| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๘. สมณสุขสุตฺตํ
8. Samaṇasukhasuttaṃ
๑๒๘. ‘‘ปญฺจิมานิ, ภิกฺขเว, สมณทุกฺขานิฯ กตมานิ ปญฺจ? อิธ, ภิกฺขเว, ภิกฺขุ อสนฺตุโฎฺฐ โหติ อิตรีตเรน จีวเรน, อสนฺตุโฎฺฐ โหติ อิตรีตเรน ปิณฺฑปาเตน, อสนฺตุโฎฺฐ โหติ อิตรีตเรน เสนาสเนน, อสนฺตุโฎฺฐ โหติ อิตรีตเรน คิลานปฺปจฺจยเภสชฺชปริกฺขาเรน, อนภิรโต จ พฺรหฺมจริยํ จรติฯ อิมานิ โข, ภิกฺขเว, ปญฺจ สมณทุกฺขานิฯ
128. ‘‘Pañcimāni, bhikkhave, samaṇadukkhāni. Katamāni pañca? Idha, bhikkhave, bhikkhu asantuṭṭho hoti itarītarena cīvarena, asantuṭṭho hoti itarītarena piṇḍapātena, asantuṭṭho hoti itarītarena senāsanena, asantuṭṭho hoti itarītarena gilānappaccayabhesajjaparikkhārena, anabhirato ca brahmacariyaṃ carati. Imāni kho, bhikkhave, pañca samaṇadukkhāni.
‘‘ปญฺจิมานิ, ภิกฺขเว, สมณสุขานิฯ กตมานิ ปญฺจ? อิธ, ภิกฺขเว, ภิกฺขุ สนฺตุโฎฺฐ โหติ อิตรีตเรน จีวเรน, สนฺตุโฎฺฐ โหติ อิตรีตเรน ปิณฺฑปาเตน, สนฺตุโฎฺฐ โหติ อิตรีตเรน เสนาสเนน, สนฺตุโฎฺฐ โหติ อิตรีตเรน คิลานปฺปจฺจยเภสชฺชปริกฺขาเรน, อภิรโต จ พฺรหฺมจริยํ จรติฯ อิมานิ โข, ภิกฺขเว, ปญฺจ สมณสุขานี’’ติฯ อฎฺฐมํฯ
‘‘Pañcimāni, bhikkhave, samaṇasukhāni. Katamāni pañca? Idha, bhikkhave, bhikkhu santuṭṭho hoti itarītarena cīvarena, santuṭṭho hoti itarītarena piṇḍapātena, santuṭṭho hoti itarītarena senāsanena, santuṭṭho hoti itarītarena gilānappaccayabhesajjaparikkhārena, abhirato ca brahmacariyaṃ carati. Imāni kho, bhikkhave, pañca samaṇasukhānī’’ti. Aṭṭhamaṃ.
Related texts:
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / (๑๓) ๓. คิลานวโคฺค • (13) 3. Gilānavaggo
