༡. སམཎསཉྙཱསུཏྟཾ

1. Samaṇasaññāsuttaṃ

༡༠༡. ‘‘ཏིསྶོ ཨིམཱ, བྷིཀྑཝེ, སམཎསཉྙཱ བྷཱཝིཏཱ བཧུལཱིཀཏཱ སཏྟ དྷམྨེ པརིཔཱུརེནྟི། ཀཏམཱ ཏིསྶོ? ཝེཝཎྞིཡམྷི ཨཛ྄ཛྷུཔགཏོ, པརཔཊིབདྡྷཱ མེ ཛཱིཝིཀཱ, ཨཉྙོ མེ ཨཱཀཔྤོ ཀརཎཱིཡོཏི – ཨིམཱ ཁོ, བྷིཀྑཝེ, ཏིསྶོ སམཎསཉྙཱ བྷཱཝིཏཱ བཧུལཱིཀཏཱ སཏྟ དྷམྨེ པརིཔཱུརེནྟི།

101. ‘‘Tisso imā, bhikkhave, samaṇasaññā bhāvitā bahulīkatā satta dhamme paripūrenti. Katamā tisso? Vevaṇṇiyamhi ajjhupagato, parapaṭibaddhā me jīvikā, añño me ākappo karaṇīyoti – imā kho, bhikkhave, tisso samaṇasaññā bhāvitā bahulīkatā satta dhamme paripūrenti.

‘‘ཀཏམེ སཏྟ? སནྟཏཀཱརཱི ¹ ཧོཏི སནྟཏཝུཏྟི ² སཱིལེསུ, ཨནབྷིཛ྄ཛྷཱལུ ཧོཏི, ཨབྱཱཔཛྫོ ཧོཏི, ཨནཏིམཱནཱི ཧོཏི, སིཀྑཱཀཱམོ ཧོཏི , ཨིདམཏྠཾཏིསྶ ཧོཏི ཛཱིཝིཏཔརིཀྑཱརེསུ, ཨཱརདྡྷཝཱིརིཡོ ཙ ³ ཝིཧརཏི། ཨིམཱ ཁོ, བྷིཀྑཝེ, ཏིསྶོ སམཎསཉྙཱ བྷཱཝིཏཱ བཧུལཱིཀཏཱ ཨིམེ སཏྟ དྷམྨེ པརིཔཱུརེནྟཱི’’ཏི། པཋམཾ།

‘‘Katame satta? Santatakārī ⁴ hoti santatavutti ⁵ sīlesu, anabhijjhālu hoti, abyāpajjo hoti, anatimānī hoti, sikkhākāmo hoti , idamatthaṃtissa hoti jīvitaparikkhāresu, āraddhavīriyo ca ⁶ viharati. Imā kho, bhikkhave, tisso samaṇasaññā bhāvitā bahulīkatā ime satta dhamme paripūrentī’’ti. Paṭhamaṃ.

Next: ༢. བོཛ྄ཛྷངྒསུཏྟཾ • 2. Bojjhaṅgasuttaṃ

Footnotes:

1. སཏཏཀཱརཱི (སྱཱ॰ པཱི॰ ཀ॰)

2. སཏཏཝུཏྟི (སྱཱ॰ པཱི॰)

3. ཨཱརདྡྷཝིརིཡོ ཙ (སཱི॰ པཱི॰), ཨཱརདྡྷཝིརིཡོ (སྱཱ॰)

4. satatakārī (syā. pī. ka.)

5. satatavutti (syā. pī.)

6. āraddhaviriyo ca (sī. pī.), āraddhaviriyo (syā.)

Related texts:

ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡. སམཎསཉྙཱསུཏྟཝཎྞནཱ • 1. Samaṇasaññāsuttavaṇṇanā

ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༡༢. སམཎསཉྙཱསུཏྟཱདིཝཎྞནཱ • 1-12. Samaṇasaññāsuttādivaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact