| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
(৯) ৪. সমণৰগ্গো
(9) 4. Samaṇavaggo
১-৫. সমণসুত্তাদিৰণ্ণনা
1-5. Samaṇasuttādivaṇṇanā
৮২-৮৬. চতুত্থস্স পঠমে সম্মা আদানং গহণং সমাদানন্তি আহ ‘‘সমাদানং ৰুচ্চতি গহণ’’ন্তি। অধিকং ৰিসিট্ঠং সীলন্তি অধিসীলং। লোকিযসীলস্স অধিসীলভাৰো পরিযাযেনাতি নিপ্পরিযাযমেৰ তং দস্সেতুং ‘‘অপিচ সব্বম্পি লোকিযসীল’’ন্তিআদি ৰুত্তং। সিক্খিতব্বতোতি আসেৰিতব্বতো। পঞ্চপি দসপি ৰা সীলানি সীলং নাম, পাতিমোক্খসংৰরো অধিসীলং নাম অনৰসেসকাযিকচেতসিকসংৰরভাৰতো মগ্গসীলস্স পদট্ঠানভাৰতো চ। অট্ঠ সমাপত্তিযো চিত্তং, ৰিপস্সনাপাদকজ্ঝানং অধিচিত্তং মগ্গসমাধিস্স অধিট্ঠানভাৰতো। কম্মস্সকতঞাণং পঞ্ঞা, ৰিপস্সনা অধিপঞ্ঞা মগ্গপঞ্ঞায অধিট্ঠানভাৰতো। অপিচ নিব্বানং পত্থযন্তেন সমাদিন্নং পঞ্চসীলং দসসীলম্পি অধিসীলমেৰ নিব্বানাধিগমস্স পচ্চযভাৰতো। নিব্বানং পত্থযন্তেন সমাপন্না অট্ঠ সমাপত্তিযোপি অধিচিত্তমেৰ।
82-86. Catutthassa paṭhame sammā ādānaṃ gahaṇaṃ samādānanti āha ‘‘samādānaṃ vuccati gahaṇa’’nti. Adhikaṃ visiṭṭhaṃ sīlanti adhisīlaṃ. Lokiyasīlassa adhisīlabhāvo pariyāyenāti nippariyāyameva taṃ dassetuṃ ‘‘apica sabbampi lokiyasīla’’ntiādi vuttaṃ. Sikkhitabbatoti āsevitabbato. Pañcapi dasapi vā sīlāni sīlaṃ nāma, pātimokkhasaṃvaro adhisīlaṃ nāma anavasesakāyikacetasikasaṃvarabhāvato maggasīlassa padaṭṭhānabhāvato ca. Aṭṭha samāpattiyo cittaṃ, vipassanāpādakajjhānaṃ adhicittaṃ maggasamādhissa adhiṭṭhānabhāvato. Kammassakatañāṇaṃ paññā, vipassanā adhipaññā maggapaññāya adhiṭṭhānabhāvato. Apica nibbānaṃ patthayantena samādinnaṃ pañcasīlaṃ dasasīlampi adhisīlameva nibbānādhigamassa paccayabhāvato. Nibbānaṃ patthayantena samāpannā aṭṭha samāpattiyopi adhicittameva.
‘‘কল্যাণকারী কল্যাণং, পাপকারী চ পাপকং।
‘‘Kalyāṇakārī kalyāṇaṃ, pāpakārī ca pāpakaṃ;
অনুভোতি দ্ৰযমেতং, অনুবন্ধঞ্হি কারণ’’ন্তি॥ –
Anubhoti dvayametaṃ, anubandhañhi kāraṇa’’nti. –
এৰং অতীতে অনাগতে চ ৰট্টমূলকদুক্খসল্লক্খণৰসেন সংৰেগৰত্থুতায ৰিমুত্তিআকঙ্খায পচ্চযভূতা কম্মস্সকতপঞ্ঞাপি অধিপঞ্ঞাতি ৰদন্তি। দুতিযততিযচতুত্থপঞ্চমানি উত্তানত্থানেৰ।
Evaṃ atīte anāgate ca vaṭṭamūlakadukkhasallakkhaṇavasena saṃvegavatthutāya vimuttiākaṅkhāya paccayabhūtā kammassakatapaññāpi adhipaññāti vadanti. Dutiyatatiyacatutthapañcamāni uttānatthāneva.
সমণসুত্তাদিৰণ্ণনা নিট্ঠিতা।
Samaṇasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
১. সমণসুত্তং • 1. Samaṇasuttaṃ
২. গদ্রভসুত্তং • 2. Gadrabhasuttaṃ
৩. খেত্তসুত্তং • 3. Khettasuttaṃ
৪. ৰজ্জিপুত্তসুত্তং • 4. Vajjiputtasuttaṃ
৫. সেক্খসুত্তং • 5. Sekkhasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
১. সমণসুত্তৰণ্ণনা • 1. Samaṇasuttavaṇṇanā
২. গদ্রভসুত্তৰণ্ণনা • 2. Gadrabhasuttavaṇṇanā
৩. খেত্তসুত্তৰণ্ণনা • 3. Khettasuttavaṇṇanā
৪. ৰজ্জিপুত্তসুত্তৰণ্ণনা • 4. Vajjiputtasuttavaṇṇanā
৫. সেক্খসুত্তৰণ্ণনা • 5. Sekkhasuttavaṇṇanā
