ហោតិ , ឥទមត្ថំតិស្ស ហោតិ ជីវិតបរិក្ខារេសុ, អារទ្ធវីរិយោ ច ³ វិហរតិ។ ឥមា ខោ, ភិក្ខវេ, តិស្សោ សមណសញ្ញា ភាវិតា ពហុលីកតា ឥមេ សត្ត ធម្មេ បរិបូរេន្តី’’តិ។ បឋមំ។

‘‘Katame satta? Santatakārī ⁴ hoti santatavutti ⁵ sīlesu, anabhijjhālu hoti, abyāpajjo hoti, anatimānī hoti, sikkhākāmo hoti , idamatthaṃtissa hoti jīvitaparikkhāresu, āraddhavīriyo ca ⁶ viharati. Imā kho, bhikkhave, tisso samaṇasaññā bhāvitā bahulīkatā ime satta dhamme paripūrentī’’ti. Paṭhamaṃ.

Next: ២. ពោជ្ឈង្គសុត្តំ • 2. Bojjhaṅgasuttaṃ

Footnotes:

1. សតតការី (ស្យា. បី. ក.)

2. សតតវុត្តិ (ស្យា. បី.)

3. អារទ្ធវិរិយោ ច (សី. បី.), អារទ្ធវិរិយោ (ស្យា.)

4. satatakārī (syā. pī. ka.)

5. satatavutti (syā. pī.)

6. āraddhaviriyo ca (sī. pī.), āraddhaviriyo (syā.)

Related texts:

អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ១. សមណសញ្ញាសុត្តវណ្ណនា • 1. Samaṇasaññāsuttavaṇṇanā

ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-១២. សមណសញ្ញាសុត្តាទិវណ្ណនា • 1-12. Samaṇasaññāsuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact