| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
৮. সমণসুখসুত্তং
8. Samaṇasukhasuttaṃ
১২৮. ‘‘পঞ্চিমানি, ভিক্খৰে, সমণদুক্খানি। কতমানি পঞ্চ? ইধ, ভিক্খৰে, ভিক্খু অসন্তুট্ঠো হোতি ইতরীতরেন চীৰরেন, অসন্তুট্ঠো হোতি ইতরীতরেন পিণ্ডপাতেন, অসন্তুট্ঠো হোতি ইতরীতরেন সেনাসনেন, অসন্তুট্ঠো হোতি ইতরীতরেন গিলানপ্পচ্চযভেসজ্জপরিক্খারেন, অনভিরতো চ ব্রহ্মচরিযং চরতি। ইমানি খো, ভিক্খৰে, পঞ্চ সমণদুক্খানি।
128. ‘‘Pañcimāni, bhikkhave, samaṇadukkhāni. Katamāni pañca? Idha, bhikkhave, bhikkhu asantuṭṭho hoti itarītarena cīvarena, asantuṭṭho hoti itarītarena piṇḍapātena, asantuṭṭho hoti itarītarena senāsanena, asantuṭṭho hoti itarītarena gilānappaccayabhesajjaparikkhārena, anabhirato ca brahmacariyaṃ carati. Imāni kho, bhikkhave, pañca samaṇadukkhāni.
‘‘পঞ্চিমানি, ভিক্খৰে, সমণসুখানি। কতমানি পঞ্চ? ইধ, ভিক্খৰে, ভিক্খু সন্তুট্ঠো হোতি ইতরীতরেন চীৰরেন, সন্তুট্ঠো হোতি ইতরীতরেন পিণ্ডপাতেন, সন্তুট্ঠো হোতি ইতরীতরেন সেনাসনেন, সন্তুট্ঠো হোতি ইতরীতরেন গিলানপ্পচ্চযভেসজ্জপরিক্খারেন, অভিরতো চ ব্রহ্মচরিযং চরতি। ইমানি খো, ভিক্খৰে, পঞ্চ সমণসুখানী’’তি। অট্ঠমং।
‘‘Pañcimāni, bhikkhave, samaṇasukhāni. Katamāni pañca? Idha, bhikkhave, bhikkhu santuṭṭho hoti itarītarena cīvarena, santuṭṭho hoti itarītarena piṇḍapātena, santuṭṭho hoti itarītarena senāsanena, santuṭṭho hoti itarītarena gilānappaccayabhesajjaparikkhārena, abhirato ca brahmacariyaṃ carati. Imāni kho, bhikkhave, pañca samaṇasukhānī’’ti. Aṭṭhamaṃ.
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / (১৩) ৩. গিলানৰগ্গো • (13) 3. Gilānavaggo
